1 Xuhaliⱪ Bildad jawabǝn mundaⱪ dedi: —

2 Sǝndǝk adǝmlǝr ⱪaqanƣiqǝ mundaⱪ sɵzlǝrni tohtatmaysilǝr?

Silǝr obdan oylap beⱪinglar, andin biz sɵz ⱪilimiz.

3 Biz nemixⱪa silǝrning aldinglarda ⱨaywanlar ⱨesablinimiz?

Nemixⱪa aldinglarda ǝhmǝⱪ tonulimiz?□«Biz nemixⱪa silǝrning aldinglarda ⱨaywanlar ⱨesablinimiz?» — «silǝr» degǝn sɵzgǝ ⱪariƣanda, Bildadning bu sɵzining pǝⱪǝt Ayupⱪila ⱪilinƣan ǝmǝslikini bildüridu. Ularning yenida gǝp angliƣuqilardin bǝzilǝr Ayupning jasarǝtlik sɵzlirini anglap uningƣa ⱪol ⱪoydimu-ya?

4 Ⱨǝy ɵzüngning ƣǝzipidǝ ɵzüngni yirtⱪuqi, seni dǝpla yǝr-zemin taxliwetilǝmdu?!

Taƣ-taxlar ɵz ornidin kɵtürülüp ketǝmdu?!□«Ⱨǝy ɵzüngning ƣǝzipidǝ ɵzüngni yirtⱪuqi, seni dǝpla ... taƣ-taxlar ɵz ornidin kɵtürülüp ketǝmdu?!» — Ayup 16-bab, 9-ayǝttǝ, «U (Huda)ning ƣǝzipi meni titma ⱪildi» degǝn. Bildad, xübⱨisizki, bu gǝpni mazaⱪ ⱪilip: «Sening yirtilixing Hudaning ƣǝzipi bilǝn ǝmǝs, bǝlki ɵz-ɵzüngning ƣǝzipi bilǝndur» demǝkqi. Bildad yǝnǝ Huda insandin uluƣ ⱨǝm aliy bolƣaqⱪa, Ayup uning bilǝn didarlixay, ⱨuzuriƣa kirip uning bilǝn sɵzlixǝy dǝp ɵz ǝⱪlidin adaxⱪan, dǝp mazaⱪ ⱪilidu — demǝkqi.
Bildad «Insanning Huda bilǝn biwasitǝ sɵzlixixi, kɵrüxüxi zadi mumkin ǝmǝs» degǝn kɵzⱪaraxta bolidu. Biraⱪ Ayup ahirida ⱨǝⱪiⱪǝtǝn Huda bilǝn kɵrüxidu; uning üstigǝ biz Ayupni Hudani ɵzining ǝng yeⱪin ⱨǝmraⱨi dǝp bilgǝn kixi, dǝp kɵrǝlǝymiz (29:4).  [c]

5 Ⱪandaⱪla bolmisun, yaman adǝmning qiriƣi ɵqürülidu,

Uning ot-uqⱪunliri yalⱪunlimaydu.

6 Qediridiki nur ⱪarangƣuluⱪⱪa aylinidu,

Uning üstigǝ asⱪan qiriƣi ɵqürülidu.

7 Uning mǝzmut ⱪǝdǝmliri ⱪisilidu,

Ɵzining nǝsiⱨǝtliri ɵzini mollaⱪ atⱪuzidu.

8 Qünki ɵz putliri ɵzini torƣa ǝwǝtidu,

U dǝl torning üstigǝ dǝssǝydiƣan bolidu.

9 Ⱪiltaⱪ uni tapinidin iliwalidu,

Tuzaⱪ uni tutuwalidu.[d]

10 Yǝrdǝ uni kütidiƣan yoxurun arƣamqa bar,

Yolida uni tutmaⱪqi bolƣan bir ⱪapⱪan bar.

11 Uni ⱨǝr tǝrǝptin wǝⱨimilǝr besip ⱪorⱪitiwatidu,

Ⱨǝm ular uni iz ⱪoƣlap ⱪoƣlawatidu.[e]

12 Maƣdurini aqarqiliⱪ yǝp tügǝtti;

Palakǝt uning yenida paylap yüridu.□«Maƣdurini aqarqiliⱪ yǝp tügǝtti» — baxⱪa bir hil tǝrjimisi «Balayi’apǝt uni yutuwetixkǝ aqkɵzlük bilǝn kütiwatidu...»  [g]

13 Ɵlümning qong balisi uning terisini yǝwatidu;

Uning ǝzalirini xoraydu.□«ɵlümning qong balisi» — bǝlkim birhil kesǝlni (Ayupning kesilini?) kɵrsitidu.

14 U ɵz qediridiki amanliⱪtin yulup taxlinidu,

Ɵlümning tunjisi uni «wǝⱨimilǝrning padixaⱨi»ning aldiƣa yalap apiridu.[i]

15 Ɵyidikilǝr ǝmǝs, bǝlki baxⱪilar uning qedirida turidu;

Turalƣusining üstigǝ günggürt yaƣdurulidu.□«...baxⱪilar uning qedirida turidu» — yaki « ...ot uning qedirida turidu».

16 Uning yiltizi tegidin ⱪurutulidu;

Üstidiki xahliri kesilidu.

17 Uning ǝslimisimu yǝr yüzidikilǝrning esidin kɵtürülüp ketidu,

Sirtlarda uning nam-abruyi ⱪalmaydu.□«Sirtlarda...» — yaki: «Yaylaⱪlarda...» yaki «Dalada...».  [l]

18 U yoruⱪluⱪtin ⱪarangƣuluⱪⱪa ⱪoƣliwetilgǝn bolup,

Bu dunyadin ⱨǝydiwetilidu.

19 Əl-yurtta ⱨeqⱪandaⱪ pǝrzǝntliri yaki ǝwladliri ⱪalmaydu,

U musapir bolup turƣan yǝrlǝrdimu nǝsli ⱪalmaydu.[m]

20 Uningdin keyinkilǝr uning künigǝ ⱪarap alaⱪzadǝ bolidu,

Huddi aldinⱪilarmu qɵqüp kǝtkǝndǝk.□«Huddi aldinⱪilar qɵqüp kǝtkǝndǝk» — Bildad eytⱪan «aldinⱪilar»ning ɵz dǝwridiki rǝzil adǝmlǝrning ǝⱨwaliƣa ⱪarap qɵqüp kǝtkǝnlikini kɵrsitixi mumkin.
Baxⱪa birhil tǝrjimisi: «Mǝxriⱪtikilǝr uning künigǝ ⱪarap alaⱪzadǝ bolidu, mǝƣribtikilǝr uning künigǝ ⱪarap alaⱪzadǝ bolidu, mǝxriⱪtikilǝrmu qɵqüp ketidu».

21 Mana, ⱪǝbiⱨ adǝmning makanliri xübⱨisiz xundaⱪ,

Tǝngrini tonumaydiƣan kixiningmu orni qoⱪum xundaⱪtur. □«Mana, ⱪǝbiⱨ adǝmning makanliri xübⱨisiz xundaⱪ, Tǝngrini tonumaydiƣan kixiningmu orni qoⱪum xundaⱪtur» — Bildadning bu sɵzliridǝ: «ⱪǝbiⱨ adǝm», «Tǝngrini tonumaydiƣan kixi» degini, «sǝn Ayuptin baxⱪa kixi ǝmǝs» demǝkqi.