1 I Israil, Pǝrwǝrdigar Hudayingning yeniƣa ikkilǝnmǝy ⱪaytip kǝl!

Qünki ɵz ⱪǝbiⱨliking bilǝn putlixip yiⱪilƣansǝn.[a]

2 Ɵzünglar bilǝn billǝ sɵzlǝrni epkelinglar,

Pǝrwǝrdigarning yeniƣa ⱪaytinglar;

Uningƣa: — «Barliⱪ ⱪǝbiⱨlikni kǝqürgǝysǝn,

Xapaǝt bilǝn bizni ⱪobul ⱪilƣaysǝn,

Xuning bilǝn biz Sanga lǝwlirimizdiki «buⱪa ⱪurbanliⱪlar»ni tutimiz — dǝnglar.□«...«buⱪa ⱪurbanliⱪlar»ni tutimiz — «buⱪa ⱪurbanliⱪlar» Hudaƣa atap beƣixlinidiƣan «kɵydürmǝ ⱪurbanliⱪ»lar iqidǝ ǝng ⱪimmǝtlik ⱪurbanliⱪ idi. Muxu yǝrdǝ kɵqmǝ mǝnidǝ ixlǝtkǝn, ǝlwǝttǝ. U «lǝwlirimizdiki mol ibadǝt-mǝdⱨiyǝ»ni kɵrsitidu. Baxⱪa birhil tǝrjimisi: «lǝwlirimizdiki mewini tutimiz».

3 — «Asuriyǝ bizni ⱪutⱪuzmaydu,

Atlarƣa minmǝymiz;

Biz ⱨǝrgiz ɵz ⱪolimiz yasiƣiniƣa: — «Hudayimiz!» demǝymiz;

Qünki Sǝndinla yetim-yesirlar rǝⱨim-xǝpⱪǝt tapidu».□«Qünki Sǝndinla yetim-yesirlar rǝⱨim-xǝpⱪǝt tapidu»» — bu sɵz Ⱨoxiyaning balilirining ɵz dadisi bilǝn bolƣan kǝqürmixini ǝks ǝttürgǝn bolidu.

4 — Mǝn ularni «arⱪiƣa qekinixliri»din saⱪaytimǝn,

Mǝn ularni qin kɵnglümdin halap sɵyimǝn;

Qünki Mening ƣǝzipim uningdin yandi.

5 Mǝn Israilƣa xǝbnǝmdǝk bolimǝn;

U nilupǝrdǝk bǝrⱪ uridu,

Yiltizliri Liwan kedir dǝrihidǝk yiltiz tartidu;

6 Uning bihliri xahlap yeyilidu,

Uning güzǝlliki zǝytun dǝrihidǝk,

Puriⱪi Liwan kediriningkidǝk bolidu.

7 Hǝlⱪ ⱪaytip kelip, uning sayisi astida olturidu;

Ular ziraǝtlǝrdǝk yaxnaydu,

Üzüm telidǝk qeqǝklǝydu;

Liwanning xarabliri aƣzida ⱪalƣandǝk, esidǝ xerin ⱪalidu. □«Liwanning xarabliri aƣzida ⱪalƣandǝk, esidǝ xerin ⱪalidu» — ibraniy tilida: «Uning ǝslǝtmisi Liwandiki xarabningkidǝk bolidu».

8 Əfraim: «Mening butlar bilǝn yǝnǝ nemǝ karim!» — dǝydiƣan bolidu.

«Mǝn uningƣa jawab berimǝn, uningdin hǝwǝr alimǝn!

«Mǝn yapyexil bir ⱪariƣaydurmǝn».

«Sening mewǝng Mǝndindur!»□«Əfraim: «Mening butlar bilǝn yǝnǝ nemǝ karim!» — dǝydiƣan bolidu» — baxⱪa birhil tǝrjimisi: «U (Huda Əfraimƣa) «I Əfraim, Mening butlar bilǝn nemǝ alaⱪǝm bolsun!» — dǝydu».

9 Kim dana bolup, bu ixlarni qüxinǝr? Qeqǝn bolup, bularni bilǝr?

Qünki Pǝrwǝrdigarning yolliri durustur,

Ⱨǝⱪⱪaniylar ularda mangidu;

Biraⱪ itaǝtsizlǝr ularda putlixip yiⱪilidu.[f]

<- Ⱨoxiya 13