1 Xundaⱪ ikǝn, ǝy muⱪǝddǝs ⱪerindaxlar, ǝrxtin bolƣan qaⱪiriⱪⱪa ortaⱪ nesip bolƣanlar, ɵzimiz etirap ⱪilƣan Rosul wǝ Bax Ⱪaⱨin, yǝni Əysaƣa kɵngül ⱪoyup ⱪaranglar.[a] 2 Huddi Musa pǝyƣǝmbǝr Hudaning pütün ailisidǝ hizmǝt ⱪilƣanda Hudaƣa sadiⱪ bolƣandǝk, umu ɵzini tǝyinlǝp hizmǝtkǝ Ⱪoyƣuqiƣa sadiⱪ boldi.□«Musa pǝyƣǝmbǝr Hudaning pütün ailisidǝ hizmǝt ⱪilƣanda Hudaƣa sadiⱪ bolƣandǝk...» — «Hudaning... ailisi» sɵzmusɵz tǝrjimisi «Hudaning ... ɵyi» bolup, Musa pǝyƣǝmbǝr zamanida bu sɵz arⱪiliⱪ Israil hǝlⱪi kɵzdǝ tutulƣanidi. Əysa kǝlgǝndin keyin pütün etiⱪadqilar jamaiti kɵzdǝ tutulidiƣan bolƣan.  [c] 3 Lekin ɵyni bǝrpa ⱪilƣuqi ɵzi bǝrpa ⱪilƣan ɵydinmu artuⱪ xɵⱨrǝtkǝ sazawǝr bolƣinidǝk, Umu Musadin artuⱪ xan-xǝrǝpkǝ layiⱪtur. 4 Qünki ⱨǝmmǝ ɵyning bǝrpa ⱪilƣuqisi bardur; lekin pütün mǝwjudatning bǝrpa ⱪilƣuqisi bolsa Hudadur.[d] 5 Musa bolsa hizmǝtkar salaⱨiyiti bilǝn Hudaning pütün ailisidǝ sadiⱪliⱪ bilǝn keyinki axkarilinidiƣan ixlarƣa guwaⱨliⱪ berix hizmitini ⱪilƣan.□«Musa bolsa hizmǝtkar salaⱨiyiti bilǝn Hudaning pütün ailisidǝ sadiⱪliⱪ bilǝn keyinki axkarilinidiƣan ixlarƣa guwaⱨliⱪ berix hizmitini ⱪilƣan» — Musa pǝyƣǝmbǝrning (Hudaning ailisi iqidǝ bolƣan) hizmiti kɵp jǝⱨǝtlǝrdǝ Mǝsiⱨ arⱪiliⱪ bolidiƣan nijatni aldin’ala kɵrsitixni ɵz iqigǝ alƣan. «Qɵl.» 12:7ni kɵrüng.  [f] 6 Lekin Mǝsiⱨ bolsa Hudaning ailisigǝ Oƣul salaⱨiyiti bilǝn ⱨɵküm süridu; wǝ ǝgǝr biz jasaritimiz wǝ ümidimizdin bolƣan iptiharliⱪni ahirƣiqǝ qing tutsaⱪ, dǝrwǝⱪǝ Hudaning axu ailisigǝ tǝwǝ bolƣan bolimiz.[g]

7 Xunga, muⱪǝddǝs yazmilarda Muⱪǝddǝs Roⱨning deginidǝk,

Bügün, ǝgǝr silǝr Hudaning awazini anglisanglar,[h]

8 Əyni qaƣlarda Uni ƣǝzǝplǝndürüp, qɵl-bayawanda Uni siniƣan künidikidǝk,

Yürikinglarni ⱪattiⱪ ⱪilmanglar![i]

9 Mana xu yǝrdǝ ata-bowiliringlar Meni sinidi, ispatlidi ⱨǝm Mening ⱪilƣanlirimni ⱪiriⱪ yil kɵrüp kǝlgǝnidi.

10 Mǝn xu dǝwrdin bizar bolup: —

«Bular kɵnglidǝ daim adaxⱪanlar,

Mening yollirimni ⱨeq bilip yǝtmigǝn.

11 Xunga Mǝn ƣǝzǝplinip ⱪǝsǝm iqip: —

«Ular Mening aramliⱪimƣa ⱪǝt’iy kirmǝydu» dedim».□«Xunga Mǝn ƣǝzǝplinip ⱪǝsǝm iqip: — «Ular Mening aramliⱪimƣa ⱪǝt’iy kirmǝydu» dedim» — «Zǝb.» 95:7-11. «Mening aramliⱪim» — birinqidin Huda Israillarƣa wǝdǝ bǝrgǝn Ⱪanaan (Pǝlǝstin) zeminini kɵrsitidu. Misirdin qiⱪip qɵl-bayawanda ⱪiriⱪ yil sǝrsan bolup yürgǝn bir ǝwlad Israillar itaǝtsizlik ⱪilip u zeminƣa kirmigǝn. Ikkinqidin, xundaⱪla ǝng muⱨimi, «aramliⱪ» bolsa, pǝⱪǝt zeminni ǝmǝs, bǝlki Hudaning panaⱨi, yetǝkqiliki ⱨǝm xǝpⱪiti astida yaxaxni ɵz iqigǝ alidu (4-babnimu kɵrüng).  [k]

12 Əmdi ⱪerindaxlar, ⱨeqⱪaysinglarda yaman niyǝtlik wǝ etiⱪadsiz ⱪǝlb bolmisun, xundaⱪla uning mǝnggü ⱨayat Hudadin yüz ɵrümǝslikigǝ kɵngül bɵlünglar; 13 pǝⱪǝt «bügün»la bolidikǝn, ⱨeqⱪaysinglar gunaⱨning azduruxliri bilǝn kɵnglünglarning ⱪattiⱪlaxmasliⱪi üqün ⱨǝr küni bir-biringlarni jekilǝnglar.□«pǝⱪǝt «bügün»la bolidikǝn, ⱨeqⱪaysinglar gunaⱨning azduruxliri bilǝn kɵnglünglarning ⱪattiⱪlaxmasliⱪi üqün ⱨǝr küni bir-biringlarni jekilǝnglar» — bu ayǝttiki «bügün» yuⱪirida nǝⱪil kǝltürülgǝn «Zǝbur» 95-küydiki sɵz, ǝlwǝttǝ.

14 Dǝslǝptiki hatirjǝmlikimizni ahirƣiqǝ qing tutsaⱪla, dǝrwǝⱪǝ Mǝsiⱨ bilǝn xerik bolƣan bolimiz.

15 Yuⱪirida eytilƣinidǝk: —

«Bügün, ǝgǝr silǝr Hudaning awazini anglisanglar,

Əyni qaƣlarda Uni ƣǝzǝplǝndürgǝn künidikidǝk,

Yürikinglarni ⱪattiⱪ ⱪilmanglar!»[m]

16 (Əmdi Uning awazini anglap turup, Uni ƣǝzǝplǝndürgǝnlǝr kimlǝr idi? Musa pǝyƣǝmbǝrning yetǝkqilikidǝ Misirdin ⱪutulup qiⱪⱪan axu Israillarning ⱨǝmmisi ǝmǝsmu? 17 U ⱪiriⱪ yil kimlǝrgǝ ƣǝzǝplǝndi? Yǝnila xu gunaⱨ ɵtküzüp, yiⱪilip jǝsǝtliri qɵldǝ ⱪalƣanlarƣa ǝmǝsmu? □«U ⱪiriⱪ yil kimlǝrgǝ ƣǝzǝplǝndi? Yǝnila xu gunaⱨ ɵtküzüp, yiⱪilip jǝsǝtliri qɵldǝ ⱪalƣanlarƣa ǝmǝsmu?» — «Qɵl.» 14:29, 32ni kɵrüng.  [o] 18 Xundaⱪla U kimlǝrgǝ Ɵz aramliⱪimƣa ⱪǝt’iy kirmǝysilǝr dǝp ⱪǝsǝm ⱪildi? Ɵzigǝ itaǝt ⱪilmiƣanlarni ǝmǝsmu? [p] 19 Xunga bulardin kɵrüwalalaymizki, ularning aramliⱪⱪa kirmǝsliki etiⱪadsizliⱪi tüpǝylidin idi).