1 Xu qaƣda Musa bilǝn Israillar Pǝrwǝrdigarƣa mǝdⱨiyǝ oⱪup munu küyni eytti: —

«Mǝn Pǝrwǝrdigarni mǝdⱨiyilǝp küy eytay,

Qünki U karamǝt uluƣluⱪini kɵrsǝtti;

U at wǝ mingüqini dengizƣa taxliwǝtti.□«U karamǝt uluƣluⱪini kɵrsǝtti» — yaki «U xanliⱪ ƣǝlibǝ ⱪuqti».  [b]

2 Mening küqüm ⱨǝm mening küyüm Yaⱨ Ɵzidur;

U manga nijat boldi;

U mening Tǝngrimdur, mǝn Uni uluƣlaymǝn;

U mening atamning Hudasidur, mǝn Uni aliy dǝp mǝdⱨiyilǝymǝn.□«Yaⱨ» —Muxu tǝrjimidǝ biz Hudaning «Yaⱨwǝⱨ» yaki «Yǝⱨowaⱨ» degǝn namini «Pǝrwǝrdigar» dǝp tǝrjimǝ ⱪilduⱪ. «Yaⱨ» bolsa «Yaⱨwǝⱨ» degǝn bu ismining ⱪisⱪartilƣan xǝklidur.  [d]

3 Pǝrwǝrdigar jǝngqidur,

Yaⱨwǝⱨ Uning namidur.□«Yaⱨwǝⱨ» —Muxu tǝrjimidǝ biz Hudaning «Yaⱨwǝⱨ» yaki «jǝⱨowaⱨ» degǝn namini adǝttǝ «Pǝrwǝrdigar» dǝp tǝrjimǝ ⱪilduⱪ. Mǝnisi «Əzǝldin Bolƣuqi». 3:13-14 wǝ izaⱨatni kɵrüng.

4 Pirǝwnning jǝng ⱨarwilirini ⱨǝm ⱪoxunlirini dengizƣa taxliwǝtti;

Uning aliy lǝxkǝr baxliⱪliri Ⱪizil Dengizda ƣǝrⱪ ⱪilindi.

5 Qongⱪur sular ularni kɵmüwǝtti,

Ular huddi taxtǝk dengiz tegigǝ qɵküp kǝtti.[f]

6 Sening ong ⱪolung, ǝy Pǝrwǝrdigar,

Ⱪudriti bilǝn xan-xǝrǝp tapti;

Sening ong ⱪolung, ǝy Pǝrwǝrdigar,

Düxmǝnni kukum-talⱪan ⱪiliwǝtti.[g]

7 Ɵz uluƣluⱪungning ⱨǝywisi bilǝn ɵzünggǝ ⱪarxi qiⱪⱪanlarni nabut ⱪilding,

Sǝn otluⱪ ƣǝzipingni ǝwǝtting,

U samanni kɵydürgǝn ottǝk ularni yutuwǝtti.

8 Dimiƣingning nǝpisi bilǝn sular dɵng bolup ɵrlidi,

Juxⱪunliƣan dolⱪunlar dɵng kǝbi tik turdi,

Dengizning otturisidiki qongⱪur sular ⱪaturup ⱪoyuldi.□«Dimiƣingning nǝpisi bilǝn» — yaki «ⱪǝⱨringning roⱨi bilǝn».  [i]

9 Düxmǝn dedi: «Mǝn ularni ⱪoƣlaymǝn, yetiximǝn, olja elip ülǝxtürimǝn,

Ulardin dǝrdimni qiⱪirimǝn,

Ⱪiliqimni suƣurup, ɵz ⱪolum bilǝn ularni nabut ⱪilimǝn».

10 Lekin Sǝn nǝpising bilǝn püwliding,

Dengiz ularni kɵmüwǝtti;

Ular juxⱪunluⱪ sularda ⱪoƣuxundǝk qɵküp kǝtti.[j]

11 Ilaⱨlarning arisida, ǝy Pǝrwǝrdigar,

Kim Sening tǝngdixing bolsun?

Pak-muⱪǝddǝslik iqidǝ Ɵz ⱨǝywitingni kɵrsitidiƣan,

Ⱨǝmd-mǝdⱨiyilǝr arisida dǝⱨxǝtlik turidiƣan,

Mɵjizǝ-karamǝt yaritidiƣan,

Sǝndǝk kim bolsun?

12 Sǝn ong ⱪolungni uzitixing bilǝn,

Yǝr-zemin ularni yutuwǝtti.

13 Lekin Ɵzünggǝ ⱨǝmjǝmǝt ⱪilip ⱪutⱪuzƣan ⱪowmni rǝⱨimdilliⱪing bilǝn baxlap qiⱪting;

Sǝn ularni Ɵz muⱪǝddǝs makaningƣa ⱪudriting bilǝn ⱨidayǝt ⱪilip yetǝkliding.□«ⱨǝmjǝmǝt ⱪilip ⱪutⱪuzƣan» — muxu ibarǝ ibraniy tilida «daal» degǝn bir peil bilǝnla ipadilinidu. Bu peil toƣruluⱪ «Tǝbirlǝr» wǝ «Ayup» 19:25 wǝ izaⱨatinimu kɵrüng. «Ɵz muⱪǝddǝs makaningƣa» — ibraniy tilida «Ɵz muⱪǝddǝslikingning makaniƣa».

14 Yat hǝlⱪlǝr buni anglap, titrixip kǝtti;

Filistiyǝdǝ turuwatⱪanlarni tolƣaⱪtǝk azab tutti.

15 Andin Edomning ǝmirliri dǝkkǝ-dükkigǝ qüxti;

Moabning palwanlirini bolsa, rasa titrǝk basti;

Ⱪanaan zeminidikilǝrning yüriki su bolup aⱪti;[l]

16 Ⱪorⱪunq wǝ dǝⱨxǝt ularni basti;

Bilikingning ⱨǝywiti bilǝn ular huddi taxtǝk midirliyalmay ⱪaldi;

Hǝlⱪing ɵtüp kǝtküqǝ, i Pǝrwǝrdigar,

Ɵzüng rǝnǝ tɵlǝp ⱨɵr ⱪilƣan hǝlⱪing ɵtüp bolƣuqǝ.□«Ɵzüng rǝnǝ tɵlǝp ⱨɵr ⱪilƣan hǝlⱪing» — bu uⱪum yuⱪiriⱪi 13-ayǝttiki «Sǝn ⱨǝmjǝmǝt ⱪilip ⱪutⱪuzƣan... hǝlⱪing» degǝn uⱪumƣa yeⱪindur. «... Ɵzüng rǝnǝ tɵlǝp ⱨɵr ⱪilƣan hǝlⱪing ɵtüp bolƣuqǝ» — bu ayǝt bexarǝt bolup: (1) Ⱪanaandiki hǝlⱪ wǝ Moabtiki aⱨalilǝr Hudaning hǝlⱪining Misirdin qiⱪⱪinini anglap ulardin intayin ⱪorⱪidu («Yǝ.» 2:8-11ni kɵrüng); (2) keyinki künlǝrdǝ Israil Ⱪanaan zeminini igilǝxkǝ Iordan dǝryasidin «ɵtidu». Bu ix bolƣuqǝ ⱨeqⱪandaⱪ baxⱪa ǝl-millǝt ularning yolini tosuwalalmaydu (17-ayǝtni kɵrüng).  [n]

17 Ularni baxlap kirip,

Ɵz mirasing bolƣan taƣda kɵqǝttǝk tikisǝn,

Ɵz makaning ⱪilƣan jayƣa, i Pǝrwǝrdigar,

Ɵz ⱪolliring tǝyyarliƣan muⱪǝddǝs jayƣa, i Rǝb, ularni elip barisǝn.

18 Pǝrwǝrdigar ǝbǝdil’ǝbǝdgiqǝ padixaⱨ bolup ⱨɵküm süridu!

19 Qünki Pirǝwnning atliri,

Jǝng ⱨarwiliri atliⱪliri bilǝn billǝ dengizƣa kirip boldi;

Pǝrwǝrdigar dengizning sulirini ularning üstigǝ yandurdi,

Lekin Israillar bolsa dengizning otturisidin ⱪuruⱪ yǝrdin mengip ɵtüp kǝtti».□«...ⱪuruⱪ yǝrdin mengip ɵtüp kǝtti» — bǝzi tǝrjimilǝrdǝ Musaning bu xeiri 18-ayǝt bilǝn tohtaydu.

20 Andin Ⱨarunning ⱨǝdisi pǝyƣǝmbǝr Mǝryǝm ⱪoliƣa dapni aldi, barliⱪ ⱪiz-ayallarmu ⱪoliƣa dap elip, ussul oynixip uningƣa ǝgǝxti. [p]

21 Mǝryǝm ularƣa jawabǝn mundaⱪ küyni oⱪudi: —

«Pǝrwǝrdigarni mǝdⱨiyilǝp küy eytinglar,

Qünki U zor uluƣluⱪini kɵrsǝtti;

U at wǝ mingüqini dengizƣa taxliwǝtti!».□«U zor uluƣluⱪini kɵrsǝtti» — yaki «U xanliⱪ ƣǝlibǝ ⱪuqti».

22 Andin Musa Israillarni Ⱪizil Dengizdin baxlap, Xur qɵligǝ elip bardi. Ular uda üq kün qɵldǝ yürüp, su tapalmidi. 23 Andin ular Maraⱨⱪa yetip kǝldi; lekin u yǝrning süyi aqqiⱪ bolup, süyini iqkili bolmaytti; xunga u jayning nami «Maraⱨ» dǝp ⱪoyulƣan. □«Maraⱨ» — «aqqiⱪ» degǝn mǝnidǝ.  [s] 24 U waⱪitta halayiⱪ: — Biz nemǝ iqimiz? — dǝp Musadin aƣrinip ƣotuldaxⱪili turdi.

25 U Pǝrwǝrdigarƣa pǝryad kɵtürdi; Pǝrwǝrdigar uningƣa bir dǝrǝhni kɵrsǝtti; u dǝrǝh yaƣiqini elip, suƣa taxliwidi, su tatliⱪ suƣa aylandi. U yǝrdǝ Pǝrwǝrdigar ularƣa ⱨɵküm-bǝlgilimǝ bekitip, ularni sinap, mundaⱪ dedi: — 26 «Əgǝr silǝr kɵngül ⱪoyup Hudayinglar Pǝrwǝrdigarning sɵzini anglap, Uning nǝziridǝ durus bolƣanni ⱪilip, ǝmrlirigǝ ⱪulaⱪ selip, barliⱪ ⱨɵkümlirini tutsanglar, undaⱪta, Mǝn misirliⱪlarning üstigǝ salƣan kesǝllǝrdin ⱨeqbirini üstünggǝ salmaymǝn; qünki Mǝnki silǝrgǝ xipaliⱪ bǝrgüqi Pǝrwǝrdigardurmǝn».□«Pǝrwǝrdigarning sɵzini» — ibraniy tilida «Pǝrwǝrdigarning awazini».

27 Andin ular Elimƣa yetip kǝldi. Xu yǝrdǝ on ikki bulaⱪ bilǝn yǝtmix horma dǝrihi bar idi; ular xu yǝrdǝ sularning boyida qedir tikti.