1 Əmma ɵzüm, silǝr bilǝn billǝ bolƣanda muamilisi yumxaⱪ, lekin silǝrdin ayrilƣanda silǝrgǝ ⱪarita ⱪattiⱪ ⱪolluⱪ dǝp ⱪaralƣan mǝnki Pawlus Mǝsiⱨning yuwax-mɵminliki wǝ mulayimliⱪi bilǝn silǝrdin ɵtünümǝn,□«Mǝsiⱨning yuwax-mɵminliki wǝ mulayimliⱪi bilǝn...» — xu dǝwrdiki ⱨǝrbiy ixlarda «yawax-mɵminlik ⱨǝm mulayimliⱪ» degǝnlik «kǝngqilik ⱨǝm rǝⱨimdilliⱪ» degǝn baxⱪa mǝninimu bildüridu. 2 — xuni tǝlǝp ⱪilimǝnki, yeninglarƣa barƣinimda, bizni «ǝtlǝr boyiqǝ mangƣanlar!» dǝp guman bilǝn ⱪaraydiƣan bǝzilǝrgǝ ⱪarita oyliƣinimdǝk ⱪattiⱪ ⱪolluⱪ ⱪilixⱪa meni mǝjbur ⱪilmanglar;□«bizni «ǝtlǝr boyiqǝ mangƣanlar!» dǝp guman bilǝn ⱪaraydiƣan bǝzilǝrgǝ ⱪarita oyliƣinimdǝk ⱪattiⱪ ⱪolluⱪ ⱪilixⱪa meni mǝjbur ⱪilmanglar» — oⱪurmǝnlǝrgǝ ayan boliduki, «ǝtlǝr boyiqǝ mangƣanlar» degǝn ibarǝ, «insaniy (Hudaningki ǝmǝs, bǝlki gunaⱨkarlarning) kɵz-ⱪaraxlar boyiqǝ mangƣanlar»ni bildüridu. 3 gǝrqǝ biz insaniy ǝtlǝrdǝ yürsǝkmu, biz ǝtlǝr boyiqǝ jǝng ⱪilmaymiz.□«gǝrqǝ biz insaniy ǝtlǝrdǝ yürsǝkmu, biz ǝtlǝr boyiqǝ jǝng ⱪilmaymiz» — ayǝttiki «jǝng» ǝng muⱨim jǝng, yǝni roⱨiy jǝngni kɵrsitidu, ǝlwǝttǝ. «Ətlǝr boyiqǝ» yuⱪiriⱪi izaⱨatni kɵrüng. Mǝnisi: «Bu dunyada yaxisaⱪmu, bu dunyaning arzu-ⱨǝwǝsliri boyiqǝ yaxaydiƣanlardǝk (roⱨiy) jǝng ⱪilmaymiz». 4 Qünki jǝng ⱪorallirimiz ǝtkǝ tǝwǝ ⱪorallar ǝmǝs, bǝlki Huda tǝripidin ⱪorƣan-istiⱨkamlarni gumran ⱪilix küqigǝ igǝ ⱪilinƣan ⱪorallardur;□«Qünki jǝng ⱪorallirimiz ǝtkǝ tǝwǝ ⱪorallar ǝmǝs, bǝlki Huda tǝripidin ⱪorƣan-istiⱨkamlarni gumran ⱪilix küqigǝ igǝ ⱪilinƣan ⱪorallardur» — «ǝtkǝ tǝwǝ ⱪorallar» bolsa bu dunyaƣa has ⱪorallar, yǝni ⱪiliq, oⱪya ⱪatarliⱪlarni kɵrsitidu.  ■Yǝr. 1:10; Əf. 6:13-18. 5 biz ular bilǝn bǝs-munazirilǝrni wǝ Hudani tonuxⱪa ⱪarxilixixⱪa turƣan ⱨǝrⱪandaⱪ ⱨakawur tosalƣuni gumran ⱪilimiz, xundaⱪla ⱨǝrbir oy-hiyallarni Mǝsiⱨkǝ beⱪindurup itaǝt ⱪilixⱪa kǝltürimiz;□«bǝs-munazirilǝr» — yaki «bid’ǝt sǝpsǝtiliri». 6 silǝr toluⱪ itaǝt ⱪilƣandin keyin, aranglarda ⱪandaⱪ itaǝtsizlik ⱪalƣan bolsa bularni jazalaxⱪa tǝyyarmiz.□«silǝr toluⱪ itaǝt ⱪilƣandin keyin» — 5-ayǝttǝ eytilƣandǝk, Mǝsiⱨkǝ itaǝt ⱪilix, ǝlwǝttǝ. «aranglarda ⱪandaⱪ itaǝtsizlik ⱪalƣan bolsa bularni jazalaxⱪa tǝyyarmiz» — «jazalaxⱪa tǝyyar» toƣruluⱪ 13:2-3 wǝ izaⱨatni kɵrüng.

7 Silǝr pǝⱪǝt kɵz aldinglardiki ixlarƣila ⱪaraydikǝnsilǝr. Əgǝr birsi ɵzini Mǝsiⱨkǝ tǝwǝmǝn dǝp ⱪarisa, u yǝnǝ xuning üstigǝ oylansunki, u Mǝsiⱨkǝ tǝwǝ bolƣiniƣa ohxax, bizmu Uningƣa tǝwǝdurmiz.□«Silǝr pǝⱪǝt kɵz aldinglardiki ixlarƣila ⱪaraydikǝnsilǝr» — baxⱪa birhil tǝrjimisi: «Kɵz aldidiki ixlarƣa obdan ⱪarap beⱪinglar!». 8 Qünki, Rǝb tǝripidin silǝrni nabut ⱪilix üqün ǝmǝs, bǝlki etiⱪadinglarni ⱪurux üqün bizgǝ amanǝt ⱪilinƣan ⱨoⱪuⱪimiz toƣruluⱪ tehimu kɵp ziyadirǝk mahtansammu, buningda ⱨeq yǝrgǝ ⱪarap ⱪalmaymǝn; 9 ǝmdi mǝn pǝⱪǝt hǝtlǝrdila silǝrni ⱪorⱪatmaⱪqi ǝmǝsmǝn; 10 qünki bǝzilǝr: «Uning hǝtliri dǝrwǝⱪǝ wǝzinlik ⱨǝm küqlük; lekin u yetip kǝlgǝndǝ salapǝtsiz, gepining tutami yoⱪ bolidu» deyixidu. 11 Əmdi bundaⱪ hiyal ⱪilƣuqilar xuni bilip ⱪoysunki, biz yiraⱪta bolƣinimizda hǝtlǝrdiki sɵzimiz ⱪandaⱪ bolƣan bolsa biz yetip barƣinimizda ǝmǝliyitimizmu xundaⱪ bolidu.

12 Qünki biz ɵzimizni ɵzini ⱪaltis qaƣlaydiƣanlar bilǝn bir ⱪatarƣa ⱪoyuxⱪa yaki ular bilǝn selixturuxⱪa petinmaymiz; xundaⱪ kixilǝr ɵzlirini ɵzlirining ɵlqimi bilǝn ɵlqǝp, ɵzlirini ɵzliri bilǝn selixturidiƣan bolup, ⱨǝⱪiⱪǝtǝn ǝⱪilsizlardindur. ■2Kor. 3:1; 5:12. 13 Biz ǝmdi ɵzimizgǝ bekitilgǝn ɵlqǝmdin ⱨalⱪip mahtinip yürginimiz yoⱪ. Biz bǝlki ⱨǝmmini ɵlqigüqi Huda bizgǝ bekitkǝn hizmǝt dairisidiki ɵlqǝm, yǝni silǝrning hizmitinglarƣimu yetidiƣan ɵlqǝm bilǝn pǝhirlinimiz. □«Biz ǝmdi ɵzimizgǝ bekitilgǝn ɵlqǝmdin ⱨalⱪip mahtinip yürginimiz yoⱪ» — «ɵzimizgǝ bekitilgǝn ɵlqǝm» — demǝk, Huda Pawlus wǝ Barnabasⱪa hux hǝwǝr jakarlaxtiki ⱨǝmdǝ jamaǝtlǝrni ⱪuruxtiki hizmǝtning dairisini bekitkǝn ɵlqǝm. «silǝrning hizmitinglarƣimu yetidiƣan ɵlqǝm» — grek tilida «silǝrgǝ yǝtkǝn ɵlqǝm».  ■Əf. 4:7. 14 Qünki ɵlqimi silǝrning hizmitinglarƣa yǝtmǝydiƣan kixilǝrdǝk, hizmitinglarda bolƣinimizda dairimizdin ⱨalⱪip kǝtmǝymiz, qünki biz Mǝsiⱨning hux hǝwirini yǝtküzüxtǝ birinqi bolup yeninglarƣimu kǝlduⱪ. 15 Biz hizmǝt dairimizdin ⱨalⱪip, baxⱪilarning singdürgǝn japa-ǝjirliri bilǝn mahtanƣinimiz yoⱪ; lekin biz silǝrning iman-etiⱪadinglar ɵskǝnseri aranglardiki hizmitimiz bizgǝ bekitilgǝn dairimiz iqidǝ tehimu ziyadǝ kengǝytilsun dǝp ümid ⱪilimiz; 16 xundaⱪ bolƣanda, biz silǝrdin tehimu yiraⱪ yǝrlǝrgǝ hux hǝwǝrni yǝtküzüp jakarlaydiƣan bolimiz; tǝyyarƣa ⱨǝyyar bolup, baxⱪilarning dairisidiki hizmǝt ǝjri bilǝn mahtinix bizgǝ yat. □«tǝyyarƣa ⱨǝyyar bolup, baxⱪilarning dairisidiki hizmǝt ǝjri bilǝn mahtinix bizgǝ yat» — Korinttiki jamaǝt arisidiki «sahta rosullar» dǝl xundaⱪ ix ⱪiliwatatti, ular Pawlus ǝjir singdürgǝn Korintliⱪlardin «bizning ǝjrimiz» dǝp maⱪtanmaⱪta idi. 17 Əmma «Pǝhirlinip mahtiƣuqi bolsa Rǝbdin pǝhirlinip mahtixi kerǝk!». □«Pǝhirlinip mahtiƣuqi bolsa Rǝbdin pǝhirlinip mahtixi kerǝk!» — «Yǝr.» 9:24.  ■Yǝx. 65:16; Yǝr. 9:22-23; 1Kor. 1:31. 18 Qünki ɵzini tǝripligüqi ǝmǝs, bǝlki Rǝb tǝripligǝn kixi ⱨǝⱪiⱪǝtǝn layaⱪǝtliktur.■Pǝnd. 27:2.