95
95-küy •••• Heqiqiy ibadet qilish üchün anglash kérek
1 Kélinglar, Perwerdigarni yangritip küyleyli,
Nijatliqimiz bolghan Qoram Téshimizgha tentene qilayli!
2 Teshekkürler bilen uning aldigha kéleyli,
Uninggha küyler bilen tentene qilayli!
3 Chünki Perwerdigar — büyük bir ilahtur,
Pütkül ilahlar üstidiki büyük bir Padishahtur.□«... Perwerdigar — büyük bir ilahtur, pütkül ilahlar üstidiki büyük bir padishahtur» — bu ayettiki «ilahlar»: (1) taipilar choqunidighan butlarni (emeliyette ularning keynide turghan jin-sheytanlarni — «Zeb.» 96:4-5, «1Kor.» 8:4-6 we 10:19-21ni körüng) yaki (2) Xudaning sözige mes’ul bolghan Israil hakimlirini körsitishi mumkin.
4 Yerning tegliri Uning qolididur,
Taghlarning choqqilirimu Uningkidur.
5 Déngiz Uningki, U uni yaratqan;
Quruqluqni Uning qolliri shekillendürdi.
6 Kélinglar, Uninggha bash urup sejde qilayli,
Perwerdigar Yaratquchimiz aldida tiz pükeyli!
7 Chünki U bizning Xudayimizdur,
Biz bolsaq Uning yayliqidiki xelq,
Uning qoli baqidighan qoylarmiz.
Bügün, eger Uning awazini anglisanglar,[b]
8 Eyni chaghlarda Meribahda bolghandek, chöl-bayawandiki Massahda bolghan kündek,
Yürikinglarni jahil qilmanglar!□«Eyni chaghlarda Meribahda bolghandek, chöl-bayawandiki Massahda bolghan kündek, yürikinglarni jahil qilmanglar!» — «Meribah» we «Massah» dégen jaylarda Israillar Xudadin yüz örüp, Musa peyghemberge qarshi isyan-asiyliq kötürgen. Bu weqeler «Mis.» 17-bab, «Chöl.» 20-babta xatirilen’gen. [d]
9 Mana shu yerde ata-bowiliringlar Méni sinidi, ispatlidi hem qilghinimni kördi.[e]
10 Men qiriq yil shu dewrdin bizar bolup: —
«Bular könglide adashqan bir xelqtur,
Méning yollirimni héch bilip yetmigen» — dédim.[f]
11 Shunga Men ghezeplinip qesem ichip: —
«Ular hergiz Méning aramgahimgha kirmeydu» — dédim.□«Ular hergiz Méning aramgahimgha kirmeydu» — «Méning aramgahim» (1) Xuda Israillargha wede bergen Qanaan (Pelestin) zéminini körsitidu. Misirdin chiqip chöl-bayawanda qiriq yil sersan bolup yürgen shu dewrde Israillar itaetsizlik qilip u zémin’gha kirmigen. (2) «Aramgah» peqet zéminnila emes, belki yene Xudaning panahi, yétekchiliki hem shepqiti astida yashashni öz ichige alidu (Injil, «Ibraniylargha», 4-babnimu körüng).
- Zebur
- a
-
«... Perwerdigar — büyük bir ilahtur, pütkül ilahlar üstidiki büyük bir padishahtur» — bu ayettiki «ilahlar»: (1) taipilar choqunidighan butlarni (emeliyette ularning keynide turghan jin-sheytanlarni — «Zeb.» 96:4-5, «1Kor.» 8:4-6 we 10:19-21ni körüng) yaki (2) Xudaning sözige mes’ul bolghan Israil hakimlirini körsitishi mumkin.
- b Zeb. 100:3; Ibr. 3:7
- c «Eyni chaghlarda Meribahda bolghandek, chöl-bayawandiki Massahda bolghan kündek, yürikinglarni jahil qilmanglar!» — «Meribah» we «Massah» dégen jaylarda Israillar Xudadin yüz örüp, Musa peyghemberge qarshi isyan-asiyliq kötürgen. Bu weqeler «Mis.» 17-bab, «Chöl.» 20-babta xatirilen’gen.
- d Mis. 17:7; Chöl. 20:1,3,13; Qan. 6:16
- e Ibr. 3:9
- f Ibr. 3:17
- g «Ular hergiz Méning aramgahimgha kirmeydu» — «Méning aramgahim» (1) Xuda Israillargha wede bergen Qanaan (Pelestin) zéminini körsitidu. Misirdin chiqip chöl-bayawanda qiriq yil sersan bolup yürgen shu dewrde Israillar itaetsizlik qilip u zémin’gha kirmigen. (2) «Aramgah» peqet zéminnila emes, belki yene Xudaning panahi, yétekchiliki hem shepqiti astida yashashni öz ichige alidu (Injil, «Ibraniylargha», 4-babnimu körüng).