1 Asaf yazghan küy: —

I Xuda, eller Öz mirasinggha bösüp kirdi;

Ular Séning muqeddes ibadetxanangni bulghidi;

Yérusalémni döwe-döwe xarabilerge aylandurdi. □«I Xuda, eller Öz mirasinggha bösüp kirdi; ular Séning muqeddes ibadetxanangni bulghidi; Yérusalémni döwe-döwe xarabilerge aylandurdi» — bu küy Babil padishahi Néboqadnisar miladiyedin ilgiriki 597-yili Yérusalémni, jümlidin muqeddes ibadetxanini weyran qilip, nurghun Israillarni esirge élip Babilgha élip ketkendin kéyin yézilghan bolsa kérek.

2 Ular qulliringning jesetlirini asmandiki uchar-qanatlargha yem qilip,

Mömin bendiliringning etlirini daladiki haywanatlargha tashlap berdi.

3 Ular xelqingning qanlirini Yérusalém etrapida sudek aqquzdi,

Jesetlirini kömgili birer ademmu qaldurmidi.

4 Qoshnilirimiz aldida reswagha qalduq,

Etrapimizdikilerge mesxire we mazaq obyékti bolduq.[b]

5 Qachan’ghiche, i Perwerdigar?

Sen menggüge ghezeplinemsen?

Séning yüriking ot bolup örtiniwéremdu? □«Séning yüriking ot bolup örtiniwéremdu? » — ibraniy tilida «Séning hesiting ot bolup örtiniwéremdu? ».  [d]

6 Qehringni Séni tonumighan eller üstige,

Namingni bilmigen padishahliqlar üstige tökkeysen! [e]

7 Chünki ular Yaqupni yalmap,

Uning makanini xarabilikke aylanduruwetti.

8 Ata-bowilirimizning qebihliklirini bizge hésablimighaysen;

Rehimdilliqliring bizning yénimizgha chapsan kelgey!

Chünki biz intayin pes ehwalgha chüshürülduq. [f]

9 Öz namingning shöhriti üchün bizge yardem qilghaysen, i nijatliqimizning Xudasi,

Naming üchün bizni qutquzghaysen, gunahlirimizni kafaret qilip kechürgeysen;

10 Eller némishqa: «Ularning Xudasi qeyerde?» dep mazaq qilishidu?

Qulliring tökken qan qerzining hésabi eller arisida, köz aldimizda qilinsun.

11 Esirlerning ah-zarliri aldinggha kelgey;

Bilikingning ulughluqi bilen, ölümge buyrulghanlarni saqlighaysen.

12 I Reb, yat qoshnilirimizning Sanga qilghan zor haqaritini yette hesse qoshup özlirige,

Yeni ularning ichi-baghrigha qayturghaysen;

13 Shundaq qilip, Séning xelqing — Özüng baqqan qoyliring bolghan bizler,

Sanga menggüge teshekkürler éytimiz,

Ewladtin ewladqiche Séning medhiyiliringni ayan qilimiz.