1 Neghmichilerning béshi Yedutun’gha tapshurulghan, Asaf yazghan küy: —

Awazim Xudagha kötürüldi, men peryad qilimen;

Awazim Xudagha kötürüldi, U méni anglaydu.◼«Neghmichilerning béshi Yedutun’gha tapshurulghan, Asaf yazghan küy...» — «Yedutun» Dawut peyghember «medhiye xori»ning béshi dep békitken, Yedutun isimlik bir kishini körsitidu («1Tar.» 16:41ni körüng).
Yene birxil terjimisi: «Neghmichilerning béshigha tapshurulghan, «Yedutun» (medhiyilesh dégen menide) ahangida oqulsun dep, Asaf yazghan küy...».

2

3 Béshimgha kün chüshkende, men Rebni izdidim;

Kéchiche qolumni duagha kötürüp, bosh qoymidim;

Jénim tesellini xalimay ret qildi.

4 Men Xudani eslep séghindim, ah-zar qildim;

Séghinip oylinip, rohim parakende boldi.

Sélah.

5 Sen méning közümni yumdurmiding;

Chongqur gheshlik ilkide bolghanliqimdin sözliyelmeyttim.

6 Men dermen: «Yad étimen ötüp ketken künlerni,

Xiyal qilimen ashu yillarni;

7 Kéchilliri éytqan naxshamni eslep;

Hiyallirim könglümdin kéchar»;

Rohim intilip izdimekte idi;

8 — «Reb menggüge tashliwétemdu?

U qaytidin iltipat körsetmemdu?

9 Uning özgermes muhebbiti emdi menggüge tügep kettimu?

Uning wedisi ewladtin-ewladqiche inawetsiz bolamdu?

10-11 Tengri méhir-shepqitini körsitishni üntudimu?

U ghezeplinip Öz rehimdilliqini toxtitiwettimu?».

Sélah.

12

Yeni Yahning qilghanlirini — yad étimen;

Qedimdin buyanqi karametliringni esleymen.

13 Séning barliq ishligenliring üstide séghinip oylinimen;

Séning qilghanliring üstide istiqamet qilimen;

14 I Xuda, yolung bolsa pak-muqeddesliktidur;

Xudadek ulugh bir ilah barmidur?

15 Möjiziler Yaratquchi Ilahdursen;

El-milletler ara Sen küchüngni namayan qilding. [b]

16 Öz biliking bilen Öz xelqingni,

Yeni Yaqup we Yüsüpning perzentlirini hörlükke chiqarghansen;

Sélah. ◼«Öz biliking bilen... Yaqup we Yüsüpning perzentlirini hörlükke chiqarghansen» — ibraniy tilidiki péilning (gaal) mushu yerde: «Yaqup we Yüsüpning perzentlirige hemjemet bolup, hörlükke chiqarghansen» dégen toluq menini bildüridu. «Gaal» we «goél» toghruluq «Tebirler»ni körüng.

17 Sular Séni kördi, i Xuda, sular Séni kördi;

Titrek ularni basti,

Déngiz tegliri patiparaq boldi. ◼«Sular Séni kördi, i Xuda, sular Séni kördi; titrek ularni basti, déngiz tegliri patiparaq boldi» — Asaf hazir «Misirdin chiqish»tiki ishlarni esleydu. «Sular» bu yerde Israillar möjize bilen ötken «Qizil Déngiz»ni, andin Iordan deryasini körsitidu.  [e]

18 Qara bulutlar yamyur tökti;

Asmanlar zor sadasini anglatti;

Berheq, Séning oqliring terep-terepke étildi. [f]

19 Güldürmamangning awazi qara quyunda idi,

Chaqmaqlar jahanni yorutti;

Yer-zémin alaqzade bolup tewrendi.

20 Séning yolung déngiz-okyanlarda,

Qedemliring chongqur sulardidur,

Ayagh izliringni tapqili bolmas. [g]