1 Neghmichilerning béshigha tapshurulup, tarliq sazlar bilen chélinsun, dep yézilghan küy-naxsha: —

Xuda bizge méhir-shepqet körsitip, bizni beriketlep,

Öz jamalining nurini üstimizge chachqay!

Sélah! ◼«Öz jamalining nurini üstimizge chachqay!» — ibraniy tilida «Öz jamalining nurini bizdinmu chachqay!»  [b]

2 Shundaq qilghanda yolung pütkül jahanda,

Qutuldurush-nijatliqing barliq eller arisida ayan bolidu.

3 Barliq qowmlar Séni medhiyiligey, i Xuda;

Barliq qowmlar Séni medhiyiligey!

4 Jimi taipiler xushalliq bilen tentene qilip küyligey,

Chünki Sen xelqlerge adilliq bilen höküm chiqirisen,

Yer yüzidiki taipilerni, Sen yétekleysen;

Sélah.

5 Barliq qowmlar Séni medhiyiligey, i Xuda;

Barliq qowmlar Séni medhiyiligey!

6 We yer-zémin köklirini ündüridu;

Xuda, bizning Xudayimiz, bizni beriketleydu;

7 Xuda bizni beriketleydu;

Shuning bilen yer yüzidikiler chet-yaqilarghiche Uningdin eyminishidu!