1 Ey heqqaniylar, Perwerdigar üchün tentene qilinglar!

Medhiyilesh duruslar üchün güzel ishtur.[a]

2 Rawab bilen Perwerdigarni medhiyilenglar;

Ontargha tengkesh bolup, uninggha küylerni éytinglar.□«Rawab bilen Perwerdigarni medhiyilenglar» — «rawab» bu ayette hem Zeburdiki bashqa ayetlerde ishlitilgende, «rawab» dégen söz rawabqa oxshap kétidighan bir sazni körsitidu. «Ontargha tengkesh bolup, uninggha küylerni éytinglar» — «ontar» on tarliq chiltardek bir saz.

3 Uninggha atap yéngi bir munajat-naxshini éytinglar;

Mahirliq bilen chélip, awazinglarni yuqiri yangritinglar.[c]

4 Chünki Perwerdigarning sözi berheqtur;

Uning barliq ishliri wedilirige sadaqetliktur.

5 U heqqaniyet hem adaletni yaxshi körgüchidur;

Yer-zémin Perwerdigarning méhribanliqi bilen tolghandur.[d]

6 Perwerdigarning sözi bilen asmanlar yaritilghan,

Uning aghzidiki nepes bilen ularning barliq qoshunlirimuyaritilghandur;□«ularning (asmanlarning) barliq qoshunliri» — bir tereptin quyash, ay, yultuzlarni körsetse, yene bir tereptin barliq perishtilerni körsitidu.  [f]

7 U déngizdiki sularni bir yerge yighip döwileydu;

U okyanlarni ambarlar ichide saqlap turidu;□«U déngizdiki sularni bir yerge yighip döwileydu» — bashqa birxil terjimisi: «U déngizdiki sularni küplerge yighidu». «U okyanlarni ambarlar ichide saqlap turidu» — bu ayetning menisi sirliq bolghini bilen, Xudaning sularni toluq idare qilidighanliqini körsetkenlikidin héchqandaq shübhe yoq.

8 Pütkül yer yüzidikiler Perwerdigardin eymensun;

Dunyadiki pütün jan igiliri Uningdin qorqup, hörmetlisun;

9 Chünki Uning bir sözi bilenla ish püttürülgenidi;

Uning bir emri bilenla dégenliri berpa qilin’ghanidi.

10 Perwerdigar ellerning pilanini tosiwétidu;

U qowmlarning xiyallirini bikar qiliwétidu.[h]

11 Perwerdigarning nesiheti menggüge turidu;

Qelbidiki oyliri dewrdin-dewrge ishqa ashurulidu.[i]

12 «Perwerdigar bizning Xudayimizdur» deydighan qowm bextliktur!

Yeni Öz mirasi bolushqa tallighan xelq bextliktur![j]

13 Perwerdigar ershtin yerge nezer salidu,

U pütkül insanlarni körüp turidu.

14 Turalghusidin yer yüzidikilerning hemmisige qaraydu;

15 U ularning herbirining qelblirini Yasighuchidur;

Ularning barliq ishlirini dengsep chiqquchidur.

16 Padishah bolsa qoshunlirining köplüki bilen ghalib bolalmaydu;

Palwan özining zor küchi bilen özini qutquzalmaydu;

17 Tolpargha tayinip xewp-xeterdin qutquzulush bihudiliktur,

U zor küchi bilen héchkimni qutquzalmaydu;

18-19 Mana, ularning jénini ölümdin qutquzush üchün,

Qehetchilikte ularni hayat saqlash üchün,

Perwerdigarning közi Özidin eyminidighanlarning üstide turidu,

Özining özgermes muhebbitige ümid baghlighanlarning üstide turidu.[k]

20 Bizning jénimiz Perwerdigargha telmüridu;

Bizning yardemchimiz,

Bizning qalqinimiz U bolidu.

21 Shunga Uning bilen qelbimiz shadlinip kétidu;

Chünki Uning muqeddes namigha tayinip ishenduq.

22 I Perwerdigar, biz Sangila ümid baghlighinimizdek,

Séning özgermes muhebbitingmu üstimizde bolghay!