1 Dawut yazghan küy: —

Perwerdigar méni baqquchi Padichimdur,

Mohtaj emesmen héch nersige;□«Bu ulugh küy toghruluq izahat» — Pelestindiki qoylar bilen padichining munasiwiti nahayiti yéqin. U ular bilen kéche-kündüz bille bolidu, ulargha isim qoyidu. Yéngi yaylaqqa köchkende, padichi qoylarning béshida méngip, ularni chaqirip yétekleydu; ularning béshi tikenlikte yarilinip qalsa, padichi may bilen sürüp «mesih qilidu»; bezi padichilar hetta amraq qoylirigha alahide qedehtin sharab ichuridu.  [b]

2 U méni yumran chöplerde yatquzup dem aldurar;

Tinch aqidighan sularni boylitip baqidu;

3 U wujudumni yéngilaydu;

U heqqaniyliq yolida Öz nami üchün yétekleydu;□«U wujudumni yéngilaydu» — «yéngilaydu» ibraniy tilida bu söz «towigha qayturidu» yaki «towa qilduridu» dégen menini öz ichige alidu.

4 Hetta men ölüm sayisi bolghan jilghidin ötsemmu,

Héch yamanliqtin qorqmaymen;

Chünki Sen men bilen billidursen;

Séning hasang hem tayiqing manga tesellidur.[d]

5 Méni xar qilghuchilarning köz aldida manga keng dastixan salisen;

Méning béshimni may bilen mesih qilisen;

Qedehim tashidu;

6 Berheq, barliq künlirimde yaxshiliq we özgermes shepqet manga egiship hemrah bolidu;

Menggüdin-menggüge Perwerdigarning dergahida yashaymen!□«barliq künlirimde yaxshiliq we özgermes shepqet manga egiship hemrah bolidu» —yaki «barliq künlirimde manga egiship hemrah bolghan özgermes shepqet némidigen yaxshi!». «menggüdin-menggüge Perwerdigarning dergahida yashaymen!» — «Perwerdigarning dergahi» ibraniy tilida «Perwerdigarning öyide». Dawut bu küyni yazghanda Yérusalémdiki muqeddes ibadetxana téxi mewjut emes idi.