1 Perwerdigargha teshekkür éytinglar, U méhribandur;

Chünki Uning muhebbiti menggülüktur;

2 Ilahlarning ilahigha teshekkür éytinglar,

Chünki Uning muhebbiti menggülüktur; ◼«Ilahlarning ilahigha teshekkür éytinglar» — «ilahlar» toghruluq 95:3 we izahatini körüng.

3 Reblerning Rebbige teshekkür éytinglar,

Chünki Uning muhebbiti menggülüktur;

4 Zor karametlerni birdinbir Yürgüzgüchige teshekkür éytinglar,

Chünki Uning muhebbiti menggülüktur;

5 Eqil-paraset arqiliq asmanlarni Yasighuchigha teshekkür éytinglar,

Chünki Uning muhebbiti menggülüktur; [b]

6 Zéminni sular üstide sozup Turghuzghuchigha teshekkür éytinglar,

Chünki Uning muhebbiti menggülüktur; [c]

7 Ulugh nur jisimlirini Yasighuchigha teshekkür éytinglar,

Chünki Uning muhebbiti menggülüktur; [d]

8 Kündüzni bashquridighan quyashni Yasighuchigha teshekkür éytinglar,

Chünki Uning muhebbiti menggülüktur; [e]

9 Kéchini bashquridighan ay hem yultuzlarni Yasighuchigha teshekkür éytinglar,

Chünki Uning muhebbiti menggülüktur;

10 Ularning tunjilirini urup, Misirgha zerb bergüchige teshekkür éytinglar,

Chünki Uning muhebbiti menggülüktur; [f]

11 Israilni ular arisidin chiqarghuchigha teshekkür éytinglar,

Chünki Uning muhebbiti menggülüktur; [g]

12 Küchlük qol hem uzatqan bilek bilen ularni Chiqarghuchigha teshekkür éytinglar,

Chünki Uning muhebbiti menggülüktur; [h]

13 Qizil Déngizni bölek-bölek Bölgüchige teshekkür éytinglar,

Chünki Uning muhebbiti menggülüktur; [i]

14 Hem Israilni uning otturisidin Ötküzgüchige teshekkür éytinglar,

Chünki Uning muhebbiti menggülüktur;

15 Qizil Déngizda Pirewnni qoshunliri bilen süpürüp tashlighuchigha teshekkür éytinglar,

Chünki Uning muhebbiti menggülüktur; [j]

16 Öz xelqini chöl-bayawandin Yétekligüchige teshekkür éytinglar,

Chünki Uning muhebbiti menggülüktur; [k]

17 Büyük padishahlarni Uruwetküchige teshekkür éytinglar,

Chünki Uning muhebbiti menggülüktur; [l]

18 Hem meshhur padishahlarni Öltürgüchige teshekkür éytinglar,

Chünki Uning muhebbiti menggülüktur;

19 Jümlidin Amoriylarning padishahi Sihonni Öltürgüchige teshekkür éytinglar,

Chünki Uning muhebbiti menggülüktur;

20 — Hem Bashan padishahi Ogni Öltürgüchige teshekkür éytinglar,

Chünki Uning muhebbiti menggülüktur; [m]

21 Ularning zéminini miras üchün Bergüchige teshekkür éytinglar,

Chünki Uning muhebbiti menggülüktur; [n]

22 Buni bendisi Israilgha miras qilip bergüchige teshekkür éytinglar,

Chünki Uning muhebbiti menggülüktur;

23 Halimiz xarab ehwalda, bizlerni Esligüchige teshekkür éytinglar,

Chünki Uning muhebbiti menggülüktur;

24 Bizni ezgenlerdin Qutuldurghuchigha teshekkür éytinglar,

Chünki Uning muhebbiti menggülüktur; ◼«Qutuldurghuchi» — ibraniy tilida «Yirtip chiqquchi».  [p]

25 Barliq et igilirige ozuq Bergüchige teshekkür éytinglar,

Chünki Uning muhebbiti menggülüktur;

26 Ershlerdiki Tengrige teshekkür éytinglar,

Chünki Uning muhebbiti menggülüktur!