118
118-küy •••• «Perwerdigarning namida kelgüchige mubarek bolsun!»
1 Perwerdigargha teshekkür éytinglar, chünki U méhribandur;
Uning méhir-muhebbiti menggüdur!
2 Israil: «Uning méhir-muhebbiti menggüdur» — désun!
3 Harun jemeti: «Uning méhir-muhebbiti menggüdur» — désun!
4 Perwerdigardin qorqidighanlar: «Uning méhir-muhebbiti menggüdur» — désun!
5 Qistaqta qélip Yahgha nida qildim;
Yah jawab bérip, méni kengri-azadilikte turghuzdi.
6 Perwerdigar men tereptidur, men qorqmaymen;
Insan méni néme qilalisun?[a]
7 Perwerdigar manga yardem qilghuchilar arisida bolup, méning teripimdidur;
Öchmenlirimning meghlubiyitini körimen.
8 Perwerdigarni bashpanahim qilish,
Insan’gha tayinishtin ewzeldur;[b]
9 Perwerdigarni bashpanahim qilish,
Emirlerge tayinishtin ewzeldur.
10 Barliq eller méni qorshiwaldi;
Biraq Perwerdigarning nami bilen ularni halak qilimen;□«Barliq eller méni qorshiwaldi; biraq Perwerdigarning nami bilen ularni halak qilimen;...» — bu küydiki 10-29-ayetler kimni körsetkenlikini oqurmenler Injil, «Matta», «Markus» hem «Luqa» qismiliridiki axirqi nechche bablardin köreleydu. [d]
11 Ular méni qorshiwaldi; berheq, qorshiwaldi;
Biraq Perwerdigarning nami bilen men ularni halak qilimen;
12 Ular herilerdek méni qorshiwaldi;
Ular yéqilghan yantaq otidek tézla öchürülidu;
Chünki Perwerdigarning nami bilen men ularni halak qilimen.
13 Sen düshmen méni zerb bilen itterding,
Yiqilghili tas qaldim;
Biraq Perwerdigar manga yardemde boldi.
14 Küchüm we naxsham bolsa Yahdur;
U méning nijatliqim boldi!
15 Heqqaniylarning chédirlirida shadliq we nijatliqning tenteniliri yangritilmaqta;
Perwerdigarning ong qoli zeper quchmaqta!
16 Perwerdigarning ong qoli égiz kötürülgen!
Perwerdigarning ong qoli zeper quchmaqta![e]
17 Men ölmeymen, belki yashaymen,
Yahning qilghanlirini jakarlaymen.
18 Perwerdigar manga qattiq terbiye bergen bolsimu,
Biraq U méni ölümge tapshurmidi.
19 Heqqaniyet derwazilirini manga échip béringlar;
Men kirimen, Yahni medhiyileymen.[f]
20 Bu Perwerdigarning derwazisidur;
Heqqaniylar buningdin kiridu!
21 Men sanga teshekkür éytimen;
Chünki Sen manga jawab qayturdung,
Hem méning nijatliqim boldung.
22 Tamchilar tashliwetken tash bolsa,
Burjek téshi bolup tiklendi.□«Tamchilar tashliwetken tash bolsa, burjek téshi bolup tiklendi» — «Mat.» 20:42ni körüng. [h]
23 Bu ish Perwerdigardindur,
Bu közimiz aldida karamet boldi.[i]
24 Bu Perwerdigar yaratqan kündur;
Biz uningda shadlinip xursen bolimiz.
25 Qutquzghaysen, i Perwerdigar, Sendin ötünimen;
Sendin ötünimen, bizni yashnatqaysen!□«Qutquzghaysen, i Perwerdigar!» — ibraniy tilida «Hoshanna!» dégen söz. «Mat.», 21:9ni körüng. [k]
26 Perwerdigarning namida Kelgüchige mubarek bolsun!
Biz Perwerdigarning öyide turup sanga «Mubarek!» dep towliduq.
27 Perwerdigar Tengridur;
U üstimizge nur bergen;
Héytliq qurbanliqni tanilar bilen baghlanglar,
— Qurban’gahning münggüzlirige ilip baghlanglar.□«Héytliq qurbanliqni tanilar bilen baghlanglar, — qurban’gahning münggüzlirige ilip baghlanglar» — muqeddes ibadetxanidiki qurban’gahning töt bürjikining herbirige bir «münggüz» (ilmek) békitilgen. «Muqeddes chédir»ni körsitidighan sxémilarni körüng.
28 Sen méning Ilahimdursen,
Men Sanga teshekkür éytimen;
Méning Xudayim, men Séni ulughlaymen.
29 Perwerdigargha teshekkür éytinglar;
Chünki U méhribandur;
Uning méhir-muhebbiti menggüdur!
- Zebur
- a
-
Rim. 8:31
- b Zeb. 62:8, 9; 146:3; Yer. 17:5, 7
- c «Barliq eller méni qorshiwaldi; biraq Perwerdigarning nami bilen ularni halak qilimen;...» — bu küydiki 10-29-ayetler kimni körsetkenlikini oqurmenler Injil, «Matta», «Markus» hem «Luqa» qismiliridiki axirqi nechche bablardin köreleydu.
- d Zeb. 18:43، 47، 48; Yesh. 11:1-10; Rim. 15:12
- e Luqa 1:51
- f Yesh. 26:2
- g «Tamchilar tashliwetken tash bolsa, burjek téshi bolup tiklendi» — «Mat.» 20:42ni körüng.
- h Yesh. 8:14; 28:16; Mat. 21:42; Mar. 12:10; Luqa 20:17; Ros. 4:11; Rim. 9:33; Ef. 2:20; 1Pét. 2:4, 7
- i Yesh. 29:14
- j «Qutquzghaysen, i Perwerdigar!» — ibraniy tilida «Hoshanna!» dégen söz. «Mat.», 21:9ni körüng.
- k Mat. 21:9, 15; Mar. 11:9, 10; Yuh. 12:13
- l «Héytliq qurbanliqni tanilar bilen baghlanglar, — qurban’gahning münggüzlirige ilip baghlanglar» — muqeddes ibadetxanidiki qurban’gahning töt bürjikining herbirige bir «münggüz» (ilmek) békitilgen. «Muqeddes chédir»ni körsitidighan sxémilarni körüng.