1 Dawut yazghan küy: —

Perwerdigar méning Rebbimge: —

«Men séning düshmenliringni textipering qilghuche,

Ong yénimda olturghin» — dédi.□«Men séning düshmenliringni textipering qilghuche» — «textiper» padishah textke olturghanda puti turidighan jay.

2 Perwerdigar qudritingni körsitidighan shahane hasangni Ziondin uzitidu;

Düshmenliring arisida höküm sürgin!□«Perwerdigar qudritingni körsitidighan shahane hasangni Ziondin uzitidu» — bu sözning menisi belkim: Xuda yer yüzide öz seltenitini qurghanda, tikligen padishah Mesihning küch-qudriti hem hoquqi Yérusalémdin chiqip her yerge yétip baridu.

3 Küchüngni körsitidighan künde,

Öz xelqing xalis qurbanliq kebi pida bolidu;

Muqeddes heywitingde,

Shu yashliq dewringdikidek,

Sanga hazirmu shebnemler seherning baliyatqusidin yéngi chiqqandek chüshidu;□«Öz xelqing xalis qurbanliq kebi pida bolidu» — «xalis qurbanliq», 54-küy, 6-ayettiki izahatni körüng. «Muqeddes heywitingde, shu yashliq dewringdikidek, sanga hazirmu shebnemler seherning baliyatqusidin yéngi chiqqandek chüshidu» — déhqanlargha melum bolghinidek, shebnem adette peqet yapyéshil otyashlar we derexlerning üstige chüshidu. Quruq-qaqshal bolup qalghan derexlerge chüshmeydu. Köchme menisi, Mesih menggüge yapyéshil derextek yash turiwéridu.

4 Perwerdigar shundaq qesem ichti,

Hem buningdin yanmaydu: —

«Sen ebedil’ebedgiche Melkizedekning tipidiki bir kahindursen».□«Sen ebedil’ebedgiche Melkizedekning tipidiki bir kahindursen» — Melkizedek dégen adem hezriti Ibrahimgha kahin (Xudagha wekil bolup qurbanliqni qobul qilghuchi) bolghan hem Ibrahim alghan oljidin ondin birini alghan («Yar.» 14-bab). Démek, u Ibrahimdin ulugh idi, shunglashqa Ibrahimning ewladliridin bolghan kahinlardinmu ulugh idi. «Yar.» 14-babta déyilginiche, bu sirliq ademning ata-anisi yoq idi. Injil «Ibraniylargha», 8- hem 10-babni körüng. «Melkizedek»ning menisi: «Heqqaniyliqning padishahi» «Amanliq padishahi». Undaqta bu yerde «Sen ebedil’ebedgiche Melkizedekning tipidiki bir kahindursen» dep békitilishi alemde uning eng aliy kahin dep békitilgenlikini körsitidu.  [e]

5 Ong teripingde bolghan Reb ghezipini körsetken künde padishahlarni urup pare-pare qiliwétidu;

6 U eller arisida sotlaydu;

Jay-jaylarni jesetler bilen tolduridu;

Keng zéminning béshini yaridu;[f]

7 U yolda ériqtin su ichidu;

U shunga kishining béshini yöligüchi bolidu.□«U yolda ériqtin su ichidu; u shunga kishining béshini yöligüchi bolidu» — bu sirliq gep belkim Mesihning kichik péil ikenlikini, hemde öziningmu kichik péil möminlerge teselli béridighanliqini körsitidu. «U shunga kishining béshini yöligüchi bolidu» — bashqa birxil terjimisi: «Shunga u (öz) béshini kötüridu».