1 Némishqa, i Perwerdigar, yiraqta turisen?

Némishqa azabliq künlerde özüngni yoshurisen?□«Némishqa, i Perwerdigar, yiraqta turisen? Némishqa azabliq künlerde özüngni yoshurisen?» — 10-küyning 9-küy bilen sirliq alaqisi bar; 9-küy hem 10-küydiki ayetler ibraniy tilida alahide shekilge ige. Ibraniy yéziqida 22 herp bar. Bu ikki küydiki taq ayetlerning herbiri ibraniy élipbe tertipige asasen yéngi herp bilen bashlinidu (mesilen, uyghur tili bolsa, a-, e-, b- qatarliq herpler bilen bashlan’ghan’gha oxshash). 9-küy hem 10-küyni bir-birige baghlighanda, toluq «élipbelik nusxa» peyda bolidu. Kéyin mushundaq küyni «élipbe tertipilik» küy dep ataymiz.

2 Rezil ademler tekebburluqi bilen ajiz möminlerni tap basturup qoghlap yüridu;

Ular özliri tapqan hiyliler bilen ilinip, bablinidu.□«Ular özliri tapqan hiyliler bilen ilinip, bablinidu» — yaki «Ajizlar ularning hiyliliri bilen ilinip qalidu».  [c]

3 Chünki reziller öz arzu-hewesliri bilen maxtinidu;

Ach közler üchün bext tileydu;

Perwerdigarni bolsa közige ilmaydu.□«Ach közler üchün bext tileydu; Perwerdigarni bolsa közige ilmaydu» — yaki «Ach közler ademni tillap, Perwerdigarni chetke qaqidu».

4 Ular chirayidin hakawurluq yaghdurup,

Xudani izdimeydu;

Ular barliq xiyallirida: «Héchbir Xuda yoqtur!» deydu.[e]

5 Ularning yolliri hemishe rawan bolidu;

Séning hökümliring ularning neziridin yiraq we üstün turidu;

Ularning reqibliri bolsa, ulargha qarap «tüfi!» dep mazaq qilidu.

6 Rezil adem könglide: «Men héch tewrenmey turiwérimen!

Dewrdin-dewrge héch musheqqetke uchrimaymen» — deydu.

7 Uning aghzi qarghash, aldamchiliq hem zulumgha tolghan;

Tili astida eskilik we qebihlik yatidu.[f]

8 U mehellilerde yoshurunche marap olturidu;

U pinhan jaylarda gunahsizlarni öltürüwétidu;

Közliri yoqsullarni közleydu;

9 U chatqalliqida yatqan shirdek yoshurunche paylap yatidu;

U möminlerni tutuwélish üchün yoshurunche marap yatidu;

Möminlerni tutuwélip, ularni öz torigha chüshüridu.

10 Yoqsullar ézilidu, pükülidu;

Derdmenler uning yawuzluqliri bilen yiqilidu.□«Derdmenler uning yawuzluqliri bilen yiqilidu» — «yawuzluqliri» belkim köchme menide bolup, shirning küchlük putlirini yaki chishlirini we yaki owchilarning torlirini (9-ayet) körsitishi mumkin.

11 U könglide: «Tengri buni untup qaldi,

U yüzini yépiwélip, qarimaydu;

Buni hergiz körmeydu» — deydu.□«U yüzini yépiwélip, qarimaydu» —yaki «U yüzini yépip qarimaydu» yaki «U yüzini yoshurup qarimaydu»  [i]

12 Ornungdin turghin, i Perwerdigar;

I Tengrim, qolungni kötürgin;

Ézilgen möminlerni untuma!

13 Rezil adem némishqa Sen Xudani közige ilmaydu?

U könglide: «Xuda buni sürüshtürmeydu!» — deydu.

14 Sen buni körgensen;

Sen Öz qolung bilen yamanliq hem zulumni özlirige qayturush üchün,

Özüng bularni közlep yürisen;

Derdmenler özlirini Sanga amanet qilidu;

Chünki Sen yétim-yésirlerge yar-yölek bolup kelgensen;

15 Rezil, yaman ademning bilikini sunduruwetkeysen;

Uning rezillikini birmubir sürüshtürüp, üzül-késil yoqatqaysen.

16 Perwerdigar ebedil’ebedgiche padishahdur;

Imansiz eller bolsa Perwerdigarning zéminidin yoqilar.□«Imansiz eller bolsa Perwerdigarning zéminidin yoqilar» — ibraniy tilida «eller» mushu yerde Xudaning yolini ret qilidighan yat ellerni körsitidu. «Perwerdigarning zémini» — ibraniy tilida «uning zémini». Xudaning bu zémini bolsa, Israilgha miras qilghan Qanaan zémini (Pelestin)dur.  [k]

17 18 Perwerdigar, Sen ajiz möminlerning armanlirini anglaysen;

Ularning dilini toq qilisen;

Yétim-yésirlar we ézilgüchiler üchün adaletni yaqlap,

Yer yüzidiki insanlarning ajiz-möminlerge qaytidin wehime salghuchi bolmasliqi üchün,

Quliqingni ding tutisen.