Zebur
1
Birinchi Bölüm •••• 1-küy •••• Itaetmen ademning bexti
1 Rezillerning gépi boyiche mangmaydighan,
Gunahkarlarning yolida turmaydighan,
Mesxire qilghuchining ornida olturmaydighan adem bext tapur! [a]
2 Uning xursenliki peqet Perwerdigarning tewrat-qanunididur;
U Perwerdigarning qanunini kéche-kündüz séghinip oylaydu. ◼«U Perwerdigarning qanunini kéche-kündüz séghinip oylaydu» — ibraniy tilida: «U Uning qanunini kéche-kündüz séghinip oylaydu». Emeliyette bolsa bu zebur Mesihni körsitidu. Sewebi, Mesihtin bashqa, kim «Perwerdigarning qanunini kéqe-kündüz séghinip oylaydu»?! Birdinbir undaq mukemmel adem peqet Udur. Undaq bolghanda, «Uning qanuni» Öziningkidur! [c]
3 U xuddi ériq boyigha tikilgen,
Öz peslide méwisini béridighan,
Yopurmaqliri solashmaydighan derextektur;
U némila qilsa ronaq tapidu. ◼«U némila qilsa ronaq tapidu» — bu yerdiki «u», Xudaning yolida mangidighan ademni körsitidu. [e]
4 Rezil ademler bolsa undaq bolmas;
Ular xuddi shamal uchuruwetken tozandektur. [f]
5 Shuning üchün reziller soraq künide tik turalmaydu,
Gunahkarlar heqqaniylarning jamaitide héch béshini kötürüp turalmaydu.
6 Chünki Perwerdigar heqqaniylarning yolini könglige pükken;
Rezillerning yoli bolsa yoqilidu.
- a Zeb. 26:4-5; Pend. 1:10, 15; 4:14, 15; 1Kor. 15:33; Ef. 5:11
- b «U Perwerdigarning qanunini kéche-kündüz séghinip oylaydu» — ibraniy tilida: «U Uning qanunini kéche-kündüz séghinip oylaydu». Emeliyette bolsa bu zebur Mesihni körsitidu. Sewebi, Mesihtin bashqa, kim «Perwerdigarning qanunini kéqe-kündüz séghinip oylaydu»?! Birdinbir undaq mukemmel adem peqet Udur. Undaq bolghanda, «Uning qanuni» Öziningkidur!
- c Qan. 6:6-9; 17:19; Ye. 1:8; Zeb. 112:1; 119:1
- d «U némila qilsa ronaq tapidu» — bu yerdiki «u», Xudaning yolida mangidighan ademni körsitidu.
- e Yer. 17:8
- f Ayup 21:18; Zeb. 35:5; Yesh. 17:13; 29:5; Hosh. 13:3