Zebur
1
Birinchi Bölüm •••• 1-küy •••• Itaetmen ademning bexti
1 Rezillerning gépi boyiche mangmaydighan,
Gunahkarlarning yolida turmaydighan,
Mesxire qilghuchining ornida olturmaydighan adem bext tapur![a]
2 Uning xursenliki peqet Perwerdigarning tewrat-qanunidilidur;
U Perwerdigarning qanunini kéche-kündüz séghinip oylaydu.[b]
3 U xuddi ériq boyigha tikilgen,
Öz peslide méwisini béridighan,
Yopurmaqliri solashmaydighan derextektur;
U némila qilsa ronaq tapidu.□«U némila qilsa ronaq tapidu» — bu yerdiki «u», Xudaning yolida mangidighan ademlerni körsitidu. [d]
4 Rezil ademler bolsa undaq bolmas;
Ular xuddi shamal uchuriwetken tozandektur.[e]
5 Shuning üchün reziller soraq künide tik turalmaydu,
Gunahkarlar heqqaniylarning jamaitide héch béshini kötürüp turalmaydu.
6 Chünki Perwerdigar heqqaniylarning yolini könglige pükken;
Rezillerning yoli bolsa yoqilidu.
- a Zeb. 26:4-5; Pend. 1:10, 15; 4:14, 15; 1Kor. 15:33; Ef. 5:11
- b Qan. 6:6-9; 17:19; Ye. 1:8; Zeb. 112:1; 119:1
- c «U némila qilsa ronaq tapidu» — bu yerdiki «u», Xudaning yolida mangidighan ademlerni körsitidu.
- d Yer. 17:8
- e Ayup 21:18; Zeb. 35:5; Yesh. 17:13; 29:5; Hosh. 13:3