1 Mulayim jawab ghezepni basar;

Qopal söz achchiqni qozghar.[a]

2 Aqilanilerning tili bilimni jari qilar;

Exmeqning aghzi quruq gep töker.[b]

3 Perwerdigarning közi her yerde yürer;

Yaxshi-yamanlarni körüp turar.□«Yaxshi-yamanlar...» — ibraniy tilida «yaman-yaxshilar» dégenlik bilen bildürülidu.  [d]

4 Shipa yetküzgüchi til xuddi bir «hayatliq derixi»dur;

Tili egrilik kishining rohini sundurar.□«Shipa yetküzgüchi til» — yaki «méhriban til». «hayatliq derixi» — 3:18-ayettiki izahatni körüng.  [f]

5 Exmeq atisining terbiyisige pisent qilmas;

Lékin atisining tenbihige qulaq salghan zérek bolar.

6 Heqqaniyning öyide göherler köptur;

Biraq yamanning tapawiti özige awarichilik tapar.

7 Dananing lewliri bilim tarqitar;

Exmeqning könglidin héch bilim chiqmas.

8 Yamanlarning qurbanliqi Perwerdigargha yirginchliktur;

Duruslarning duasi Uning xursenlikidur.[g]

9 Yamanlarning yoli Perwerdigargha yirginchliktur;

Lékin heqqaniyetni intilip izdigüchini U yaxshi körer.

10 Toghra yoldin chiqqanlar azabliq terbiyini körer;

Tenbihge öch bolghuchi öler.

11 Tehtisara we halaket Perwerdigarning köz aldida ochuq turghan yerde,

Insan könglidiki oy-pikirni qandaqmu Uningdin yoshuralisun?!□«Tehtisara» — ölgenlerning rohliri baridighan jayni körsitidu.  [i]

12 Hakawur tenbih bergüchini yaqturmas;

U aqilanilerdin nesihet élishqa barmas.□«Hakawur» — yaki «mesxire qilghuchi».

13 Köngül shad bolsa, xush chiray bolar;

Derd-elem tartsa, rohi sunar.[k]

14 Yorutulghan köngül bilimni izder;

Eqilsizning aghzi nadanliqni ozuq qilar.

15 Ézilgenlerning hemme künliri teste öter;

Biraq shad köngül herkünini héyttek ötküzer.

16 Zor bayliq bilen biaramliq tapqandin,

Azgha shükür qilip, Perwerdigardin eymen’gen ewzel.[l]

17 Nepret ichide yégen bordaq göshte qilin’ghan katta ziyapettin,

Méhir-muhebbet ichide yégen köktat ewzel.[m]

18 Térikkek kishi jédel chiqirar;

Éghir-bésiq talash-tartishlarni tinchlandurar.[n]

19 Hurunning yoli tikenlik qashadur,

Durus ademning yoli kötürülgen yoldek daghdamdur.

20 Dana oghul atisini shad qilar;

Eqilsiz adem anisini kemsiter.[o]

21 Eqli yoq kishi exmeqliqi bilen xushtur;

Yorutulghan kishi yolini toghrilap mangar.[p]

22 Meslihetsiz ish qilghanda nishanlar emelge ashmas;

Meslihetchi köp bolghanda muddialar emelge ashurular.[q]

23 Kishige jayida bergen jawabidin xush bolar,

Del waqtida qilghan söz neqeder yaxshidur!

24 Hayatliq yoli eqilliq kishini yuqirigha bashlayduki,

Uni chongqur tehtisaradin qutquzar.□«tehtisara» — ölgenlerning rohliri barghan jayni körsitidu.

25 Perwerdigar tekebburning öyini yuluwéter;

Biraq U tul xotunlargha pasillarni turghuzar.[s]

26 Yamanlarning oy-pikri Perwerdigargha yirginchliktur;

Biraq sap dilning sözliri söyümlüktur.□«oy-pikri» — yaki «pilanliri».  [u]

27 Ach köz kishi öz ailisige awarichilik keltürer;

Para élishqa nepretlen’gen kishi kün körer.[v]

28 Heqqaniy adem qandaq jawab bérishte qayta-qayta oylinar;

Yaman ademning aghzidin shumluq töküler.

29 Perwerdigar yaman ademdin yiraqtur;

Biraq U heqqaniyning duasini anglar.[w]

30 Xush közler köngülni shadlandurar;

Xush xewer ustixanlargha gösh-may qondurar.[x]

31 Hayatliqqa élip baridighan tenbihke qulaq salghan kishi danalarning qataridin orun alar.

32 Terbiyeni ret qilghan öz jénini xar qilar;

Tenbihge qulaq salghan yorutular.

33 Perwerdigardin qorqush ademge danaliq ögiter;

Awwal kemterlik bolsa, andin shöhret kéler.[y]