1 Kimki terbiyini qedirlise, bilimnimu söygüchidur;

Lékin tenbihke nepretlen’gen nadan-hamaqettur.

2 Yaxshi niyetlik adem Perwerdigarning iltipatigha érisher;

Emma Perwerdigar hiyle-mikirlik ademning gunahini békiter.

3 Ademler yamanliq qilip amanliq tapalmas;

Lékin heqqaniylarning yiltizi tewrenmes.[a]

4 Peziletlik ayal érining tajidur;

Emma uni uyatqa salghuchi xotun uning ustixinini chiriter.[b]

5 Heqqaniy ademning oy-pikri durus höküm chiqirar;

Yamanlarning nesihetliri mekkarliqtur.□«... oy-pikri durus höküm chiqirar» — yaki: «...oy-pikri durustur».

6 Yamanlarning sözliri qan tökidighan qiltaqtur;

Lékin durusning sözi ademni qiltaqtin qutuldurar.[d]

7 Yamanlar aghdurulup, yoqilar;

Lékin heqqaniylarning öyi mezmut turar.□«Yamanlar aghdurulup, yoqilar» — bashqa birxil tejimisi: «Yamanlar aghdurulghanda, yoqilar».  [f]

8 Adem öz zérikliki bilen maxtashqa sazawer bolar;

Egri niyetlik kishi közge ilinmas.

9 Péqir turup xizmetkari bar kishi,

Özini chong tutup ach yürgen kishidin yaxshidur.[g]

10 Heqqaniy adem öz ulighinimu asrar;

Emma rezil ademning bolsa hetta rehimdilliqimu zalimliqtur.[h]

11 Tiriship tériqchiliq qilghan déhqanning qorsiqi toq bolar;

Emma xam xiyallargha bérilgen kishining eqli yoqtur.[i]

12 Yaman adem yamanliq qiltiqini közlep olturar;

Emma heqqaniy ademning yiltizi méwe bérip turar.

13 Yaman adem öz aghzining gunahidin tutular;

Heqqaniy adem musheqqet-qiyinchiliqtin qutular.□«Yaman adem öz aghzining gunahidin tutular» — yaki «Éghizdiki itaetsizliktin rezil tuzaq chiqar».  [k]

14 Adem öz aghzining méwisidin qanaet tapar;

Öz qoli bilen qilghanliridin uninggha yandurular.[l]

15 Exmeq öz yolini toghra dep biler;

Emma dewetke qulaq salghan kishi aqilanidur.[m]

16 Exmeqning achchiqi kelse, tézla biliner;

Zérek kishi haqaretke sewr qilar, setchilikni ashkarilimas.□«...haqaretke sewr qilar, setchilikni ashkarilimas» — ibraniy tilida bu ikki ibare «ikki bisliq» bir söz bilenla ipadilen’gen.

17 Heqiqetni éytqan kishidin adalet biliner;

Yalghan guwahliq qilghuchidin aldamchiliq biliner.[o]

18 Bezlilerning yéniklik bilen éytqan gépi ademge sanjilghan qilichqa oxshar;

Biraq aqilanining tili derdke dermandur.[p]

19 Rastchil menggü turghuzulidu;

Lewzi yalghan bolsa birdemliktur.□«rastchil» — ibraniy tilida «heqiqetning léwi». «lewzi yalghan bolsa birdemliktur.» — ibraniy tilida «yalghanchi til bolsa birdemliktur».

20 Yamanliqning koyida yürgüchining könglide hiyle saqlan’ghandur;

Amanliqni dewet qilghuchilar xushalliqqa chömer.

21 Heqqaniy ademning béshigha héch külpet chüshmes;

Qebihler balayi’qazagha chömüler.

22 Yalghan sözleydighanning lewliri Perwerdigargha yirginchliktur;

Lékin lewzide turghanlargha U apirin éytar.

23 Pemlik adem bilimini yoshurar;

Biraq exmeq nadanliqini jakarlar.[r]

24 Tirishchan qol hoquq tutar;

Hurun qol alwan’gha tutular.[s]

25 Köngülning ghem-endishisi kishini mükcheyter;

Lékin méhribane bir söz kishini rohlandurar.[t]

26 Heqqaniy kishi öz dosti bilen birge yol izder;

Biraq yamanlarning yoli özlirini adashturar.□«Heqqaniy kishi öz dosti bilen birge yol izder» — bashqa xil terjimiliri: «Heqqaniy kishi öz dostining könglidikini tekshürer», «Heqqaniy kishi dost tutushta segek bolar» yaki «Heqqaniy kishi öz dostigha yol körsiter».

27 Hurun özi tutqan owni pishurup yéyelmes;

Biraq etiwarliq bayliqlar tirishchan’gha mensuptur.□«Biraq etiwarliq bayliqlar tirishchan’gha mensuptur» — bashqa birxil terjimisi: «Biraq tirishchan kishi öz teelluqatini etiwarlaydu».

28 Heqqaniyliqning yolida hayat tépilar;

Shu yolda ölüm körünmestur.