1 Yalghan taraza Perwerdigargha yirginchliktur;

Adil jing téshi Uni xursen qilar.[a]

2 Tekebburluq bilen birge shermendichilik egiship kéler;

Lékin danaliq kichik péillargha hemrah bolar.[b]

3 Toghrilarning semimiyliki özini yétekler;

Lékin kazzaplarning egriliki özini weyran qilar.[c]

4 Xudaning ghezep künide mal-dunyaning paydisi bolmas;

Lékin heqqaniyet ademni ölümdin qutquzar.[d]

5 Kamil ademning heqqaniyliqi özini tüz yolgha bashlar;

Yaman adem öz yamanliqidin yiqilar.

6 Durus ademlerning heqqaniyliqi özlirini qutquzar;

Lékin kazzaplar öz hiyle-neyringidin tutular.

7 Rezil adem ölse, uning ümidi yoqqa chiqar;

Gunahkarning ümidi axiri quruq qalar.□«Gunahkarning ümidi...» — bashqa birxil terjimisi, «Küchlüklerning ümidi...».

8 Heqqaniy adem qiyinchiliqtin xaliy qilinar;

Rezil adem uning ornigha tutular.[f]

9 Munapiqlar öz aghzi bilen yéqinini buzar;

Lékin heqqaniylar bilimi bilen qutquzular.

10 Heqqaniy adem ronaq tapsa, sheher xush bolar;

Rezil adem halak bolsa, xelq tentene qilar.

11 Toghrilarning beriket tileshliri bilen sheher gülliner;

Lékin rezillerning tili bilen weyran bolar.

12 Öz yéqinini sökidighan kishi — eqilsizdur;

Emma yorutulghan adem aghzini yighar.

13 Gep toshughuchi mexpiyetlerni ashkarilar;

Sadiq adem amanetke xiyanet qilmas.

14 Yolyoruq kem bolsa, el-yurt yiqilar;

Ulugh bir meslihetchi bolsa, el nijat tapar.□«Yolyoruq kem bolsa...» — bashqa birxil terjimisi, «Köp meslihetchiler bolsa,...». «...nijat tapar» — yaki «....bixeter turar».  [h]

15 Yatqa borun bolghan kishi ziyan tartmay qalmas;

Qol bériship képil bolushni yaman körgen kishining quliqi tinch bolar.□«Yatqa borun bolghan kishi ziyan tartmay qalmas» — 6:1 we izahatni körüng.

16 Shapaetlik ayal izzet-hörmetni qoldin bermes;

Zorawanlar bayliqni qoldin bermes.

17 Rehimdil öz-özige bext yaritar;

Rehimsiz öz ténini aghritar.

18 Yaman ademlerning alghan ish heqqi ularni aldar, beriketsiz bolar;

Emma heqqaniyet térighuchi adem emeliy in’am alar.□«Yaman ademlerning alghan ish heqqi ularni aldar, beriketsiz bolar» — ibraniy tilida «yaman ademning ish heqqi yalghan bolar».

19 Heqqaniyet ademge hayatliq tapquzar;

Yamanliqni közlep yüridighan kishi ölümge yüz tutar.

20 Niyiti buzuq kishi Perwerdigargha yirginchliktur;

Emma yoli diyanetlik kishiler uning xursenlikidur.

21 Qol tutushup birleshsimu, yamanlar jazagha tartilmay qalmas;

Lékin heqqaniylarning nesli nijat tapar.□«Qol tutushup birleshsimu,...» — bashqa birxil terjimisi: — «shübhisizki,...».  [l]

22 Chirayliq emma tétiqsiz xotun,

Choshqining tumshuqigha altun halqa salghandektur.

23 Heqqaniylarning arzusi peqet yaxshi méwe élip kéler;

Yamanlarning kütkini ghezep-neprettur.

24 Biraw merdlerche tarqatsimu, gülliner;

Yene biraw bérishke tégishlikini ayisimu, peqet namratlishar.

25 Merd adem etliner;

Bashqilarni sugharghuchi özimu sughirilar.[m]

26 Ashliqni satmay bésiwalghan kishi elning lenitige uchraydu;

Lékin ashliqni sétip bergüchige beriket tiliner.

27 Yaxshiliqni izdep intilgen adem shapaet tapar;

Yamanliqni izdigen adem özi yamanliq körer.[n]

28 Öz mal-duniyasigha tayan’ghuchi yiqilar;

Heqqaniy kishi yopurmaqtek kökirer.[o]

29 Öz öyige azarchiliq salghan kishi shamalgha miras bolar;

Eqilsiz adem aqilanining quli bolup qalar.

30 Heqqaniyning béridighan méwisi «hayatliq derixi»dur;

Dana kishi köngüllerni hayatliqqa mayil qilar.□«hayatliq derixi» — mushu yerde «hayatliq derixi» dégenlik, «Éren baghchisi»diki Adem’atimiz we Hawa’animizning behrimen bolushigha teyyarlan’ghan derexni körsitidu (3:18-ayetni körüng). «... hayatliqqa mayil qilar» — eyni tékistte «hayatliq» dégen söz yoq. Lékin heqqaniyliq yolida Xudaning mömin bendiliri ademlerning könglini özi üchün almaydu, belki ularni Xudaning yoligha jelp qilidu; shunga toluq menisi: «Kim dana bolsa kishilerning könglini nijat yoligha bashlaydu» dep qaraymiz. Mushu ayetni «Luqa» 5:10 bilen sélishturghili bolidu.

31 Qaranglar, heqqaniy adem bu dunyada sewenliki üchün bedel töligen yerde,

Reziller bilen gunahkarlarning aqiwiti qandaq bolar?□«Qaranglar, heqqaniy adem ...bedel töligen yerde, reziller bilen gunahkarlarning aqiwiti qandaq bolar?» — bu ayet Injil, «1Pét.» 4:18de neqil keltürülidu.  [r]