1 Méning halimgha way! Chünki men xuddi yazdiki méwiler yighilip,

Üzüm hosulidin kéyinki wasangdin kéyin ach qalghan birsige oxshaymen,

Yégüdek sapaq yoqtur;

Jénim teshna bolghan tunji enjür yoqtur!

2 Ixlasmen kishi zémindin yoqap ketti,

Ademler arisida durus birsimu yoqtur;

Ularning hemmisi qan töküshke paylimaqta,

Herbiri öz qérindishini tor bilen owlaydu.[a]

3 Rezillikni puxta qilish üchün,

Ikki qoli uninggha teyyarlan’ghan;

Emir «inam»ni soraydu,

Soraqchimu shundaq;

Mötiwer janab bolsa öz jénining nepsini ashkara éytip béridu;

Ular jem bolup rezillikni toqushmaqta.□«Mötiwer janab bolsa öz jénining nepsini ashkara éytip béridu» — «mötiwer jabab» belkim padishahni wasitilik körsitidu.  [c]

4 Ularning eng ésili xuddi jighandek,

Eng durusi bolsa, shoxiliq tosuqtin betterdur.

Emdi közetchiliring qorqup kütken kün,

Yeni Xuda sanga yéqinlap jazalaydighan küni yétip keldi;

Ularning alaqzade bolup kétidighan waqti hazir keldi.□«Ularning eng ésili xuddi jighandek, eng durusi bolsa, shoxiliq tosuqtin betterdur» — «eng ésili» adaletni burmilimaydu, peqet uninggha tosalghu bolidu! «Xuda sanga yéqinlap jazalaydighan küni...» — ibraniy tilida «séning yoqlinidighan kününg» déyilidu.

5 Ülpitingge ishenme,

Jan dostunggha tayanma;

Aghzingning ishikini quchiqingda yatquchidin yépip yür.

6 Chünki oghul atisigha bihörmetlik qilidu,

Qiz anisigha,

Kélin qéyn anisigha qarshi qozghilidu;

Kishining düshmenliri öz öyidiki ademliridin ibaret bolidu.[e]

7 Biraq men bolsam, Perwerdigargha qarap ümid baghlaymen;

Nijatimni bergüchi Xudani kütimen;

Méning Xudayim manga qulaq salidu.

8 Manga qarap xush bolup ketme, i düshminim;

Gerche men yiqilip ketsemmu, yene qopimen;

Qarangghuluqta oltursam, Perwerdigar manga yoruqluq bolidu.□«Manga qarap xush bolup ketme, i düshminim;...» — mushu yerdiki «düshminim» hem 10-ayettiki «u» dégenler «ayalche rod»ta kelgen bolghachqa, bésharet Yérusalémning Asuriyege gep qilghanliqini, yaki bolmisa axirqi zamandiki düshmini Babilgha gep qilidighanliqini körsetse kérek.

9 Men Perwerdigarning ghezipige chidap turimen —

Chünki men Uning aldida gunah sadir qildim —

U méning dewayimni sorap, men üchün höküm chiqirip yürgüzgüche kütimen;

U méni yoruqluqqa chiqiridu;

Men Uning heqqaniyliqini körimen.[g]

10 We méning düshminim buni köridu,

Shuning bilen manga: «Perwerdigar Xudaying qéni» dégen ayalni shermendilik basidu;

Méning közüm uning meghlubiyitini köridu;

U kochidiki patqaqtek dessep cheylinidu.[h]

11 — Séning tam-sépilliring qurulidighan künide,

Shu künide sanga békitilgen pasiling yiraqlargha yötkilidu.

12 Shu künide ular yéninggha kélidu;

— Asuriyedin, Misir sheherliridin,

Misirdin Efrat deryasighiche, déngizdin déngizghiche we taghdin taghghiche ular yéninggha kélidu.

13 Biraq yer yüzi bolsa özining üstide turuwatqanlar tüpeylidin,

Yeni ularning qilmishlirining méwisi tüpeylidin xarabe bolidu. [i]

14 — Öz xelqingni, yeni ormanda, Karmel otturisida yalghuz turuwatqan Öz mirasing bolghan padini,

Tayaq-hasang bilen ozuqlandurghaysen;

Qedimki künlerdikidek,

Ular Bashan hem Giléad chimenzarlirida qaytidin ozuqlansun!□«... ormanda, Karmel otturisida yalghuz turuwatqan öz mirasing bolghan pada...» — «Karmel» bolsa Israilning eng baraqsan, eng ésil ormanliq rayoni.  [k]

15 — Sen Misir zéminidin chiqqan künlerde bolghandek,

Men ulargha karamet ishlarni körsitip bérimen.[l]

16 Eller buni körüp barliq heywisidin xijil bolidu;

Qolini aghzi üstige yapidu,

Qulaqliri gas bolidu;

17 Ular yilandek topa-changni yalaydu;

Yer yüzidiki ömiligüchilerdek öz töshükliridin titrigen péti chiqidu;

Ular qorqup Perwerdigar Xudayimizning yénigha kélidu,

We séning tüpeylingdinmu qorqidu.[m]

18 Qebihlikni kechüridighan,

Öz mirasi bolghanlarning qaldisining itaetsizlikidin ötidighan Tengridursen,

U achchiqini menggüge saqlawermeydu,

Chünki U méhir-muhebbetni xushalliq dep bilidu.

Kim sanga tengdash ilahdur?□«Kim Sanga tengdash Ilahdur?» — «Mikah» dégen isim, ibraniy tilida «kim Xudagha tengdash?» dégen menide.  [o]

19 — U yene bizge qarap ichini aghritidu;

Qebihliklirimizni U dessep cheyleydu;

Sen ularning barliq gunahlirini déngiz teglirige tashlaysen.

20 — Sen qedimki künlerdin béri ata-bowilirimizgha qesem qilghan heqiqet-sadaqetni Yaqupqa,

Özgermes muhebbetni Ibrahimgha yetküzüp körsitisen.

<- Mikah 6