1 Chünki mana, shu künlerde, shu peytte,

Men Yehuda hem Yérusalémni asarettin qutuldurup, azadliqqa érishtürginimde,

2 Men barliq ellernimu yighip,

Ularni «Yehoshafat jilghisi»gha chüshürimen;

Shuning bilen ularning xelqimni eller arisigha tarqitiwetkenlikidin,

Zéminimni bölüp parchiliwetkenlikidin,

Ularni ashu yerde Méning mirasim, yeni xelqim Israil tüpeylidin soraqqa tartimen.□«Men barliq ellernimu yighip,... shuning bilen ularning xelqimni eller arisigha tarqitiwetkenlikidin, ... ularni... xelqim Israil tüpeylidin soraqqa tartimen» — «eller» bolsa yat eller, Yehudiy emesler. «Yehoshafat jilghisi» — «Yehoshafat» — «Yah» (Perwerdigar) sotlaydu» dégen menide. U belkim Yérusalém shehirining sherqi teripidiki «Kidron jilghisi»ni körsitidu (Yérusalém hem «Zeytun téghi» arisida).

3 Uning üstige ular Méning xelqimni dogha tikip chek tashlighan;

Bir yigitni bir pahishe ayalgha almashturghan,

Bir qizni «sharab ichimiz» dep sharab üchün almashturghan.

4 Hey, Tur hem Zidon, Filistiyening barliq rayonliri, Men silerni néme qiliptimen?

Siler Mendin öch almaqchimusiler?

(Biraq Mendin öch alimiz désenglar, öchni tézla öz béshinglargha qayturup bérimen!)□«Hey, Tur hem Zidon,...» — «Tur» bolsa Liwandiki eng chong port hem qudretlik sheher, Zidon uning etrapidiki rayon.

5 Kümüshlirim, altunlirimni buliwalghininglar tüpeylidin,

Güzel göherlirimni öz butxaniliringlargha aparghininglar tüpeylidin,

6 Yehuda baliliri hem Yérusalémning balilirini öz chégrasidin yiraq qilmaq üchün ularni Gréklargha sétiwétkininglar tüpeylidin,

7 Mana, Men ularni siler sétiwetken jayda ornidin turghuzimen,

Hemde qilghininglarni öz béshinglargha qayturimen.

8 Oghul-qizliringlarni Yehuda balilirining qoligha sétiwétimen,

Ular shularni yiraqtiki bir elge, yeni Shabiyaliqlargha sétiwétidu;

Chünki Perwerdigar söz qilghan.□«Ular shularni yiraqtiki bir elge, yeni Shabiyaliqlargha sétiwétidu» — «Shabiyaliqlar» «Shéba» dégen rayondikiler bolushi mumkin.

9 Shuni eller arisida jakarlanglarki,

«Jengge teyyarlininglar,

Palwanlarni qozghanglar,

Jengchilerning hemmisi yéqinlashsun,

Jengge hazir bolsun;

10 Sapan chishlirini qilich qilip,

Orghaqliringlarni neyze qilip soqushunglar;

Ajiz ademmu: «Men küchlük» désun;

11 Etraptiki hemme eller, tézdin kélinglar,

Hemminglar shu yerge jem bolunglar!».

«Özüngning küchlükliringni ashu yerge chüshürgeysen, ah Perwerdigar!»□«Özüngning küchlükliringni ashu yerge chüshürgeysen, ah Perwerdigar!» — bu sözler 2:1-11diki we «Yesh.» 13:3-5diki sözlerge munasiwetlik bolushi kérek. «Yesh.» 13:3-5diki izahatlarnimu körüng.

12 «Eller qozghilip «Yehoshafat jilghisi»gha kelsun;

Chünki Men shu yerde olturup etraptiki hemme ellerni soraqqa tartimen.

13 Orghaqni sélinglar,

Chünki ziraet pishti;

Kélinglar, chüshüp cheylenglar,

Chünki sharab kölchekliri liq tushuqtur,

Idish-küpler tolup tashidu.

Chünki ularning rezilliki zordur»□«Orghaqni sélinglar, chünki ziraet pishti; kélinglar, chüshüp cheylenglar, chünki sharab kölchekliri liq tushuqtur... chünki ularning rezilliki zordur»» — mushu buyruq belkim Xudaning «küchlükliri», yeni perishtilerge éytilidu («Weh» 14:17-20ni körüng).  [f]

14 Ah, nurghun, nurghun kishiler «Qarar jilghisi»da!

Chünki Perwerdigarning küni «Qarar jilghisi»gha yéqinlashti.

15 Quyash hem ay qarangghuliship kétidu,

Yultuzlar öz julasini qayturuwalidu.[g]

16 Perwerdigar Ziondin hörkireydu,

Yérusalémdin awazini qoyuwétidu;

Asmanlar, zéminlar silkinidu;

Lékin Perwerdigar Öz xelqige bashpanah,

Israil balilirigha küch-himaye bolidu.

17 Shuning bilen siler Menki Perwerdigarning silerning Xudayinglar ikenlikimni,

Öz muqeddes téghim Zionda turidighanliqimni bilisiler;

Yérusalém pak-muqeddes bolidu,

Uningdin héch yat ademler yene ötmeydu.□«Uningdin héch yat ademler yene ötmeydu» — dégen söz belkim: (1) héch tajawuzchi yene Yérusalémni buzmaydu, we (2) Yérusalémni bulghghudek héchqandaq butperes adem uningdin yene ötmeydu, dégen ikki menini körsitishi mumkin.  [i]

18 Hem shu küni emelge ashuruliduki,

Taghlar yéngi sharabni témitidu,

Döng-égizliklerdin süt aqidu,

Yehudadiki barliq ériq-östenglerde liq su aqidu;

Perwerdigarning öyidin bir bulaq chiqidu,

Shittim jilghisini sughiridu.□«...Shittim jilghisini sughiridu» — «Shittim jilghisi» Yérusalémning sherqiy teripida bolup, suliri Iordan jilghisigha chüshidu.  [k]

19 Misir bolsa bir chöllük,

Édom ademzatsiz bir chöl-bayawan bolidu,

Ularning Yehuda balilirigha qilghan zulum-zorawanliqi tüpeylidin,

Ular bularning zéminida bigunah qanlarni tökkenliki tüpeylidin.

20 Biraq Yehuda menggüge turidu,

Yérusalém dewrdin-dewrgiche qalidu;

21 Hem Men ularni tökken qanlarning paklandurulmighan gunahliridin paklandurimen;

Chünki Perwerdigar Zionda makanlashqandur.

<- Yoél 2