1 Ayup jawaben mundaq dédi: —

2 «Ah, méning derdlik zarlirim tarazida ölchense!

Ah, béshimgha chüshken barliq balayi’qaza bular bilen bille tarazilansa!□«... Ah, béshimgha chüshken barliq balayi’qaza bular , yeni derdlik zarlirim bilen bille tarazilansa!» — Ayupning bu sözi: «derdlik zarlirim» we béshimgha chüshken bala-qazalar tarazada sélishturulsa, emeliyette méning zarlirimning az ikenliki körünidu, dégen menini öz ichige élishi mumkin.

3 Shundaq qilinsa u hazir déngizdiki qumdin éghir bolup chiqidu;

Shuning üchün sözlirim telwilerche boluwatidu.[b]

4 Chünki Hemmige Qadirning oqliri manga sanjilip ichimde turuwatidu,

Ularning zehirini rohim ichmekte,

Tengrining wehimiliri manga qarshi sep tüzüp hujum qiliwatidu.□«Ularning zehirini rohim ichmekte» — yaki, «Ularning zeheri rohimni yep kétidu».  [d]

5 Yawa éshek ot-chöp tapqanda hangramdu?

Kala bolsa yem-xeshek üstide möremdu?

6 Tuz bolmisa temsiz nersini yégili bolamdu?

Xam tuxumning éqining temi barmu?

7 Jénim ulargha tegsimu seskinip kétidu,

Ular manga yirginchlik tamaq bolup tuyulidu.

8 Ah, méning teshna bolghinim kelsidi!

Tengri intizarimni ijabet qilsidi!

9 Ah, Tengri méni yanjip tashlisun!

U qolini qoyuwétip jénimni üzüp tashlashqa muwapiq körsidi!

10 Shundaq bolsa, manga teselli bolatti,

Hetta rehimsiz aghriqlarda qiynalsammu, shadlinattim;

Chünki Muqeddes Bolghuchining sözliridin tanmighan bolattim!□«Hetta ... shadlinattim; chünki Muqeddes Bolghuchining sözliridin tanmighan bolattim!» — Ayupning bundaq oylishi: «Eger hazir Xuda méning jénimni alsa, men Uningdin yüz örümigen mana mushu chaghdila alsa boptiken; biraq bu azab-oqubetler dawamlashturulsa, mende néme özgirishler bolar, men Xudadin tanimenmu qandaq? Shunga yaxshisi U hazir méni epketse, qattiq bir zerbe bilen epketse meyli» dégendek menini béridu.

11 Mende ölümni kütküdek yene qanchilik maghdur qaldi?

Méning sewr-taqetlik bolup hayatimni uzartishimning néme netijisi bolar?

12 Méning küchüm tashtek chingmu?

Méning etlirim mistin yasalghanmidi?

13 Özümge yardem bergüdek maghdurum qalmidi emesmu?

Herqandaq eqil-tedbir mendin qoghliwétilgen emesmu?

14 Ümidsizlinip kétiwatqan kishige dosti méhribanliq körsetmiki zörürdur;

Bolmisa u Hemmige qadirdin qorqushtin waz kéchishi mumkin.□«Ümidsizlinip kétiwatqan kishige dosti méhribanliq körsetmiki zörürdur; bolmisa ...» — ayetning bashqa birnechche terjimiliri bar. Bularning biri: «Hetta u Hemmige Qadirdin qorqushtin ayrilghan bolsimu, ümidsizlinip kétiwatqan kishige dosti méhribanliq körsetmiki zörürdur».

15 Biraq buraderlirim waqitliq «aldamchi ériq» süyidek,

Manga héligerlik bilen muamile qilmaqta;

Ular suliri éqip tügigen ériqqa oxshaydu.□«aldamchi ériq» — chöl bayawanda tuyuqsiz éqishtin toxtaydighan ériq. Yoluchilarning mushundaq ériqqa ishinishi intayin xeterlik, elwette. 20-21-ayetlerni körüng.

16 Érigen muz suliri ériqqa kirgende ular qaridap kétidu,

Qarlar ularning ichide yoqilip kétidu,

17 Ular pesilning illishi bilen qurup kétidu;

Hawa issip ketkende, izidin yoqilip kétidu.□«Hawa issip ketkende, izidin yoqilip kétidu» — démek, eng kérek bolghan waqitta bu ériqlar ghayib bolidu.

18 Seperdashlar mangghan yolidin chiqip, ériqqa burulidu;

Ular ériqni boylap méngip, chölde ézip ölidu.

19 Témaliq karwanlarmu ériq izdep mangdi;

Shébaliq sodigerlermu ulargha ümid bilen qaridi;□«Shébaliq sodigerlermu ulargha ümid bilen qaridi» — yaki «Shébaliq sodigerlermu ulargha uchrashni ümid qilatti».

20 Biraq ular ishen’ginidin ümidsizlinip nomusta qaldi;

Ular ashu yerge kélishi bilen parakendichilikke uchridi.

21 Mana siler ulargha oxshash manga tayini yoq bolup qaldinglar;

Siler qorqunchluq bir wehimini körüpla qorqup kétiwatisiler.

22 Men silerge: «Manga béringlar»,

Yaki: «Manga mal-mülükliringlardin hediye qilinglar?» — dégenni qachan dep baqqan?□«Manga mal-mülükliringlardin hediye qilinglar?» — dégenni qachan dep baqqan?» — Ayup u dostlirigha héchqachan qerzdar bolup baqmighan. U: «Silerdin pul yaki mal-mülük kütkinim yoq, silerdin kütkinim peqet azraq hésdashliq yaki méhribanliq, xalas» démekchi.

23 Yaki: «Méni ézitquchining qolidin qutquzunglar!»

Yaki «Zorawanlarning qolidin görüge pul bersenglar!» dep baqqanmu?

24 Manga ögitip qoyunglar, süküt qilimen;

Nede yoldin chiqqanliqimni manga körsitip béringlar.

25 Toghra sözler némidégen ötkür-he!

Biraq eyibliringlar zadi némini ispatliyalaydu?!□«Biraq eyibliringlar zadi némini ispatliyalaydu?» — shu waqitqiche Ayupning üch dosti arisidin peqet Élifaz söz qilghan. Ayup «eyibliringlar» (köplük shekli) dégen sözi bilen ulargha: «Siler yénimgha kélishtin awwal ehwalim toghruluq til biriktürüwalghan oxshaysiler» dep puritiwatidu.

26 Ümidsizlen’gen kishining gepliri ötüp kétidighan shamaldek tursa,

Peqet sözlernila eyiblimekchimusiler?□«Ümidsizlen’gen kishining gepliri ötüp kétidighan shamaldek tursa,...» — Ayup bu gepliri bilen özümning bezi sözlirimning heddidin éship ketkenlikini bilimen, dep étirap qilghan bolsa kérek. Bashqa birxil terjimisi: «Siler peqet sözlernila eyiblimekchimusiler, ümidsizlen’gen kishining gepliri nahayiti ötüp kétidighan bir shamaldekla dep qarimaqchisiler?».

27 Siler yétim-yésirlarning üstide chek tashlishisiler!

Dost-buradiringlar üstide sodilishisiler!□«Dost-buradiringlar üstide sodilishisiler!» — bashqa birxil menisi: «Siler dost-buraderler üchün ora kolishisiler».

28 Emdi manga yüz turane qarap béqinglar;

Aldinglardila yalghan söz qilalamdim?

29 Ötünimen, boldi qilinglar, gunah bolmisun;

Rast, qaytidin oylap béqinglar,

Chünki özümning toghriliqim tarazida turidu.□«Chünki özümning toghriliqim tarazida turidu» — yaki: «Chünki bu ishta heq men tereptidur».

30 Tilimda xataliq barmu?

Tilim yamanliqni zadi tétiyalmasmu?