1 I Israil, Perwerdigar Xudayingning yénigha ikkilenmey qaytip kel!

Chünki öz qebihliking bilen putliship yiqilghansen.[a]

2 Özünglar bilen bille sözlerni épkélinglar,

Perwerdigarning yénigha qaytinglar;

Uninggha: — «Barliq qebihlikni kechürgeysen,

Shapaet bilen bizni qobul qilghaysen,

Shuning bilen biz Sanga lewlirimizdiki «buqa qurbanliqlar»ni tutimiz — denglar.□«...«buqa qurbanliqlar»ni tutimiz — «buqa qurbanliqlar» Xudagha atap béghishlinidighan «köydürme qurbanliq»lar ichide eng qimmetlik qurbanliq idi. Mushu yerde köchme menide ishletken, elwette. U «lewlirimizdiki mol ibadet-medhiye»ni körsitidu. Bashqa birxil terjimisi: «lewlirimizdiki méwini tutimiz».

3 — «Asuriye bizni qutquzmaydu,

Atlargha minmeymiz;

Biz hergiz öz qolimiz yasighinigha: — «Xudayimiz!» démeymiz;

Chünki Sendinla yétim-yésirlar rehim-shepqet tapidu».□«Chünki Sendinla yétim-yésirlar rehim-shepqet tapidu»» — bu söz Hoshiyaning balilirining öz dadisi bilen bolghan kechürmishini eks ettürgen bolidu.

4 — Men ularni «arqigha chékinishliri»din saqaytimen,

Men ularni chin könglümdin xalap söyimen;

Chünki Méning ghezipim uningdin yandi.

5 Men Israilgha shebnemdek bolimen;

U niluperdek berq uridu,

Yiltizliri Liwan kédir derixidek yiltiz tartidu;

6 Uning bixliri shaxlap yéyilidu,

Uning güzelliki zeytun derixidek,

Puriqi Liwan kédiriningkidek bolidu.

7 Xelq qaytip kélip, uning sayisi astida olturidu;

Ular ziraetlerdek yashnaydu,

Üzüm télidek chéchekleydu;

Liwanning sharabliri aghzida qalghandek, éside shérin qalidu. □«Liwanning sharabliri aghzida qalghandek, éside shérin qalidu» — ibraniy tilida: «Uning esletmisi Liwandiki sharabningkidek bolidu».

8 Efraim: «Méning butlar bilen yene néme karim!» — deydighan bolidu.

«Men uninggha jawab bérimen, uningdin xewer alimen!

«Men yapyéshil bir qarighaydurmen».

«Séning méweng Mendindur!»□«Efraim: «Méning butlar bilen yene néme karim!» — deydighan bolidu» — bashqa birxil terjimisi: «U (Xuda Efraimgha) «I Efraim, Méning butlar bilen néme alaqem bolsun!» — deydu».

9 Kim dana bolup, bu ishlarni chüshiner? Chéchen bolup, bularni biler?

Chünki Perwerdigarning yolliri durustur,

Heqqaniylar ularda mangidu;

Biraq itaetsizler ularda putliship yiqilidu.[f]

<- Hoshiya 13