1 Асаф язған күй: —

Худа Өз илаһий мәҗлисидә туруп риясәтчилик қилиду,

У илаһлар арисида һөкүм чиқириду;□«Худа Өз илаһий мәҗлисидә туруп риясәтчилик қилиду, У илаһлар арисида һөкүм чиқириду» — бизниңчә, бу мәҗлискә қатнашқан «илаһлар»ниң Худаниң хәлқигә сотчи болған яки Өз хәлқи арисида һоқуқ-мәсъулийити бар адәмләр екәнлиги төвәндики айәтләрдин көрүлиду. Мәлум җәһәтләрдин, улар Худадәк адәмләр үстидин һөкүм чиқириду; шуниң үчүн улар бу мәсъулийәтниң еғирлиғини убдан чүшиниши керәк. «у илаһлар арисида һөкүм чиқириду» — башқа шәрһчиләр болса «илаһлар» дегәнни йәр йүзидики падиша-һоқуқдарларни көрситиду, дәп қарайду. Музу шәрһчиләр 6-айәттики «силәр илаһлар» дегәнни кинайилик сөз дәп қарайду; чүнки шу дәвирдики падишалардин көп қисми өзлирини «Худа» дәп қарайтти, хәлқидин өзигә ибадәт қилишини тәләп қилатти. Лекин Рәббимизниң «Юһ.» 10:33-36дә ейтқан шәрһи бойичә, бу сөзләр кинайилик сөз әмәс; шуңа жуқуриқи чүшәндүрүшимиз тоғра, дәп қараймиз.

2 — Қачанғичә силәр наһәқ һөкүм чиқирисиләр,

Қачанғичә рәзилләргә йүз-хатирә қилисиләр?

Селаһ.

3 Гадайлар вә житим-йесирларниң дәвасини сораңлар,

Езилгәнләр һәм һаҗәтмәнләргә адаләтни көрситиңлар;□«...житим-йесирларниң дәваси» — ибраний тилида «... атисизларниң дәваси».

4 Мискинләр һәм намратларни қутқузуңлар,

Уларни рәзилләрниң чаңгилидин азат қилиңлар!■Пәнд. 24:11

5 Улар буларни билмәй вә чүшәнмәй зулмәттә кезип жүрмәктә,

Шуңа йәрниң һуллири тәврәнмәктә.

6 Мән ейттим: — «Силәр илаһларсиләр,

Һәммиңлар Һәммидин Алий Болғучиниң оғуллири силәр;

7 Шундақ болсиму силәр инсанға охшаш өлисиләр,

Һәр қандақ әмир-бәккә охшашла жиқилисиләр».□«Шундақ болсиму силәр инсанға охшаш өлисиләр, һәр қандақ әмир-бәккә охшашла жиқилисиләр» — 1-айәт вә униңдики изаһатни көрүң.

8 — Турғин, и Худа, йәр-йүзини сорақ қилғайсән!

Чүнки Сән барлиқ әлләргә варис болғучисән!□«Сән барлиқ әлләргә варис қилисән» — бу сөз бәлким Мәсиһкә ейтилиши мүмкин.  ■Зәб. 2:8; Ибр. 1:2