1-3 Давутниң «Шиггаон»и: — Куш исимлиқ бир Биняминлиқниң сөзлири тоғрилиқ ейтқан күйи: —

И Пәрвәрдигар, мениң Худайим, мән Саңа таяндим;

Улардин бири ширдәк мени титма-титма қиливәтмисун,

Қутқузғучи йоқлуғидин пайдилинип мени езивәтмисун,

Мени барлиқ қоғлиғучилардин қутқузғин,

Улардин халас қилғин;□«Давутниң «Шиггаон»и» — «Шиггаон» бәлким «долқунлуқ», «отлуқ», «ашиқлиқ билән» дегән мәнидә болуп, бу сөз күйниң ейтилидиған аһаңини билдүриду. «Куш исимлиқ бир Биняминлиқниң сөзлири» — «Куш» дегән киши тоғрилиқ башқа хәвиримиз йоқ. Һеч болмиғанда у Давутқа зиянкәшлик қилмақчи болған.

4 И Пәрвәрдигар Худайим, әгәр қолумда қәбиһлик қилған болсам,

Әгәр шундақ қилған болсам: —

5 Әгәр мән билән енақ өткүчигә яманлиқ қайтурған болсам,

— (Әксичә мән билән бекардин-бекар дүшмәнләшкәнниму қутқуздум) —□«... (Әксичә мән билән бекардин-бекар дүшмәнләшкәнниму қутқуздум) —...» — «башқа бир хил тәрҗимиси: «...Яки маңа азар қилғучини бекардин-бекар булиған болсам, ...».

6 — Ундақта, дүшмән мени қоғлап тутувалсун,

У җенимни чәйләп йәр билән йәксан қилсун,

Шөһритимни тупраққа көмсун!

7 И Пәрвәрдигар, ғәзивиң билән орнуңдин турғин,

Мени әзгәнләрниң қәһригә тақабил турушқа қәддиңни руслиғин,

Вә мениң үчүн ойғанғин;

Сән сот вә һөкүмни бекиткән едиңғу!

8 Хәлиқләрдин болған җамаәт әтирапиңға олишиду;

Сән улар үчүн пәләктики орнуңға қайтип барғайсән.□«Сән улар үчүн пәләктики орнуңға қайтип барғайсән» — башқа бир хил тәрҗимиси: «Уларниң үстидин һөкүм сүргин».

9 Пәрвәрдигар хәлиқләрниң үстидин һөкүм чиқириду;

И Пәрвәрдигар, өз һәққанийлиғим бойичә,

Вә өзүмдә болған дуруслиғим бойичә,

Маңа һөкүм чиқарғайсән.

10 Аһ, рәзилләрниң яманлиғи ахирлашсун!

Һәққаний адәмни чиң турғузғайсән;

И, адәм қәлблирини һәм ичлирини синиғучи һәққаний Худа! □«адәм қәлблирини һәм ичлирини синиғучи» — «ичлири» дегән сөз ибраний тилида «бөрәклири» дейилиду.  [e]

11 Мениң қалқиним болса,

Дурус нийәтликләрни қутқузғучи Худадидур;

12 Худа адил сотчидур,

У күн бойи гунадин рәнҗийдиған Илаһтур;

13 Бириси яман йолидин янмиса,

У қиличини биләйду,

Я оқини тартип бәтләп қойиду.

14 Шундақ адәмләр үчүн У өлүм қураллирини тәйярлиди;

У оқлирини көйдүргүчи оқ қилди.

15 Мана, мошундақ кишиләр толғақта қәбиһлик туғмақчи,

Униң бойида қалғини яманлиқтур;

Униң туққини болса сахтилиқтур.[f]

16 У бир орини колап, уни чоңқур қилди;

У өзи колиған ориға жиқилип чүшти.[g]

17 Өзиниң яманлиғи бешиға қайтип келиду,

Өз зораванлиғи болса өз үстигә қайтип чүшиду.

18 Мән Пәрвәрдигарни һәққанийлиғи билән мәдһийәләймән,

Һәммидин жуқури турғучи Пәрвәрдигарниң намини яңритип, күй қилип ейтимән.