1 Әй һәққанийлар, Пәрвәрдигар үчүн тәнтәнә қилиңлар!

Мәдһийиләш дуруслар үчүн гөзәл иштур.[a]

2 Раваб билән Пәрвәрдигарни мәдһийиләңлар;

Онтарға тәңкәш болуп, униңға күйләрни ейтиңлар.□«Раваб билән Пәрвәрдигарни мәдһийиләңлар» — «раваб» бу айәттә һәм Зәбурдики башқа айәтләрдә ишлитилгәндә, «раваб» дегән сөз равабқа охшап кетидиған бир сазни көрситиду. «Онтарға тәңкәш болуп, униңға күйләрни ейтиңлар» — «онтар» он тарлиқ чилтардәк бир саз.

3 Униңға атап йеңи бир мунаҗат-нахшини ейтиңлар;

Маһирлиқ билән челип, авазиңларни жуқури яңритиңлар.[c]

4 Чүнки Пәрвәрдигарниң сөзи бәрһәқтур;

Униң барлиқ ишлири вәдилиригә садақәтликтур.

5 У һәққанийәт һәм адаләтни яхши көргүчидур;

Йәр-зимин Пәрвәрдигарниң меһриванлиғи билән толғандур. [d]

6 Пәрвәрдигарниң сөзи билән асманлар яритилған,

Униң ағзидики нәпәс билән уларниң барлиқ қошунлиримуяритилғандур;□«уларниң (асманларниң) барлиқ қошунлири» — бир тәрәптин қуяш, ай, юлтузларни көрсәтсә, йәнә бир тәрәптин барлиқ пәриштиләрни көрситиду.  [f]

7 У деңиздики суларни бир йәргә жиғип догилайду;

У океанларни амбарлар ичидә сақлап туриду;□«У деңиздики суларни бир йәргә жиғип догилайду» — башқа бир хил тәрҗимиси: «У деңиздики суларни күпләргә жиғиду». «У океанларни амбарлар ичидә сақлап туриду» — бу айәтниң мәнаси сирлиқ болғини билән, Худаниң суларни толуқ идарә қилидиғанлиғини көрсәткәнлигидин һеч қандақ шүбһә йоқ.

8 Пүткүл йәр йүзидикиләр Пәрвәрдигардин әймәнсун;

Дуниядики пүтүн җан егилири Униңдин қорқуп, һөрмәтлисун;

9 Чүнки Униң бир сөзи биләнла иш пүттүрүлгән еди;

Униң бир әмри биләнла дегәнлири бәрпа қилинған еди.

10 Пәрвәрдигар әлләрниң планини тосиветиду;

У қовмларниң хияллирини бекар қиливетиду.[h]

11 Пәрвәрдигарниң несиһәти мәңгүгә туриду;

Қәлбидики ойлири дәвирдин-дәвиргә ишқа ашурулиду.[i]

12 «Пәрвәрдигар бизниң Худайимиздур» дәйдиған қовм бәхитликтур!

Йәни Өз мираси болушқа таллиған хәлиқ бәхитликтур![j]

13 Пәрвәрдигар әрштин йәргә нәзәр салиду,

У пүткүл инсанларни көрүп туриду.

14 Туралғусидин йәр йүзидикиләрниң һәммисигә қарайду;

15 У уларниң һәр бириниң қәлблирини Ясиғучидур;

Уларниң барлиқ ишлирини дәңсәп чиққучидур.

16 Падиша болса қошунлириниң көплүги билән ғалип болалмайду;

Палван өзиниң зор күчи билән өзини қутқузалмайду;

17 Толпарға тайинип хәвп-хәтәрдин қутқузулуш беһудиликтур,

У зор күчи билән һеч кимни қутқузалмайду;

18-19 Мана, уларниң җенини өлүмдин қутқузуш үчүн,

Қәһәтчиликтә уларни һаят сақлаш үчүн,

Пәрвәрдигарниң көзи Өзидин әйминидиғанларниң үстидә туриду,

Өзиниң өзгәрмәс муһәббитигә үмүт бағлиғанларниң үстидә туриду.[k]

20 Бизниң җенимиз Пәрвәрдигарға тәлмүриду;

Бизниң ярдәмчимиз,

Бизниң қалқинимиз У болиду.

21 Шуңа Униң билән қәлбимиз шатлинип кетиду;

Чүнки Униң муқәддәс намиға тайинип ишәндуқ.

22 И Пәрвәрдигар, биз Саңила үмүт бағлиғинимиздәк,

Сениң өзгәрмәс муһәббитиңму үстимиздә болғай!