1 Давут язған күй: —

Пәрвәрдигар мени баққучи Падичимдур,

Муһтаҗ әмәсмән һеч нәрсигә;□«Бу улуқ күй тоғрилиқ изаһат» — Пәләстиндики қойлар билән падичиниң мунасивити наһайити йеқин. У улар билән кечә-күндүз биллә болиду, уларға исим қойиду. Йеңи яйлаққа көчкәндә, падичи қойларниң бешида меңип, уларни чақирип йетәкләйду; уларниң беши тикәнликтә ярилинип қалса, падичи май билән сүрүп «мәсиһ қилиду»; бәзи падичилар һәтта амрақ қойлириға алаһидә қәдәһтин шарап ичуриду.  ■Йәш. 40:11; Йәр. 23:4; Әз. 34:23; Юһ. 10:11; 1Пет. 2:25; Вәһ. 7:17

2 У мени юмран чөпләрдә ятқузуп дәм алдурар;

Тинич ақидиған суларни бойлитип бақиду;

3 У вуҗудумни йеңилайду;

У һәққанийлиқ йолида Өз нами үчүн йетәкләйду;□«У вуҗудумни йеңилайду» — «йеңилайду» ибраний тилида бу сөз «товиға қайтуриду» яки «товва қилдуриду» дегән мәнини өз ичигә алиду.

4 Һәтта мән өлүм сайиси болған җилғидин өтсәмму,

Һеч яманлиқтин қорқмаймән;

Чүнки Сән мән билән биллидурсән;

Сениң һасаң һәм тайиғиң маңа тәсәллидур.■Зәб. 3:7; 117:6

5 Мени хар қилғучиларниң көз алдида маңа кәң дәстихан салисән;

Мениң бешимни май билән мәсиһ қилисән;

Қәдәһим ташиду;

6 Бәрһәқ, барлиқ күнлиримдә яхшилиқ вә өзгәрмәс шәпқәт маңа әгишип һәмраһ болиду;

Мәңгүдин-мәңгүгә Пәрвәрдигарниң дәргаһида яшаймән!□«барлиқ күнлиримдә яхшилиқ вә өзгәрмәс шәпқәт маңа әгишип һәмраһ болиду» —яки «барлиқ күнлиримдә маңа әгишип һәмраһ болған өзгәрмәс шәпқәт немидигән яхши!». «мәңгүдин-мәңгүгә Пәрвәрдигарниң дәргаһида яшаймән!» — «Пәрвәрдигарниң дәргаһи» ибраний тилида «Пәрвәрдигарниң өйидә». Давут бу күйни язғанда Йерусалимдики муқәддәс ибадәтхана техи мәвҗут әмәс еди.