1 Пәрвәрдигарға тәшәккүр ейтиңлар, У меһривандур;

Чүнки Униң муһәббити мәңгүлүктур;

2 Илаһларниң илаһиға тәшәккүр ейтиңлар,

Чүнки Униң муһәббити мәңгүлүктур; ◼«Илаһларниң илаһиға тәшәккүр ейтиңлар» — «илаһлар» тоғрилиқ 95:3 вә изаһатини көрүң.

3 Рәбләрниң Рәббигә тәшәккүр ейтиңлар,

Чүнки Униң муһәббити мәңгүлүктур;

4 Зор карамәтләрни бирдин-бир Жүргүзгүчигә тәшәккүр ейтиңлар,

Чүнки Униң муһәббити мәңгүлүктур;

5 Әқил-парасәт арқилиқ асманларни Ясиғучиға тәшәккүр ейтиңлар,

Чүнки Униң муһәббити мәңгүлүктур; [b]

6 Зиминни сулар үстидә созуп Турғузғучиға тәшәккүр ейтиңлар,

Чүнки Униң муһәббити мәңгүлүктур; [c]

7 Улуқ нур җисимлирини Ясиғучиға тәшәккүр ейтиңлар,

Чүнки Униң муһәббити мәңгүлүктур; [d]

8 Күндүзни башқуридиған қуяшни Ясиғучиға тәшәккүр ейтиңлар,

Чүнки Униң муһәббити мәңгүлүктур; [e]

9 Кечини башқуридиған ай һәм юлтузларни Ясиғучиға тәшәккүр ейтиңлар,

Чүнки Униң муһәббити мәңгүлүктур;

10 Уларниң тунҗилирини уруп, Мисирға зәрб бәргүчигә тәшәккүр ейтиңлар,

Чүнки Униң муһәббити мәңгүлүктур; [f]

11 Исраилни улар арисидин чиқарғучиға тәшәккүр ейтиңлар,

Чүнки Униң муһәббити мәңгүлүктур; [g]

12 Күчлүк қол һәм узатқан биләк билән уларни Чиқарғучиға тәшәккүр ейтиңлар,

Чүнки Униң муһәббити мәңгүлүктур; [h]

13 Қизил Деңизни бөләк-бөләк Бөлгүчигә тәшәккүр ейтиңлар,

Чүнки Униң муһәббити мәңгүлүктур; [i]

14 Һәм Исраилни униң оттурисидин Өткүзгүчигә тәшәккүр ейтиңлар,

Чүнки Униң муһәббити мәңгүлүктур;

15 Қизил Деңизда Пирәвнни қошунлири билән сүпүрүп ташлиғучиға тәшәккүр ейтиңлар,

Чүнки Униң муһәббити мәңгүлүктур; [j]

16 Өз хәлқини чөл-баявандин Йетәклигүчигә тәшәккүр ейтиңлар,

Чүнки Униң муһәббити мәңгүлүктур; [k]

17 Бүйүк падишаларни Урувәткүчигә тәшәккүр ейтиңлар,

Чүнки Униң муһәббити мәңгүлүктур; [l]

18 Һәм мәшһур падишаларни Өлтүргүчигә тәшәккүр ейтиңлар,

Чүнки Униң муһәббити мәңгүлүктур;

19 Җүмлидин Аморийларниң падишаси Сиһонни Өлтүргүчигә тәшәккүр ейтиңлар,

Чүнки Униң муһәббити мәңгүлүктур;

20 — Һәм Башан падишаси Огни Өлтүргүчигә тәшәккүр ейтиңлар,

Чүнки Униң муһәббити мәңгүлүктур; [m]

21 Уларниң зиминини мирас үчүн Бәргүчигә тәшәккүр ейтиңлар,

Чүнки Униң муһәббити мәңгүлүктур; [n]

22 Буни бәндиси Исраилға мирас қилип бәргүчигә тәшәккүр ейтиңлар,

Чүнки Униң муһәббити мәңгүлүктур;

23 Һалимиз харап әһвалда, бизләрни Әслигүчигә тәшәккүр ейтиңлар,

Чүнки Униң муһәббити мәңгүлүктур;

24 Бизни әзгәнләрдин Қутулдурғучиға тәшәккүр ейтиңлар,

Чүнки Униң муһәббити мәңгүлүктур; ◼«Қутулдурғучи» — ибраний тилида «Жиртип чиққучи».  [p]

25 Барлиқ әт егилиригә озуқ Бәргүчигә тәшәккүр ейтиңлар,

Чүнки Униң муһәббити мәңгүлүктур;

26 Әршләрдики Тәңригә тәшәккүр ейтиңлар,

Чүнки Униң муһәббити мәңгүлүктур!