1 Пәзиләтлик йолда маңған кәмбәғәл,

Һейлигәр сөзлүк ахмақтин яхшидур.[a]

2 Йәнә, ғәйрити бар киши билимсиз болса болмас;

Алдираңғу йолдин чиқар.□«болмас» — ибраний тилида «яхши әмәс». «Алдираңғу йолдин чиқар» — ибраний тилида «Аяқлирини алдиратқучи киши хата қәдәм басар».

3 Кишиниң ахмақлиғи өз йолини астин-үстин қиливетәр;

Шундақ туруқлуқ у көңлидә Пәрвәрдигардин рәнҗип ағринар.[c]

4 Байлиқ достни көп қилар;

Мискинләр бар достидинму айрилип қалар.[d]

5 Ялған гувалиқ қилған җазаланмай қалмас;

Ялған ейтқучиму җазадин қутулалмас.□«Ялған ейтқучи...» — ибраний тилида «Ялған (сөз) пүвлигүчи....»  [f]

6 Тола адәм сехийдин илтипат көзләр;

Соғат берип турғучиға һәммә киши досттур.□«Тола адәм сехийдин илтипат көзләр...» — яки «Тола адәм әмирдин илтипат көзләр...».

7 Намратлашқандин қериндашлириму зерикәр;

Униң достлири техиму жирақ қачар;

Ялвуруп қоғлисиму, улар тепилмас.[h]

8 Пәм-парасәткә еришкүчи өзигә көйүнәр;

Нурни сақлиған кишиниң бәхити болар.

9 Ялған гувалиқ қилған җазаланмай қалмас;

Ялған ейтқучиму һалак болар.□«Ялған ейтқучи...» — ибраний тилида «Ялған (сөз) пүвлигүчи...».

10 Һәшәмәтлик турмуш ахмаққа ярашмас;

Қулниң әмәлдарлар үстидин һөкүм сүрүши техиму қамлашмас.[j]

11 Данишмәнлик егисини асанлиқчә аччиқланмайдиған қилар;

Хаталиқни йопутуп кәчүрүш униң шөһритидур.

12 Падишаһниң ғәзиви ширниң һувлишиға охшаш дәһшәтлик болар;

Униң шәпқити юмран от-чөпкә чүшкән шәбнәмдәк шериндур.[k]

13 Ахмақ оғул атиси үчүн балайиқазадур;

Урушқақ хотунниң зарлашлири тохтимай темип чүшкән тамчә-тамчә йеғинға охшаштур.[l]

14 Өй билән мал-мүлүк ата-бовилардин мирастур;

Бирақ пәм-парасәтлик хотун Пәрвәрдигарниң илтипатидиндур.[m]

15 Һорунлуқ кишини ғәпләт уйқиға ғәриқ қилар;

Бекар тәләп ачарчилиқниң дәрдини тартар.[n]

16 Пәрвәрдигарниң әмригә әмәл қилған киши өз җенини сақлар;

Өз йоллиридин һези болмиған киши өләр.□«Өз йоллиридин һези болмиған киши өләр» — яки «Униң (демәк, Пәрвәрдигарниң) йоллирини кәмситкән киши өләр».  [p]

17 Кәмбәғәлләргә рәһимдиллиқ қилған,

Пәрвәрдигарға қәриз бәргән билән баравәрдур;

Униң шәпқитини Пәрвәрдигар қайтурар.

18 Пәрзәнтиңниң тәрбийини қобул қилишиға үмүтвар болуп,

Уни җазалап тәрбийә берип турғин;

Лекин уни өлгичә хар болсун дегүчи болма.□«Лекин уни өлгичә хар болсун дегүчи болма» — башқа бир хил тәрҗимиси: «....бирақ униң жиға-зерәлириға қулақ салма».  [r]

19 Қәһрлик киши җаза тартар;

Уни қутқузмақчи болсаң, қайта-қайта қутқузушуң керәк.

20 Несиһәтни аңлиғин, тәрбийәни қобул қилғин,

Ундақ қилғанда кейинки күнлириңдә дана болисән.

21 Кишиниң көңлидә нурғун нийәтләр бар;

Ахирида пәқәт Пәрвәрдигарниң далаләт-һидайитидин чиққан иш ақар.[s]

22 Кишиниң йеқимлиғи униң меһир-муһәббитидиндур;

Мискин болуш ялғанчилиқтин яхшидур.

23 Пәрвәрдигардин әйминиш кишини һаятқа ериштүрәр;

У киши хатирҗәм, тоқ яшап, балайиқаза чүшүрүлүшидин халий болар.[t]

24 Һорун қолини сунуп қачиға тиққини билән,

Ғизани ағзиға селишқиму һорунлуқ қилар.[u]

25 Һакавурға қилинған таяқ җазаси саддиға қилинған ибрәттур;

Йорутулған кишигә берилгән тәнбиһ,

Униң билимини техиму зиядә қилар.[v]

26 Атисиниң мелини булиған,

Анисини өйидин һайдап чиқарған,

Рәсвалиқ, иза-аһанәт қалдурғучи оғулдур.

27 И оғул, несиһәткә қулиқиңни юпурувалсаң,

Әқилниң тәлимлиридин жирақлашқиниңдур.□«И оғул, ... әқилниң тәлимлиридин жирақлашқиниңдур» — башқа бир хил тәрҗимиси: «И оғлум, әқилниң тәлимлиридин жирақлаштуридиған сөзләрни аңлаштин өзүңни тарт!».

28 Пәскәш гувачи адаләтни мазақ қилғучидур;

Яман адәмниң ағзи рәзилликни жутар.□«Пәскәш гувачи» — ибраний тилида: «Белиалниң (Иблисниң) гувачиси».

29 Һакавурлар үчүн җазалар тәйярдур,

Ахмақларниң дүмбисигә уридиған қамча тәйярдур.□«Һакавурлар» — яки «Мәсқирә қилғучилар».