1 Бирақ Пәрвәрдигар Юнусни жутувелишқа йоған бир белиқни әвәткән еди. Юнус болса бу белиқниң қарнида үч кечә-күндүз турди.□«Йоған бир белиқ» - «юнус белиғи» бәлким бу иштин қоюлған намдур. Бирақ «юнус белиғи» (инсанларға амрақ болғини билән) адәмни жутқидәк чоңлуқта йоқ.  [b]

2 Юнус белиқниң қарнида туруп Пәрвәрдигарға мундақ дуа қилди: —

3 «Мән дәрд-әлимимдин Пәрвәрдигарға пәряд көтәрдум,

У маңа иҗабәт қилди.

Мән тәһтисараниң тәктидин пәряд қилдим,

Сән авазимға қулақ салдиң.□«Тәһтисара» — (ибраний тилида «шеол») «йәр астидики сарай» (йәни, «тәкт сарайи»), өлгәнләрниң роһлири баридиған, қиямәт күнини күтидиған җайни көрситиду. Юнус өзини өлүп, тәһтисараға чүшкәндәк һес қилиду. Йәнә бир мүмкинчилиги барки, у белиқ қарнида һәқиқәтән өлгән, андин Худа уни (белиқниң ағзидин чиққанда) тирилдүргән.  [d]

4 Чүнки Сән мени деңиз тәктигә, деңиз қарниға ташливәттиң,

Кәлкүн еқинлири мени арисиға еливалди,

Сениң барлиқ долқунлириң һәм өркәшлириң үстүмдин өтүп кәтти;[e]

5 Вә мән: «Мән нәзириңдин ташливетилгәнмән;

Бирақ мән йәнила муқәддәс ибадәтханаңға қарап үмүт билән тәлмүримән» — дедим.□«Бирақ мән ... тәлмүримән» — башка бир хил тәрҗимиси: «Мән қандақму муқәддәс ибадәтханаңға үмүт билән тәлмүрәп қараймән?».

6 Сулар мени жутуп кәткидәк дәриҗидә оривалди,

Деңиз тәкти мени қапсивалди;

Деңиз чөплири бешимға чирмишивалди.

7 Мән тағларниң тәглиригичә чүшүп кәттим;

Йәр-зимин тегидики тақақлар мени әбәдил-әбәткичә қамап қойди;

Һалбуки, Сән җенимни һаң ичидин чиқардиң, и Пәрвәрдигар Худайим.

8 Җеним ичимдә һалидин кәткәндә Пәрвәрдигарни есимгә кәлтүрдум,

Дуайим Саңа йетип,

Муқәддәс ибадәтханаңға кирип кәлди.

9 Бемәна әрзимәс бутларға чоқунғанлар өзигә несип болған меһриванлиқтин мәһрум болиду.

10 Бирақ мән болсам тәшәккүр садайим билән Саңа қурбанлиқ қилимән;

Мән ичкән қәсәмлиримни Сениң алдиңда ада қилимән.

Ниҗат-қутқузуш Пәрвәрдигардиндур!»[g]

11 Пәрвәрдигар белиққа буйруди, белиқ Юнусни қуруқлуққа қәй қилди.