1 Қени, илтиҗа қилип бақ, саңа җавап қилғучи бармекин?

Муқәддәсләрниң қайсисидин панаһ тиләйсән?□ «Муқәддәсләр» — мошу йәрдә бәлким муқәддәс пәриштиләрни көрситиду.

2 Чүнки ахмақниң аччиғи өзини өлтүриду,

Қәһри наданниң җениға замин болиду.□ «Қәһри наданниң җениға замин болиду» — яки «Көрмәслиги наданниң җениға замин болиду».
Елифазниң бу сөзиниң мәнаси: Аюпниң аччиқлинип, Худаға қақшиши хәтәрлик иш; Худа униңға җавап кәлмигән йәрдә, Худа вә инсанниң арилиғида туридиған бир «келиштүргүчи»динму ярдәм тиләш пүтүнләй беһудә иш, дегәнлик болуши мүмкин.

3 Мән өз көзүм билән ахмақниң йилтиз тартқанлиғини көргәнмән;

Лекин шу һаман униң маканини «Ләнәткә учрайду!» дәп билдим,□ «Лекин шу һаман униң маканини «ләнәткә учрайду!» дәп билдим» — башқа бир хил тәрҗимиси: «Лекин мән дәрһал униң маканиға ләнәт оқудум».

4 Униң балилири аманлиқтин жирақтур;

Улар шәһәр дәрвазисида сот қилинғанда бастурулди;

Уларға һеч ким һимайичи болмайду.

5 Униң һосулини ачлар йәп түгитиду;

Улар һәтта тикән арисида қалғанлириниму елип түгитиду;

Қилтақчиму униң мал-мүлүклирини жутувелишқа тәйяр туриду.

6 Чүнки аваричилик әзәлдин топидин үнүп чиқмайду,

Күлпәтму йәрдин өсүп чиққанму әмәс.

7 Бирақ учқун жуқуриға учидиғандәк,

Инсан күлпәт тартишқа туғулғандур.□ «Инсан күлпәт тартишқа туғулғандур» — яки «Инсан җапа тартишқиму туғулғандур». Кириш сөзимиздә ейтқинимиздәк, оқурмәнләрниң есидә болсунки, Аюпниң үч достиниң бәргән пикирлиридә хелә көп хаталиқ йәрлири бар. Кейин Худа шу хата гәплири үчүн уларни әйипләйду. 42:7-9ни көрүң.

8 Орнуңда мән болсам, Тәңриғила мураҗиәт қилаттим,

Мән ишимни Худайимғила тапшуриветәттим.

9 У һесапсиз карамәтләрни,

Сан-санақсиз мөҗизиләрни яритиду.[e]

10 У йәргә ямғур тәқдим қилиду;

У дала үстигә су әвәтип бериду.[f]

11 У пәс орунда туридиғанларниң мәртивисини үстүн қилиду;

Матәм тутқанлар аманлиққа көтирилиду.[g]

12 У һейлигәрләрниң нийәтлирини бекар қиливетиду,

Нәтиҗидә улар ишини пүттүрәлмәйду.□ «У һейлигәрләрниң нийәтлирини бекар қиливетиду, нәтиҗидә улар ишини пүттүрәлмәйду» — бу айәт Инҗилда («1Кор.» 1:19) расул Павлус тәрипидин нәқил кәлтүрүлгән, шуңа шүбһисизки уни тоғра дәп билимиз.  [~9~]

13 У мәккарларни өз һейлигәрлигидин қапқанқа алиду;

Әгирләрниң нәйрәңлири еқитип кетилиду.□ «У мәккарларни өз һейлигәрлигидин қапқанқа алиду» — Елифазниң бу җүмлисиму Инҗилда («1Кор.» 3:19) расул Павлус тәрипидин нәқил кәлтүрүлгән, шуңа шүбһисизки униму тоғра дәп билимиз.  [~11~]

14 Күндүздә улар қараңғулуққа учрайду;

Чүштә түн кечидәк силаштуруп маңиду.[~12~]

15 Бирақ у мискинләрни мәккарларниң қиличи вә ағзидин қутқузиду,

Уларни күчлүкләрниң чаңгилидин қудрәтлик қоли билән қутқузиду.

16 Шуңа, аҗизлар үчүн үмүт туғулиду,

Қәбиһлик ағзини юмиду.[~13~]

17 Қара, Тәңри ибрәт бәргән адәм бәхитликтур,

Шуңа, Һәммигә Қадирниң тәрбийисигә сәл қарима җуму![~14~]

18 Чүнки У адәмни яриландуриду, андин ярини таңиду;

У санҗийду, бирақ Униң қоллири йәнә сақайтиду.[~15~]

19 У сени алтә қийинчилиқтин қутқузиду;

Һәтта йәттә күлпәттә һеч қандақ яманлиқ саңа тәгмәйду.□ «... алтә қийинчилиқ... йәттә күлпәттә ... » — бу «алтә... йәттә...» дегән ибарә «һәр хил..., һәр қандақ...» дегәнни билдүриду.  [~17~]

20 Ачарчилиқта У сениң үлүмиңгә,

Урушта У саңа урулған қилич зәрбисигә ниҗаткар болиду.

21 Сән зәһәрлик тилларниң зәрбисидиму башпанаһлиқ ичигә йошурунисән,

Вәйранчилиқ кәлгәндә униңдин һеч қорқмайдиған болисән.

22 Вәйранчилиқ вә қәһәтчилик алдида күлүпла қойисән;

Йәр йүзидики һайванлардинму һеч қорқмайсән.

23 Сән даладики ташлар билән әһдидаш болисән;

Явайи һайванларму сән билән енақ өтиду.[~18~]

24 Сән чедириңниң теч-аманлиқта болидиғанлиғини билип йетисән;

Мал-мүлкүңни едитлисәң, һәммә немәңниң тәл екәнлигини байқайсән.

25 Нәслиң көп болидиғанлиғини,

Пәрзәнтлириңниң от-чөптәк көп екәнлигини билисән.□ «Нәслиң көп болидиғанлиғини, пәрзәнтлириңниң от-чөптәк көп екәнлигини билисән» — Елифаз Аюпниң он балисидин һәм барлиқ мал-мүлкидин айрилип қалғанлиғини пүтүнләй есидин чиқирип қойғандәк қилатти.

26 Сән өз вақтидила йетилип жиғилған бир бағ буғдайдәк,

Пәқәт вақит-саитиң пишип йетилгәндила йәрлигиңгә кирисән.

27 Биз өзимиз буни тәкшүрүп көргәнмиз — улар һәқиқәтән шундақтур.

Шуңа өзүң аңлап бил, буларни өзүңгә тәтбиқлап ойлап бақ».