Амос

Амос пәйғәмбәрниң бешарәтлири

1 Уззия Йәһудаға, Йоашниң оғли Йәробоам Исраилға падиша болған вақитларда, йәр тәврәштин икки жил илгири, Тәкоадики чарвичилар арисидики Амосниң Исраил тоғрилиқ ейтқан сөзлири: — □ ■

2 У: «Пәрвәрдигар Зион теғидин һөкирәйду,

Йерусалимдин авазини қоюветиду;

Падичиларниң отлақлири матәм тутиду,

Кармәл чоққиси ғазаңлишиду» — деди.□ ■

Худаниң Исраилға хошна қовмлар үстидин һөкүми •••• Сурийә һәққидә

3 Пәрвәрдигар мундақ дәйду: —

«Дәмәшқниң үч гунайи, бәрһәқ төрт гунайи үчүн, униңға чүшидиған җазани яндурмаймән,

Чүнки улар Гилеадтикиләрни төмүр тирнилиқ сөрәмләр билән соққан еди;□

4 Шундақла Һазаәлниң өйигә бир от әвәтимән,

У Бән-Һададниң ордилирини жутувалиду.□

5 Дәмәшқ дәрвазисидики төмүр балдақни сундуриветимән,

Авән җилғисида турғучини, Бәйт-Едәндә шаһанә һасисини тутқучини үзүп ташлаймән;

Сурийәниң хәлқи әсиргә чүшүп кирға елип кетилиду, — дәйду Пәрвәрдигар.□ ■

Филистийә һәққидә

6 Пәрвәрдигар мундақ дәйду: —

«Газа шәһириниң үч гунайи, бәрһәқ төрт гунайи үчүн, униңға чүшидиған җазани яндурмаймән,

Чүнки улар Едомға тапшуруп беришкә, барлиқ тутқунларни әсир қилип елип кәтти.□ ■

7 Һәм Мән Газаниң сепилиға от әвәтимән,

У униң ордилирини жутувалиду;

8 Мән Ашдодта турғучини, Ашкелонда шаһанә һасини тутқучини үзүп ташлаймән,

Әкрон шәһиригә қарши қол көтиримән;

Филистийләрниң қалдуғи йоқилиду, — дәйду Рәб Пәрвәрдигар.

Тур шәһири һәққидә

9 Пәрвәрдигар мундақ дәйду: —

«Турниң үч гунайи, бәрһәқ төрт гунайи үчүн, униңға чүшидиған җазани яндурмаймән,

Чүнки улар барлиқ тутқунларни Едомға тапшурувәтти,

Шундақла қериндашлиқ әһдисини есигә алмиди.□

10 Һәм Мән Турниң сепилиға от әвәтимән,

От униң ордилирини жутувалиду.

Едом һәққидә

11 Пәрвәрдигар мундақ дәйду: —

«Едомниң үч гунайи, бәрһәқ төрт гунайи үчүн, униңға чүшидиған җазани яндурмаймән,

Чүнки у барлиқ рәһим-шәпқәтни ташливетип,

Қилич билән өз қериндишини қоғлиған;

У йирилғидәк ғәзәптә болуп,

Дәрғәзиптә болған һалитини һемишә сақлайду;□

12 Һәм Мән Теман шәһиригә от әвәтимән,

От Бозраһниң ордилирини жутувалиду».

Аммонийлар һәққидә

13 Пәрвәрдигар мундақ дәйду: —

«Аммонниң үч гунайи, бәрһәқ төрт гунайи үчүн, униңға чүшидиған җазани яндурмаймән,

Чүнки улар чегаримизни кеңәйтимиз дәп, Гилеадтики һамилдар аялларниң қосақлирини йеривәтти.□

14 Һәм Мән Раббаһниң сепилиға от яқимән,

Җәң күнидә қия-чиялар ичидә,

Қара қуюнниң күнидә қаттиқ боран ичидә,

От униң ордилирини жутувалиду;

15 Һәм уларниң падишаси әсиргә чүшиду,

— У әмирлири билән биллә әсиргә чүшиду, — дәйду Пәрвәрдигар.

a «Амосниң Исраил тоғрилиқ ейтқан сөзлири» — адәттә бу китапта «Исраил» Исраилниң «шималий падишалиғи»ни көрситиду. Амос Йәһуданиң Тәкоа йезисидин болғини билән йәткүзидиған бешарәтлириниң көпинчиси «шималий падишалиқ» тоғрилиқтур.

■1:1 Зәк. 14:5
c «Пәрвәрдигар Зион теғидин һөкирәйду, Йерусалимдин авазини қоюветиду» — бу бешарәт йәр тәврәшни көрсәтсә керәк. «Кармәл» болса Исраилда һөл-йеғин әң көп болидиған җай; у «ғазаңлашқан» болса, башқа җайлар техиму шундақ болатти.

■1:2 Йәр. 25:30; Йо. 3:16
e «улар (Сурийәликләр) Гилеадтикиләрни төмүр тирнилиқ сөрәмләр билән соққан еди» — «2Пад.» 10:32-33, 13:3-5-айәттә Гилеадтикиләрниң Сурийә тәрипидин тартқан азап-оқубәтлири хатириләнгән; мошу айәттә тилға елинғини шу бозәк қилинишни көрсәтсә керәк.
f «Һазаәл» — Дәмәшқ падишаси болуп, «Бән-Һадад» униң оғли еди.
g «Авән җилғисида турғучини» — башқа бир хил тәрҗимиси: «Рәзиллик җилғисида турғучи» — демәк, йәни Дәмәшқниң падишасини ипадиләйду. «Сурийәниң хәлқи әсиргә чүшүп кирға елип кетилиду» — «Кир» Месопотамийә (һазирқи ирақ)дики бир жут. Сурийәликләр әслидә шу җайдин чиққан еди (9:7-айәтни көрүң).

■1:5 2Пад. 16:9; Йәш. 17:1-11; Йәр. 49:23-27
i «Чүнки улар Едомға тапшуруп беришкә, барлиқ тутқунларни әсир қилип елип кәтти» — «тутқунлар» Исраилдин яки Йәһудадин тутқун қилинған бир түркүм кишиләр болса керәк. Қариғанда Газаниң (йәни Филистийләрниң) мәхсити Исраиллардин өч елиш еди.

■1:6 2Тар. 21:16, 17; 28:18
~11~ «Чүнки улар барлиқ тутқунларни Едомға тапшурувәтти, шундақла қериндашлиқ әһдисини есигә алмиди» — бу «тутқунлар» бәлким йәнә Исраилдин кәлгән болуши мүмкин. «Әһдә» — Сулайман падиша әсли Турниң падишаси билән әһдә түзгән еди. Бирақ тутқунларниң нәдин келиши, Турниң ким билән әһдә түзгәнлиги анчә муһим әмәс; муһими, Худа уларни вәдисидә турмаслиқтәк виҗдансизлиғи үчүн җазалайду.
~12~ «У йирилғидәк ғәзәптә болуп,...» — башқа бир хил тәрҗимиси: «У ғәзәп билән һемишә адәмләрни житиветип,...».
~13~ «Чүнки у чегаримизни кеңәйтимиз дәп, Гилеадтики һамилдар аялларниң қосақлирини йеривәтти» — улар Гилеадта туруватқан башқиларниму өлтүргән, әлвәттә. Бирақ уларниң бу әҗайип рәһимсизликниң мәхсити, уларға қайтурма зәрбә бәргидәк һеч адәм, һәтта бовақларниңму қалмаслиғи үчүн еди. Бабилниң падишаси Небоқаднәсар миладийәдин илгәрки 582-жили Раббаһ шәһирини вәйран қиливәтти.