96
96-كۈي •••• ئالەم ئىگىسى كېلىدۇ!
1 پەرۋەردىگارغا ئاتاپ يېڭى ناخشا ئېيتىڭلار!
پۈتكۈل يەر يۈزى، پەرۋەردىگارنى كۈيلەڭلار!■1تار. 16:23-33
2 پەرۋەردىگارغا ناخشا ئېيتىڭلار، نامىغا تەشەككۈر-مەدھىيە قايتۇرۇڭلار،
نىجاتلىقىنى ھەر كۈنى ئېلان قىلىڭلار!
3 ئۇنىڭ شان-شۆھرىتىنى ئەللەر ئارىسىدا،
ئۇنىڭ مۆجىزىلىرىنى بارلىق خەلقلەر ئارىسىدا جاكارلاڭلار!
4 چۈنكى پەرۋەردىگار ئۇلۇغ، زور مەدھىيەلەرگە لايىقتۇر!
ئۇ بارلىق ئىلاھلاردىن ئۈستۈن، ئۇنىڭدىن قورقۇش كېرەكتۇر؛□«ئۇنىڭدىن قورقۇش كېرەكتۇر» ــ ياكى «ئۇ دەھشەتلىك-قورقۇنچلۇقتۇر».
5 چۈنكى بارلىق خەلقلەرنىڭ ئىلاھلىرى ــ بۇتلار خالاس،
بىراق پەرۋەردىگار ئاسمان-پەلەكنى ياراتقاندۇر.□«... بارلىق خەلقلەرنىڭ ئىلاھلىرى ــ بۇتلار خالاس» ــ «بۇتلار» ئىبرانىي تىلىدا «ئەرزىمەسلەر».
6 شانۇ-شەۋكەت ۋە ھەيۋەت ئۇنىڭ ئالدىدا،
مۇقەددەس جايىدا قۇدرەت ۋە گۈزەللىك كۆرۈنىدۇ.
7 پەرۋەردىگارغا تەئەللۇقىنى بەرگەيسىلەر، ئى ئەل-قەبىلىلەر،
پەرۋەردىگارغا شان-شۆھرەت ۋە قۇدرەتنى بەرگەيسىلەر!□«پەرۋەردىگارغا شان-شۆھرەت ۋە قۇدرەتنى بەرگەيسىلەر!» ــ مۇشۇ سۆزلەر بەلكىم شۇنى بىلدۈرىدۇكى، خۇداغا ئۆزىگە لايىق شان-شەرەپ كەلتۈرسەك، بۇ قىلغىنىمىز ئۇنىڭغا بىز ئارقىلىق ئۆز كۈچ-قۇدرىتىنى تېخىمۇ كۆرسىتىش ئىمكانىيىتىنى يارىتىدۇ.
8 پەرۋەردىگارغا ئۆز نامىغا لايىق شان-شۆھرەتنى بەرگەيسىلەر؛
سوۋغا-سالام ئېلىپ ھويلىلىرىغا كىرىڭلار!
9 پەرۋەردىگارغا پاك-مۇقەددەسلىكنىڭ گۈزەللىكىدە سەجدە قىلىڭلار؛
پۈتكۈل يەر-يۈزى، ئۇنىڭ ئالدىدا تىترەڭلار!□«... پاك-مۇقەددەسلىكنىڭ گۈزەللىكىدە سەجدە قىلىڭلار» ــ ياكى «... پاك-مۇقەددەس ئېگىنلەرنى كىيىپ سەجدە قىلىڭلار». ■زەب. 29:2
10 ئەللەر ئارىسىدا ئېلان قىلىڭلار: ــ
«پەرۋەردىگار ھۆكۈم سۈرىدۇ!
شۇڭا مانا، دۇنيا مەزمۇت قىلىنغان، ئۇ تەۋرەنمەس ئەسلا.
ئۇ ئادىللىق بىلەن خەلقلەر ئۈستىدە ھۆكۈم چىقىرىدۇ.
11 ئاسمانلار شادلانسۇن، يەر-جاھان خۇش بولسۇن،
دېڭىز-ئوكيان ۋە ئۇنىڭغا تولغان ھەممە چۇقان سېلىپ جۇش ئۇرسۇن!
12 13 دالالار ھەم ئۇلاردىكى ھەممە يايرىسۇن!
ئۇ چاغدا ئورماندىكى پۈتكۈل دەرەخلەر پەرۋەردىگار ئالدىدا ياڭرىتىپ ناخشا ئېيتىدۇ؛
چۈنكى مانا، ئۇ كېلىدۇ!
ئۇ جاھاننى سوراق قىلىشقا كېلىدۇ؛
ئۇ ئالەمنى ئادىللىق بىلەن،
خەلقلەرنى ئۆز ھەقىقەت-ساداقىتىدە سوراق قىلىدۇ.■زەب. 98:7-8؛ ۋەھ. 19:11
- زەبۇر
- b «ئۇنىڭدىن قورقۇش كېرەكتۇر» ــ ياكى «ئۇ دەھشەتلىك-قورقۇنچلۇقتۇر».
- c «... بارلىق خەلقلەرنىڭ ئىلاھلىرى ــ بۇتلار خالاس» ــ «بۇتلار» ئىبرانىي تىلىدا «ئەرزىمەسلەر».
- d «پەرۋەردىگارغا شان-شۆھرەت ۋە قۇدرەتنى بەرگەيسىلەر!» ــ مۇشۇ سۆزلەر بەلكىم شۇنى بىلدۈرىدۇكى، خۇداغا ئۆزىگە لايىق شان-شەرەپ كەلتۈرسەك، بۇ قىلغىنىمىز ئۇنىڭغا بىز ئارقىلىق ئۆز كۈچ-قۇدرىتىنى تېخىمۇ كۆرسىتىش ئىمكانىيىتىنى يارىتىدۇ.
- ~5~ «... پاك-مۇقەددەسلىكنىڭ گۈزەللىكىدە سەجدە قىلىڭلار» ــ ياكى «... پاك-مۇقەددەس ئېگىنلەرنى كىيىپ سەجدە قىلىڭلار».
■96:9 زەب. 29:2
■96:12 زەب. 98:7-8؛ ۋەھ. 19:11
■96:1
-
1تار. 16:23-33