103
103-كۈي •••• «خۇدانىڭ مېھرىبانلىقىغا تەشەككۈر ئېيتىش»
1 داۋۇت يازغان كۈي: ــ
پەرۋەردىگارغا تەشەككۈر قايتۇر، ئى جېنىم؛
ئى پۈتۈن ۋۇجۇدۇم، ئۇنىڭ مۇقەددەس نامىغا تەشەككۈر قايتۇر!
2 پەرۋەردىگارغا تەشەككۈر قايتۇر، ئى جېنىم،
ئۇنتۇما ئۇنىڭ بارلىق مېھرىمبانلىق-بەرىكەتلىرىنى؛
3 ئۇ پۈتكۈل قەبىھلىكلىرىڭنى كەچۈرىدۇ،
بارلىق كېسەللىرىڭگە داۋا قىلىدۇ؛
4 ھاياتىڭنى ھاڭدىن ھۆرلۈككە قۇتقۇزىدۇ،
بېشىڭغا مېھىر-مۇھەببەت ھەم رەھىمدىللىقلارنى تاج قىلىپ كىيگۈزىدۇ.
5 كۆڭلۈڭنى نازۇنېمەتلەر بىلەن قاندۇرىدۇ؛
ياشلىقىڭ بۈركۈتنىڭكىدەك يېڭىلىنىدۇ.□«كۆڭلۈڭنى نازۇنېمەتلەر بىلەن قاندۇرىدۇ» ــ باشقا بىرنەچچە خىل تەرجىمىلىرى ئارىسىدا «يىللىرىڭنى نازۇنېمەتلەر بىلەن قاندۇرىدۇ» دېيىلىدۇ.
6 پەرۋەردىگار بارلىق ئېزىلگەنلەر ئۈچۈن ھەققانىيلىق ھەم ئادالەتنى يۈرگۈزىدۇ؛
7 ئۇ ئۆز يوللىرىنى مۇساغا،
قىلغانلىرىنى ئىسرائىللارغا نامايان قىلغان.
8 پەرۋەردىگار رەھىمدىل ۋە شەپقەتلىكتۇر،
ئۇ ئاسانلىقچە ئاچچىقلانمايدۇ،
ئۇنىڭ مېھىر-مۇھەببىتى تېشىپ تۇرىدۇ.■مىس. 34:6؛ چۆل. 14:18؛ قان. 5:10؛ نەھ. 9:17؛ زەب. 86:15؛ 145:8؛ يەر. 32:18
9 ئۇ ئۇزۇنغىچە ئەيىبلەۋەرمەيدۇ،
ياكى تا مەڭگۈگە غەزىپىدە تۇرىۋەرمەيدۇ.■يەش. 57:16؛ يەش. 3:5
10 ئۇ بىزگە گۇناھلىرىمىزغا قارىتا مۇئامىلىدە بولغان ئەمەس،
بىزگە قەبىھلىكلىرىمىزگە قارىتا تېگىشلىكىنى ياندۇرغان ئەمەس.
11 ئاسمان يەردىن قانچىلىك ئېگىز بولسا،
ئۇنىڭدىن قورقىدىغانلارغا بولغان مۇھەببىتىمۇ شۇنچىلىك زوردۈر.
12 شەرق غەربتىن قانچىلىك يىراقتا بولسا،
بىزدىكى ئاسىيلىقلارنىمۇ شۇنچە يىراقلاشتۇردى.
13 ئاتا بالىلىرىغا قانداق كۆيۈنگەن بولسا،
پەرۋەردىگارمۇ ئۆزىدىن قورقىدىغانلارغا شۇنداق مېھرىباندۇر.
14 چۈنكى ئۇ ئۆزى بىزنىڭ جىسمىمىزنى بىلىدۇ،
تۇپراقتىن ئىكەنلىكىمىزنى ئۇ ئېسىگە ئالىدۇ.
15 ئىنسان بولسا ــ ئۇنىڭ كۈنلىرى ئوت-چۆپكە ئوخشايدۇ،
دالادىكى گۈلدەك ئۈنۈپ چىقىپ چېچەكلەيدۇ؛■ئايۇپ 14:1، 2؛ زەب. 90:5، 6؛ ياق. 1:10، 11؛ 1پېت. 1:24
16 ئۇنىڭ ئۈستىدىن شامال ئۇچۇپ ئۆتىدۇ،
ئۇ يوق بولىدۇ، ئەسلىي ماكانىمۇ ئۇنى قايتا تونۇمايدۇ.
17-18 لېكىن ئۆزىدىن قورقىدىغانلارغا،
ئۆز ئەھدىسىگە ۋاپا قىلغانلارغا،
كۆرسەتمىلىرىنى ئورۇنلاش ئۈچۈن ئۇلارنى ئېسىدە تۇتقانلارغا،
پەرۋەردىگارنىڭ مېھىر-مۇھەببىتى ئەزەلدىن ئەبەدگىچە،
ھەققانىيىتى ئەۋلادتىن ئەۋلادلىرىگىچىدۇر.■قان. 7:9
19 پەرۋەردىگار تەختىنى ئەرشتە قۇرغان،
ئۇنىڭ سەلتەنىتى ھەممىنىڭ ئۈستىدىن ھۆكۈم سۈرىدۇ؛
20 ئى سۆزىگە قۇلاق سالغۇچى،
كالامىنى ئىجرا قىلغۇچى، قۇدرىتى زور بولغان ئۇنىڭ پەرىشتىلىرى،
پەرۋەردىگارغا تەشەككۈر-مەدھىيە قايتۇرۇڭلار!
21 ئى سىلەر، ئۇنىڭ بارلىق قوشۇنلىرى،
ئىرادىسىنى ئادا قىلغۇچى خىزمەتكارلىرى،
پەرۋەردىگارغا تەشەككۈر-مەدھىيە قايتۇرۇڭلار!■يار. 32:1؛ 1پاد. 22:19؛ ئەف. 3:10؛ كول. 1:16
22 ئى، ئۇنىڭ بارلىق ياسىغانلىرى،
ھۆكۈمرانلىقى ئاستىدىكى بارلىق جايلاردا پەرۋەردىگارغا تەشەككۈر-مەدھىيە قايتۇرۇڭلار!
ئى مېنىڭ جېنىم، پەرۋەردىگارغا تەشەككۈر قايتۇر!
- زەبۇر
- a
-
«كۆڭلۈڭنى نازۇنېمەتلەر بىلەن قاندۇرىدۇ» ــ باشقا بىرنەچچە خىل تەرجىمىلىرى ئارىسىدا «يىللىرىڭنى نازۇنېمەتلەر بىلەن قاندۇرىدۇ» دېيىلىدۇ.
■103:8 مىس. 34:6؛ چۆل. 14:18؛ قان. 5:10؛ نەھ. 9:17؛ زەب. 86:15؛ 145:8؛ يەر. 32:18
■103:9 يەش. 57:16؛ يەش. 3:5
■103:15 ئايۇپ 14:1، 2؛ زەب. 90:5، 6؛ ياق. 1:10، 11؛ 1پېت. 1:24
■103:17-18 قان. 7:9
■103:21 يار. 32:1؛ 1پاد. 22:19؛ ئەف. 3:10؛ كول. 1:16