1 Gom a’di gi wakan mo tani miiwaḵ diki di mo shwane/ gom uni gwansan kun ’kokin eya Ḵrisṯẖos jin ta’da Yesus mo be. 2 Haali/ gwoŋḵan gi Shi/in gi mondiki/e eya Ḵrisṯẖos jin ta’da Yesus mo tani a’di karki aha/ ki ’kus ’peni gwoŋḵan gi miinthus mo dhali mowu mo be. 3 Haali/ Arumgimis ’baarki a’di jin mola gwoŋḵan jin c̱inu mii mo haali/ a’di ’ka’da’d mo e buŋgwar is mo mmohashkina a’di Ya/m pitiŋ gana/ mo e jamas gi buŋgwar is gi miinthus jin shi/ashi/ mo dhali gom miinthus si’da/ tani a’di waḵki miinthus e buŋgwar is mo be. 4 A’di mii’d kan ki mo ma ḵar/e gi to jin doṯa gwoŋḵan jin c̱inu mo minu thim e ana mo kun ’koki baṯẖ buŋgwar is mo hili mmobaṯẖ Shi/in mo be. 5 Haali/ uni gwansan kun ’ko ’ko’d e buŋgwar is mo tani dhuna dum buni ki to gi buŋgwar is mo. Hili uni gwansan kun ’ko ’ko’d e Shi/in mo tani dhuna dum buni ki to gi Shi/in mo be. 6 Mmodhuwa du ’ko’di buŋgwar is mo tani ta mowu mo be. Hili mmodhuwa du ’ko’di Shi/in mo tani a’di ita mondiki/e mo dhali moŋḵu’th is mo be. 7 Haala du c̱aan jin karu ’ko’d e buŋgwar is mo tani a’di ta ’kup̱ ka Arumgimis mo. A’di diki gam me’d ki gwoŋḵan ma Arumgimis jin c̱inu mo. Ka jiŋ gana/ a’di moli mii mo be. 8 Dhali uni gwansan kun ’kon e buŋgwar is mo tani uni molona Arumgimis ’bor bwa i is mo be.

9 Hili um ’koki ’ko e shuman gi buŋgwar is mo. Um ’kon e Shi/in mo be waḵki/ Shi/in ma Arumgimis ka jiŋ gana/ di’d e um mo. Wathi/ jin dara’d gi Shi/in ma Ḵrisṯẖos mo tani a’di diki ta jim piti mo be. 10 Hili waḵka Ḵrisṯẖos di’d e um mo tani ba buŋgwar is bum wukin mo gom miinthus mo tani shi/in bum ’kon ki e gom mo ma ḵar/e mo be. 11 Waḵki/ Shi/in gi a’di jin ’de’kki’da Yesus ’peni mowu di’d e um mo tani a’di jin ’de’kki’da Ḵrisṯẖos jin ta’da Yesus ’peni mowu mo tani midi c̱i mondiki/e mo ki buŋgwar is bum kun mishi wu si’da/ mo ki Shi/in piti jin di’d e um mo be.

12 Dhali wakan mo, iwaḵa, ana ’kon ma mure/ m’ba/ mo, yisa gom buŋgwar is yisa mmobaṯẖa ana buŋgwar is yan mo be. 13 Haali/ waḵki/ um ’ko ’ko’d e buŋgwar is mo tani um mini wu mo be. Dhali hili waḵki/ ki Shi/in mo tani um ki ’kosh mii gi buŋgwar is jwa mo a’di imina umi ’ko e mo. 14 Haala ris uni gun shuna Shi/in ma Arumgimis bway mo tani uni ita iya/ ma Arumgimis mo be. 15 Haali/ um ’koki bu’th shi/in mmota c̱iŋkina/ doḵ/e mmobiṯ mo e mo ma ḵo/ is mo. Hili um bu’thki shi/in mmota iya/ mo. Me’d jin gwokina ana mo ki: Abba Ababa. 16 A’di ta Shi/in ki is piti jin oki gwo nyaḵki shi/in bana ki ana tana uc̱i ma Arumgimis mo be. 17 Dhali waḵki/ ana tana uc̱i kan mo tani ana tana imanḵal mal mo, imanḵal mal ma Arumgimis mo dhali imannyaḵ mal ḵal ka Ḵrisṯẖos waḵki/ ana mina isi ’kosh ka nyor nyaḵki a’di mo ki ana minu nyaḵ dhu ki ca ki a’di mo.

18 Aha/ ṯosha ki mo gi isa nyor jin di’d shwane/ diki ha me’d mmodhu ka p̱ar ’ban ki monyca jin minu ṯor ana eya tente/ yilaŋ kamu/ mo. 19 Haali/ to kun uḵu mo tani uni c̱orkina c̱or ki mo/o bwa ki ’bi’th gom mo jin minu ṯor uc̱i ma Arumgimis eya tente/ mo be. 20 Haala ris to kun uḵu ’kon mmogam me’d mo mmowar mmop̱u/ mo be. Uni yisa ki bwam buniŋ gana/ yisa, hili ki bwa gi a’di jin dhu uni ki mo ma ’teŋ kap̱e/ mo. 21 Haali/ to gun uḵu uni, ki is buni minu ’cuḵ mo ’peni mondeḵ buni gi momp̱u/ mo dhali bu’th mo jin dhunuwa dhu ki ’kus mo gi monyca gi uc̱i ma Arumgimis mo be. 22 Ana misha ki aris to gun uḵu oḵonkin mo ki isa nyor ma dho’th imonṯal ’de/ mo ntagi shwane/ mo be. 23 Dhali yisa jasi to gun uḵu uni ’cena, hili ana ki is bana mo, ana gun takina maman gi Shi/in nṯwaa/a/ mo oḵonkina isi bwaman mo me’d jin c̱orkina ana ac̱or gom mo jin budhuwa bu’th ka bas gi iya/ mo jin ta mo gi wanu buŋgwar is bana ’ba/ mo be. 24 Haali/ e mo ma ’teŋ kap̱e/ yan mo tani ana takunu is ki me’d mo be. Hili mo ma ’teŋ kap̱e/ jin mishu mo tani a’di diki ta a’teŋ kap̱e/ ’te/ mo. Haali/ a’dija jin ta’d ga ’teŋ kap̱e/ gom to jin misha a’di mo? 25 Hili waḵki/ ana tana ga ’teŋ kap̱e/ ki to gun ’kona ana ki mish mo tani ana c̱orkina ac̱or gom a’di ki bwa jin ’kuju mo ki ’kari’th mo be.

26 Wakan si’da/ Shi/in woṯẖki ana e moŋ’ka’d is bana mo be. Haali/ ana ’konaki mish to ’tho mo me’d jin mina ana mii ’tho mo ḵa ba/. Hili Shi/in ki is piti a’di woṯẖ gwo is gom ana mmowuwa shure/ ki nyanye/ ki gwo mo. 27 Dhali a’di jin ŋap̱ki’da duŋ ’kwani mo tani a’di mishki a’di jin ta’da adu gi Shi/in mo haali/ Shi/in a’di woṯẖki gwo is gom uni kun dhunu ki she/ ki dhelel dhelel isi ki bwa ma Arumgimis mo be.

28 Haali/ ana misha mo ka ris to nyaḵu/ mii ki ’bore/ gom uni gun enena Arumgimis mo, gom uni gun yuḵkunu mo mmomii waki bwam piti mo be. 29 Haali/ uni gun mishkina a’di nṯwa/a/ mo tani uni i’kawurkina a’di mo mmonyaḵ jamas ki Ya/m piti jin mina a’di ta abwa nyara/ ibwam ikam ka ris mo. 30 Dhali uni gun ’kawurkina a’di mo tani uni iyuḵkina a’di si’da/ mo dhali uni gun yuḵkina a’di mo tani uni idhukina a’di ki mo ma ḵar/e mo dhali uni gun dhukina a’di ki mo ma ḵar/e mo tani uni idhukina a’di ki monyca si’da/ mo be.

31 Haali/ a’di gi wakan mo tani ana mina i/o kata gom gwo gwansan mo? Waḵki/ Arumgimis ta a’di gom ana mo tani aja a’di jin midi ta ’kup̱ ki ana mo sa/? 32 A’di jin diki non Ya/m pitiŋ gana/ mo hili a’di c̱iki a’di mmowu mo goma ris ana ’baar mo tani mina a’di diki c̱i ana aris to ki nyanye/ ka ’the si’da/ nyaḵki a’di mo ’taa? 33 Kaja a’di jin midi kar toŋ kamu/ ṯal ’de/ m’ba/ uni gun kwanykin ma Arumgimis mo? A’di ta’da Arumgimis jin kar wathi/ ki mo ma ḵar/e mo be. 34 Kaja a’di jin midi waḵa waḵ mo? A’di ta’da Yesus Ḵrisṯẖos ’taa? jin wuki’d mo. Nye, a’di ’teyi jin ’de’kkunu ’peni mowu mo, a’di jin di’d ka bim poros ma Arumgimis mo, a’di ka jiŋ gana/ jin woṯẖ gwo is gom ana mo. 35 Kaja a’di jin midi ḵwa/ ana bwa ’peni mo/en ma Ḵrisṯẖos mo? Mmomina to ṯo’c ’kus ’taa? Mmo’ko ka c̱is ’taa? Mmo’kosha ’kwaniya ’kosh ’taa? Mmomina ṯe/ ’kosh ’taa? Mmo’ko ki dar gi burrinye/ ’taa? Walla mmo’ko e mo jin ṯagu wu mo ’taa? Walla gandala turga/ ’taa? 36 Wakan be a’di ’kwarkunu mo ki: