20
Eya manyuḵ gway mo. Gway ma Dawuu’d.
1 Tap̱a midi thoḵ /e ’twa/ mo ka tee jin ṯoju /e bwa mo.
Dhali gway ma Arumgimis ma Yakuub mo tani a’di midi cesh /e ka p̱o/ mo.
2 Dhalki a’di hashki /e mowoṯẖ ’peni mo jin ḵogu mo
dhali c̱i /e mo ma thip̱ ’pena Sihyuun mo.
3 Dhalki a’di ka’da ris tom pini kun c̱ina /e ki me’d e mo mmo’ciṯẖ ’kus mo,
dhali kar /e ki mo ma ’the mo gom to kun ’ciṯẖkina /e ’kus mo mmomiiya bas mo.
Doshi ma dhali ’cunycuri yan mo.
4 Dhalki a’di c̱i /e a’di jin gwon ma dum pini mo
dhali thima ris tom pini kun thosonkina /e is mo.
5 Dhalki aman wola cuuwa/ mo gom bwaŋ ’kunyka/ ap̱o/ mom pini jin p̱ina /e mii e mo
dhali ki gway ma Arumgimis bana mo tani dhalki ana thuma bereḵ bana mo.
Dhalki Tap̱a a’di thimi’da ris mo ma ’thom pini mo.
6 Dhali aha/ misha ki Tap̱a a’di midi woṯẖ jim piti jin ’koshkunu ki monyca mo.
A’di midi thoḵ a’di ’twa/ mo ’peni momis piti jin ḵogu mo
ki dhan mo ma dem dem jin p̱inu mii e mo ki me’da bim poros piti mo be.
7 Kun tiya dhu ’ba/ ki ca mo goma risa arabiyya kun dira shumarum mo, dhali goma ris shumarum mo.
Hili ana dhuna ’ba/ ki ca gom gway gi Tap̱a Arumgimis bana mo.
8 Uni mini ’tuḵ mo dhali ṯa’k mo
hili ana mina cu mis mo dhali dosh ki bimbir mo.
9 C̱iyi mo jin p̱inu mii e ka maliḵ mo, ayy Tap̱a,