8 Au kokolak basa talo naa, boe ma au mete-ita ata laen esa bali numa nusa tetuk do inggu temak mai, fo mai tungga ndia. Ana nafada nae, “Makalulutuk ena! Makalulutuk ena! Kota Babel ta hohoꞌak naa, nakalulutu ena! Kota manggarauk naa, ndefa henin natetu no daer ena. Fai bakahulun kota naa sama leo ina petak fo mana soa nakasetik basa hatahori nusak kara marai dae-inak rinu mafuk tungga kada ndia sunda-pandain. Tehuu hatematak ia kota naa nameda nala Manetualain nasa-odadedein ena!”[c]
9 Basa naa au mete-ita ata laen bali numa nusa tetuk do inggu temak mai, fo mai tungga ata nomer kaduan naa. Ana kokolak nahere haran tingga-tingga nae, “Besa-besa, ee! Basa hatahorir fo mana songgo-tanggu banda kakiki-kakaak naa no ndia patong, do, simbo ndia dededen nai odamatan, do, nai liman, neu ko ara oo rameda Manetualain nasa-odadedein boe! 10 Neu ko Manetualain mesa kana mboꞌa nasan neu sara, sama leo Ana fee sara rinu anggor oe ulu malik. Neu ko Ana nggari heni sara reni aꞌi mbila balerang ta mana matek reu. Ndia atan nara maruma nusa tetuk do inggu temak mai, ma Bibi Lombo Ana naa oo, mete-rita matak naa boe.[d] 11 Kekeꞌun, basa hatahorir fo mana songgo-tanggu banda naa no ndia patong, do, simbo rala ndia dededen, neu ko ara hambu rala tuni-ndenik talo naa no ta mana basak. Aꞌi masuk numa sira doidoson mai, lume kalua lain neu ta mana ketuk hatu-leledon.”[e]
12-13 Dadi basa naar sosoan nae, Manetualain hatahorin nara muste nenene ratalolole Ndia parendan, ramahere rakandoo neu Yesus, ma boso rakadedeak.
15 De au mete-ita ata laen esa numa nusa tetuk do inggu temak mai bali. Ana kalua numa Manetualain Uma Huhule-haradoin mai. Ana nanggou nafada Hatahori manai sosoꞌak naa nae, “Pake o dombe kakain naa, fo ketu-koru leo! Huu faik fo nekebubua nala dae-inak buna-boan nara, losa ena.”[g] 16 Boe ma Hatahori fo mana nanggatuuk numa sosoꞌak naa, lombe Ndia dombe kakain, de ketu-koru ma naduduru nala dae-inak buna-boan nara.
17 Boe ma ata laen esa bali, kalua numa Uma Huhule-haradoik manai nusa tetuk do inggu temak dale mai. Ana oo toꞌu dombe kakaik matande esa boe fo nae kedi ai boak.
18 Basa de ata laen esa bali, kalua numa mamana hotu ai daa kaboo menik numa Uma Huhule-haradoik manai nusa tetuk do inggu temak naa mai. Ata ia uen, ndia nanea aꞌi manai mamana hotu ai daa kaboo menik naa. Ana bolu nadenu ata mana toꞌu dombe kakaik naa nae, “Pake o dombe kakain naa, fo muu kedi ai boak nai dae-inak leo! Huu nai naa, ai anggor boan nara latuk kara ena.” 19 De ata naa lombe ndia dombe kakain neni dae-inak neu, fo kedi nala anggor nggiin nara. Boe ma ana mboꞌa anggor boak kara raa reni bak rumu-keꞌek dale reu. Basa de ara heheta sara fo sangga haꞌi anggor oen. Heheta anggor boan nai bak rumu-keꞌek naa, sosoan ndia Manetualain nasan. 20 Bak rumu-keꞌek naa, hambun nai kota deak. Neu ara heheta anggor boan nara raa, boe ma daak faa kalua noꞌun seli. Daak naa fafaan sama leo lee esa, narun kilo meter 300, ma deman meter esa seserik.*Susura Malalaok dedeꞌa Yunani surak lee naa narun nae, “stadia 1.600”, ndia kilo meter 296 losa 300. Ma lee naa deman, ara surak rae, “sama leo ndara rapan”, ndia meter esa seserik. Sira ndaran nara baꞌu lena ndara Rote. [i]
<- Dae-bafo Beuk 13Dae-bafo Beuk 15 ->- a Yeskiel 9:4; Dae-bafo Beuk 7:3
- b Sefanya 3:13
- c Yesaya 21:9; Yermia 51:8; Dae-bafo Beuk 18:2
- d Yesaya 51:17; Tutui Makasososak 19:24; Yeskiel 38:22
- e Yesaya 34:10
- f Daniel 7:13
- g Yoel 3:13
- h Susura Malalaok dedeꞌa Yunani surak lee naa narun nae, “stadia 1.600”, ndia kilo meter 296 losa 300. Ma lee naa deman, ara surak rae, “sama leo ndara rapan”, ndia meter esa seserik. Sira ndaran nara baꞌu lena ndara Rote.
- i Yesaya 63:3; Buꞌi Reu-reu 1:15; Dae-bafo Beuk 19:15