1 Niꞌcã nʉmʉ Sansón Timnat wãmetiri macãpʉ buꞌacʉ niwĩ. Topʉ niꞌcõ numio filisteo masõrẽ ĩꞌacʉ niwĩ. 2 Beꞌro wiꞌipʉ dajagʉ, cʉ̃ pacʉsʉmʉarẽ werecʉ niwĩ:

—Timnapʉ niꞌcõ filisteo masõrẽ ĩꞌapʉ. Yʉꞌʉre numisẽrĩbosarã waꞌaya, nicʉ niwĩ.

3 Cʉ̃ pacʉsʉmʉa cʉ̃rẽ yʉꞌticãrã niwã:

—¿Deꞌro weegʉ mʉꞌʉ sõjã filisteo masã, Õꞌacʉ̃rẽ ẽjõpeotirã waꞌteropʉre mʉꞌʉ nʉmo niacjore aꞌmati? ¿Marĩ Israe curuacjãrã waꞌteropʉre mʉꞌʉ basucãrã numia mʉꞌʉ meꞌrã omocã dʉꞌteacjo marĩti? nicãrã niwã.

Sansón peꞌe pacʉsʉmʉarẽ yʉꞌticʉ niwĩ:

—Core miirã waꞌaya. Yʉꞌʉ tʉꞌsago niamo, nicʉ niwĩ.

4 Õꞌacʉ̃ filisteo masãrẽ cõꞌagʉ̃ti nígʉ̃, tojo weecʉ niwĩ. Cʉ̃ pacʉsʉmʉa “Aꞌte Õꞌacʉ̃ cʉ̃ cũuꞌque nisaꞌa”, ni masĩticãrã niwã. Titapʉre filisteo masã Israe curuacjãrãrẽ duticãrã niwã. 5 Beꞌro Sansón cʉ̃ pacʉsʉmʉa meꞌrã Timnapʉ buꞌacãrã niwã. Na Timnat ʉꞌse wesepʉ ejari cura, wãcũña marĩrõ yai wĩꞌmagʉ̃ Sansón tiropʉ “Jii” piꞌaticʉ niwĩ. 6 Espíritu Santu Sansṍpʉre sãjãa, tutuase cʉ̃rẽ oꞌocʉ niwĩ. Tojo weegʉ cʉ̃ omocãrĩ meꞌrã diaꞌcʉ̃ yaire wẽjẽgʉ̃, tʉ̃asurecãꞌcʉ niwĩ. Cabra wĩꞌmagʉ̃rẽ tʉ̃asurero weronojõ tojo weecʉ niwĩ. Tojo weemigʉ̃, cʉ̃ pacʉsʉmʉarẽ cʉ̃ weeꞌquere wereticʉ niwĩ. 7 Beꞌro numio tiropʉ buꞌa, co meꞌrã ucũcʉ niwĩ. Core tʉꞌsayʉꞌrʉacʉ niwĩ.

8 Beꞌro co meꞌrã omocã dʉꞌtegʉtigʉ buꞌagʉ, yai cʉ̃ wẽjẽꞌcʉre maꞌa ojaropʉ ĩꞌagʉ̃ waꞌacʉ niwĩ. Cʉ̃ upʉmejãrõrẽ mumia yeebiꞌaqueꞌa, na te co meꞌrã sãñacã ĩꞌacʉ niwĩ. 9 Tere míí, neꞌrẽbuꞌacʉ niwĩ. Cʉ̃ pacʉsʉmʉarẽ bocaejagʉ, narẽ ecacʉ niwĩ. Na quẽꞌrã tere neꞌrẽcãrã niwã. “Topʉ miapʉ” ni wereticʉ niwĩ.

10 Beꞌro cʉ̃ pacʉ cʉ̃ macʉ̃ nʉmo niacjore ĩꞌagʉ̃ buꞌacʉ niwĩ. Topʉ Sansón bosenʉmʉ weepeocʉ niwĩ. Na maꞌmapjia omocã dʉꞌteatji dʉporo weewʉaronojõ weecʉ niwĩ. 11 Filisteo masã cʉ̃ ejacã ĩꞌarã, cʉ̃rẽ baꞌpatiajãrẽ treinta ʉmʉa oꞌocãrã niwã.

12 Sansón narẽ nicʉ niwĩ:

—Mʉsãrẽ níbocapesere werema. Siete nʉmʉrĩ bosenʉmʉ nise nʉmʉrĩ queoro mʉsã níbocacã, yʉꞌʉ mʉsãnʉcʉ̃ niꞌcãrõ suꞌtiro lino meꞌrã wééca suꞌtiro, tojo nicã bosenʉmʉ sãñawʉase suꞌtinojõrẽ oꞌogʉti. 13 Mʉsã níbocatirã pũrĩcã, yʉꞌʉre treinta suꞌti lino meꞌrã weeꞌque suꞌti, tojo nicã ticʉse bosenʉmʉ sãñawʉase suꞌtinojõrẽ oꞌorãsaꞌa, nicʉ niwĩ.

Cʉ̃ tojo nicã tʉꞌorã, “Jaʉ, mʉꞌʉ níbocasere ʉ̃sãrẽ wereya”, nicãrã niwã.

14 Beꞌro narẽ werecʉ niwĩ:

Itia nʉmʉ na níbocamasĩticãrã niwã.

15 Baꞌparitise waꞌari nʉmʉrẽ Sansón nʉmo niacjore aꞌtiro nicãrã niwã:

—Mʉꞌʉ marãpʉ niacjʉre te níbocasere weredutiya. Mʉꞌʉ wereticã, mʉꞌʉrẽ, mʉꞌʉ pacʉ acawererãrẽ ʉ̃jʉ̃apeꞌocãꞌrãsaꞌa. ¿Ʉ̃sã yere yajasĩꞌrĩgõ, ʉ̃sãrẽ pijiati? nicãrã niwã.

16 Na tojo nicã tʉꞌogo, Sansón nʉmo cʉ̃ tiropʉ waꞌa, utigota, cʉ̃rẽ nico niwõ:

—Mʉꞌʉ yʉꞌʉre ʉaweꞌe. Ne yʉꞌʉre maꞌiweꞌe. Yʉꞌʉ acawererãrẽ níbocasere sẽrĩtiñaꞌcʉ niapʉ. Yʉꞌʉ peꞌere weretiapʉ, nico niwõ.

Sansón core yʉꞌticʉ niwĩ:

—Te níbocasere yʉꞌʉ pacʉsʉmʉa marĩcãrẽ weretiapʉ. ¿Deꞌro weegʉ mʉꞌʉ peꞌema werebosari? nicʉ niwĩ.

17 Cʉ̃ weretiꞌque buꞌiri ti semanarẽ utipeꞌocãꞌco niwõ. Nitʉori nʉmʉrẽ tʉꞌomí, caributi, core werecʉ niwĩ. Tere tʉꞌogo, co acawererãrẽ wereturiaco niwõ. 18 Bosenʉmʉ nitʉori nʉmʉ mujĩpũ sãjãrĩ cura, ti macãcjãrã ʉmʉa Sansṍrẽ nicãrã niwã:

Na tojo nicã tʉꞌogʉ, Sansón narẽ yʉꞌticʉ niwĩ: