1 Yayoga kainagu lalakina mena Yeoba koina, yakawanoi sagu kaiwena.

2 Yagu walo baibaiwa meuloina yakalailima yapeili manna mena yo yagu polowe meuloina yawalo-masalagili koina.

3 Tem yaluyaluwagu ibelu iya ikatai tawae kani yaginauli.

Yagu lau kamwasa koina kau kaleyayao sipwasipwa sinonowaiyako kaiwegu.

4 Saugana yagite-keikeile dedeigu mena nige yabo kagu tosagu, nige yabo kagu totolo-kaukausi yo nige yabo kagu togite-kalatan yagigitai.

5 O Yeoba, yavalam koliwo sagu kaiwena, kaiwena kowa kagu totolo-kaukausi, yagu miyamiyane yawasigu meuloina koina kowa kubomamo nuwanuwagu.

6 Yagu valam sagu kaiwena kubenalan, kaiwena yagu nuwalubu ilalakisosi.

Kau kaleyayao kolili kuleboyau, siya sikaiwesosi kabo muli mena yau.

7 Kulivasiyau panpanna koina na am tomoyao ali miyagogo koina esam yatobalan am namwanamwa koliyau kaiwena.

<- Same 141Same 143 ->