3 Boita iyaele mangu mena yo iyatakikilagau, salai matamatausina ikabi-kalatagau mwa yamatausi yo nuwagu inae.

4 Kabo yayoga Yeoba esana koina yawaloba, “O Yeoba, yakawanoi koliwo, yawasigu kuleboi.”

5 Yeoba iya tomulolo, todudulai yo tokatekamkamna.

6 Tonuwalobi meuloili igite-kalatagili kabo saugana kikiunamo yasilae na ileboyau.

7 O kategu, me am daumwali kaiwena Yeoba ginauli namwanamwali ipaisowailiko koliwo.

8 O Yeoba, yaluyaluwagu kuleboyako boita mena, yo matalilo mangu koina kusae-gabaegiliko, kuleboyauko mwa nige kaegu yayatupan yabebeku.

9 Yalolokeikeile Yeoba manna mena yanuwa meyawasina koina.

10-11 Bwagana yakamkamna yo yamatausi yo yawaloba, “Yagu nuwanae ipolowesosi, nige sowasowana tomo yabo isaguiyau”, na iyamo yagu meli iyaelemo ilaulau.

12 Tawae kani yaolena Yeoba koina ana namwanamwa meuloina koliyau kaiwena?

13 Mwa kani oine yasuwai koina ana kaba pwaoli kaiwena yo yakawa-toki esana koina, kaiwena ileboyauko.

14 Kani yagu waloyameli yaginauli koina ana tomoyao ali miyagogo kalona mena.

15 Tem ana topaisowa obiobigana yabo iboita, Yeoba me ana nuwanae.

16 O Yeoba, yau am topaisowa, besiele sinagu, kaiwena kagu pan koina kuleboyauko.

17 Kabo kani kawatoki pwaolina yapwaoliyan koliwo na yagu kawanoi yaeyawa.

18-19 Kani yagu waloyameli yaginauli koliwo am tomoyao ali miyagogo Nume Tabu mena Yelusalema koina. Yeoba tatobalan.

<- Same 115Same 117 ->