Aatagada a Mika
Mika Ucuɗuwu wa aatagada a nda Mika vuma va̱ A̱sula̱ yuwan ta̱ ulinga a mantsa ma̱ ta̱ na̱ vumava̱sula̱ Ishaya, a̱yi za vi iɗa ya Yahuda ɗa vu upasu u tsugono tsu uyagi. U tsura̱ urevu u na iɗa ya Yahuda ya̱a̱ riya̱ a̱tsuma̱ a̱tsuma̱lima̱ a na vuma va̱ A̱sula̱ Emos yuwain adanshi a aci o upasu wu ugana waru o una̱ wi ili i ta̱ shi. A̱sula̱ a ta ca ama oforo adama a na a 'yuwain a yuwan amayun. Ikaka ya Mika yu uta̱ ta̱ alanga eteshe o rocosu iroci i na eleme o lobono. Pasu ro na ma̱ ka̱mbuwa̱ ugbozu a aci e le ele ɗa: Iroci ya asuvu nden n na ma̱ da̱na̱ o uvaɗi ma̱ɓula̱ za̱la̱ tsugono tsa̱ a̱ A̱sula̱ 4:1-4, adanshi a aci o Mogono ma gbain ma na ma̱ ta̱wa̱ diga o ugundo wa Da̱wuda za na a̱ ta̱wa̱a̱ iɗa na asuvu nden 5:2-5, a̱a̱ɗiva̱ a̱ ta̱ a yuwan ta̱ adanshi a̱bunda̱ a aci e ili i na a ama a̱ A̱sula̱ a Isra'ila a yuwan adanshi aaci: A̱a̱ɗiva̱'a̱ u damma ta̱, <<Ili i na u cigai a̱ yi ɗa vu yuwan ili i na i ri mejege, vu roco wi icigi a̱ tyo uba̱ta̱ wa̱ A̱sula̱ oɓolo na ama, vu ka̱ɗa̱to wa a aci a̱ wu a̱tsuma̱ a mmalu ma̱ wu na̱ A̱sula̱ a̱ wu.>> 6:8 Ili i na i ri pe: Uge'etosu a aci a Isra'ila na̱ Yahuda 1:1-3:12 Ulapulu na̱ nden ma Asuvu 4:1-5:15 Ikaka i morono ma atsuvu na̱ mazuwa mo okolo 6:1-7:20.
1 A̱sulazuva a ca ta̱ Mika vuma va Moreshete adanshi e ikaka i nda a̱tsuma̱ alavu alavu adama a Samariya na̱ Urishelima a mantsa ma̱ tsugono ma Yotam na̱ Ahaz na̱ Hezekiya ngono ma Yahuda.
A̱tsumola̱ngu adama a Samariya na̱ Urishelima 2 Uwwai, a̱ɗu ama o uvaɗi suru, polo atsuvu vu uwwa, a̱vu uvaɗi ni ili i na i ri pe a̱tsuma̱ wu suru. Lyawa A̱sulazuva Zagbain A̱sula̱ diga A̱a̱'isamapaɗa a akiza a̱yi wo o'wo, iroci a aci a̱ ɗu.3 I reve, A̱sulazuva a̱ ta̱ ta̱wa̱ diga o uba̱ta̱ a̱ nden ma akiza a̱ yi.
U ta̱ cipa̱ reve u dadasa ba̱ta̱ va̱ a̱ga̱nda̱ o uvaɗi. 4 Nsasan n ta̱ jeruwe za̱la̱ va apata ana a̱ yi waru ka̱ri ta ɓatsa cine abaji e ishiki a tsu jejeruwe o una̱ wa akina, reve u ka̱ra̱ e ilaɗi a̱ cipa̱ cine o tsu oco mini diga a agaɗi. 5 Ili i nda suru adama o unusu wa Yakubu u ɗa na̱ nusu va Isra'ila. Nyen ɗa unusu wu ugundo wa Yakubu? Ashe mayan ma̱ a̱ga̱nda̱ ma̱ a̱ma̱li a Samariya ɗa shi? A te ɗa gba ba̱ta̱ va̱ a̱ga̱nda̱ va Yahuda ri? Ashe a̱tsuma̱ a Urishelima ɗa a̱ ri shi? 6 <<Adama o ndolo n ta̱ ka̱mba̱to Samariya oɓolo e edemu a̱ rulu, wo'o tsu uba̱ta̱ u na a̱ tsu cu'wa̱n a̱ɗuma̱ a̱ ina̱bi. Waru n ta gandalato atali a̱ yi a̱ tyo o uka̱ri reve waru n za̱ɓa̱luwa̱ atali e ikyun a̱ yi. 7 N to ɓoɓoso a̱ma̱li a̱ yi a na a̱ zuɗa̱i, a̱ ta̱ kula̱to utsuru wa̱ yi na akina, n ta̱ kototo a̱ma̱li a̱ yi suru, adama a na a̱ tsura̱ le ta̱ diga o ure u tsushakala, waru a̱ ta̱ a̱ ka̱mba̱ o ure u tsu tsushakala'a.>> Mesun ma Mika adama a Isra'ila na̱ Yahuda 8 A̱vu Mika damma, <<Adama e ili i nda, n ta yuwan a̱tsumola̱ngu reve n shon, n foɗo itana n wala ataɓu. N ta̱ shon tsa̱ musa̱n mu una, waru n yuwan a̱tsumola̱ngu tsa azamina, 9 Adama a na antsu a Samariya aza a na e ina ɗa shi, hali fo u ju'wa̱n Yahuda, waru u rawa ta̱ a̱ na̱ntsu va ama a̱ va̱, hali a uwa Urishelima.>> 10 She a yuwan adanshi a̱ yi a̱tsuma̱ a Gat wan, ko ke'en she a̱ shon wan. Amma a̱ɗu a̱za̱ Bet Leyafara i gandala a̱ ma̱buta̱ goon. 11 A̱ɗu ama a Shafiri, i yuwan n manlu ataɓu na̱ a̱tsuma̱ o wono. Ama a Za'anan gba she yu uta̱ wan. Bet Eze na ama a̱ yi a̱ te e mesun ya̱ tsura̱ ikambi e ekere a̱ yi shi. 12 Adama a na ama a Maroto a ta pura isa'ani na̱ meje'en. Agba iwuya diga uba̱ta̱ wa̱ A̱sulazuva a̱ cipa̱ ta̱ o una̱ntsu wa Urishelima. 13 A̱ɗu ama a Lakish, i foɓo ikeke yi ido i ɗu, adama a na a̱ a̱tsura̱ ta̱ unusu wa Isra'ila a̱tsuma̱ a̱ ɗu. Hali na u zuwai Sihiyona mayan mo unusu gayin. 14 Adama o ndolo, i ca ama Moreshete Gat ne'en vu ukosu. Waru lyuci va Akizibi ta̱ pura̱ ugbozu wu ngono ma Isra'ila. 15 Reve A̱sulazuva a damma, n ta̱ ta̱wisa̱ na̱ za na a lyuwa ɗu nu uvon, aza a na a̱ ri na̱ nden a̱tsuma̱ a Maresha. Tsugbain tsa Isra'ila tsa̱ ta̱ ka̱mba̱ e ekere a Adulam. 16 A̱vu Yahuda, vu puna aciya̱wu ogbondo adama a̱tsuma̱la̱ngu a̱ muwun ma̱ wu n na vu cigai. Vu puna aciya̱wu ogbondo vo o'wo tsa̱ a̱a̱kuru,
1 A̱sulazuva a ca ta̱ Mika vuma va Moreshete adanshi e ikaka i nda a̱tsuma̱ alavu alavu adama a Samariya na̱ Urishelima a mantsa ma̱ tsugono ma Yotam na̱ Ahaz na̱ Hezekiya ngono ma Yahuda.
3 I reve, A̱sulazuva a̱ ta̱ ta̱wa̱ diga o uba̱ta̱ a̱ nden ma akiza a̱ yi.