5 Wanpela [g] man i ting wanpela de em i bikpela moa na i winim ol arapela de. Na narapela man i ting olgeta de i wankain tasol. Tasol olgeta man wan wan ol i mas save gut long wanem tingting em i stret long bel bilong ol. 6 Man [h] i makim wanpela de olsem bikpela de bilong lotu, dispela man i save tingting long Bikpela na i mekim olsem. Na man i save kaikai olgeta samting, dispela man i save tingting long Bikpela na i kaikai, long wanem, em i save tenkyu long God na i kaikai. Na man i no save kaikai olgeta samting, em i save tingting long Bikpela na i tambuim sampela kaikai. Na em tu i save tenkyu long God.
7 Yumi [i] save, namel long yumi i no gat wanpela man i save ting laip bilong en em i samting bilong em yet. Na i no gat wanpela em i save ting dai bilong en em i samting bilong em yet. Nogat. 8 Sapos [j] yumi stap laip, em i samting bilong Bikpela. Na sapos yumi dai, em tu i samting bilong Bikpela. Olsem na sapos yumi stap laip, o sapos yumi dai, yumi bilong Bikpela tasol. 9 Na [k] Krais tu i dai na i kisim laip gen bai em i ken i stap Bikpela bilong ol man i dai pinis na bilong ol man i stap laip.
10 Yu,[l] bilong wanem yu skelim pasin bilong brata bilong yu na tok nogut long em? Na yu, bilong wanem yu tok bilas long brata bilong yu? Yupela i save, bai yumi olgeta i sanap long kot bilong God. 11 Em [m] i olsem buk bilong God i tok, “Mi Bikpela, mi save stap oltaim, mi tok tru tumas, olgeta manmeri bilong graun bai i kam long mi na brukim skru long mi. Na olgeta bilong ol bai i tokaut olsem, mi God tru.” 12 Olsem [n] na yumi save, yumi olgeta wan wan bai yumi mas tokim God long as bilong olgeta pasin yumi bin mekim.
19 Olsem [u] na yumi mas bihainim olgeta pasin i save mekim yumi i stap wanbel, na olgeta pasin i save strongim bilip bilong ol arapela. 20 Yu [v] no ken tingting long kaikai tasol na bagarapim wok bilong God. Tru, olgeta samting i gutpela bilong kaikai. Tasol sapos yu kaikai wanpela samting na dispela i mekim narapela man i pundaun, orait yu mekim pasin nogut. 21 Sapos yu kaikai mit o yu dring wain o yu mekim narapela samting, na dispela i mekim brata bilong yu i pundaun, orait mobeta yu no mekim dispela pasin. 22 Bilip bilong yu i kamapim wanem tingting long ol dispela samting, em i samting bilong yu yet wantaim God. Man i ting wanpela samting em i gutpela, na bel bilong en i no kotim em long dispela samting, em i ken amamas.[w] 23 Tasol [x] man i kaikai mit samting long taim em i gat tupela tingting long pasin em i mekim, em i gat asua, long wanem, em i no save, bilip bilong en i orait long dispela pasin, o nogat. Sapos yumi mekim wanpela pasin bilip bilong yumi i no orait long en, orait yumi mekim sin.
<- ROM 13ROM 15 ->- a Ro 15.1, 15.7, 1 Ko 8.9-11, 9.22
- b Kl 2.16
- c Stt 1.29, 9.3, Ro 14.14, 1 Ko 10.25, 1 Ti 4.4
- d Lukim tok i stap long 1 Korin 8.1.
- e Kl 2.16
- f Mt 7.1, Je 4.11-12
- g Ga 4.10
- h 1 Ko 10.31, Ga 4.10, 1 Ti 4.3
- i 1 Ko 6.19-20, Ga 2.20, 1 Te 5.10, 1 Pi 4.2
- j Lu 20.38, Ga 2.20, 1 Te 5.10
- k Ap 10.36, 2 Ko 5.15
- l Mt 25.31-32, Ap 10.42, 17.31, 2 Ko 5.10
- m Ais 45.23, Fl 2.10-11
- n Mt 12.36, Ga 6.5, 1 Pi 4.5
- o 1 Ko 8.9, 8.13, 10.32
- p Ap 10.15, Ro 14.2, 14.20, 1 Ko 8.7-8, 1 Ti 4.4, Ta 1.15
- q 1 Ko 8.11-13
- r Ta 2.5
- s 1 Ko 8.8
- t 2 Ko 8.21
- u Ro 12.18, 15.2, 1 Ko 14.12, 1 Te 5.11
- v Mt 15.11, Ro 14.14-15, 1 Ko 8.9, 8.13, Ta 1.15
- w Tok Grik i no klia tumas long dispela hap.
- x Ta 1.15