Baruk

Tok i go pas

Buk Baruk i gat 4-pela sotpela hap tok long en. Ol i ting, dispela man Baruk i bin raitim dispela ol hap tok em i kuskus bilong profet Jeremaia (lukim Jeremaia 32.12 na 36.4). I luk olsem ol i bin raitim sampela hap tok long tok Hibru pastaim, na bihain ol i bin tanim long tok Grik na putim wantaim long wanpela buk.

Tingting bilong buk Baruk em long soim mining bilong ol samting i bin kamap long ol Juda long taim ol i bin i go i stap kalabus long kantri Babilon. Em i soim ol Juda long as bilong bikpela hevi i bin painim ol taim ol i stap kalabus. Na em i helpim ol long tingim ol tok promis i kam long God, long God bai i givim bel isi long Jerusalem. Long dispela pasin dispela buk i ken strongim bel bilong ol.

1 Dispela Jer 36.4 buk em Baruk i raitim. Baruk em i pikinini bilong Neraia na tumbuna pikinini bilong Masea. Na em i bilong lain bilong Sedekaia na Hasadia na Hilkia. 2 Em 2 Kin 25 i raitim dispela buk long Babilon long namba 7 de bilong mun,*Planti saveman i ting dispela i tok long namba 5 mun. Long dispela mun tasol ol ami bilong Babilon i bin i go insait long taun Jerusalem. Lukim 2 King 25.8. long namba 5 yia bihain long taim ol Babilon i bagarapim na kukim taun Jerusalem. 3-4 Baruk i 2 Kin 24.8-17 ritim dispela buk long ai bilong Jehoiakin, em pikinini bilong King Jehoiakim bilong Juda. Na em i ritim tu long ai bilong olgeta manmeri i stap long Babilon klostu long wara Sut. Olgeta manmeri i kam na harim Baruk i ritim dispela buk, em ol man i gat nem na ol pikinini bilong lain bilong king na ol bikman. Yes, olgeta manmeri i gat namba na olgeta manmeri nating, olgeta ol i kam na harim.

5 Taim Baruk i ritim dispela buk, olgeta manmeri i wok long krai na ol i tambu long kaikai na ol i prea long Bikpela. 6 Na bihain wanpela wanpela i givim mani ol inap long givim 7 na ol i salim dispela mani i go long Jerusalem long hetpris Jehoiakim. Jehoiakim em i pikinini bilong Hilkia na tumbuna pikinini bilong Salum. Dispela mani i go tu long ol arapela pris na long olgeta manmeri i stap wantaim Jehoiakim long Jerusalem.

8 Long namba 10 de bilong mun Sivan,†Mun Sivan bilong ol Israel em i save kamap long mun Me na Jun bilong yumi. Baruk i kisim bek ol kap samting bilong haus bilong God, em bipo ol Babilon i bin stilim long tempel, na em i salim ol i go bek long distrik Juda. Sedekaia, pikinini bilong King Josaia bilong Juda, i bin tok na ol man i bin wokim ol dispela kap silva. 9 Ol i bin wokim ol dispela kap bihain long taim King Nebukatnesar bilong Babilon i bin kisim King Jehoiakin long Jerusalem wantaim ol ofisa bilong gavman na ol bikman na ol manmeri nating na ol arapela lain em i bin kalabusim, na em i bin salim ol i go i stap long Babilon.

10 Ol manmeri i raitim pas na ol i tok olsem, “Mipela i salim dispela mani bai yupela i ken baim ol animal bilong mekim ofa bilong paia i kukim olgeta, na bilong baim ol presen bilong ofa bilong rausim sin, na bilong baim paura bilong kamapim smok i gat gutpela smel, na bilong baim ol kaikai bilong mekim ofa bilong kukim wit. Yupela i mas putim ol dispela samting antap long alta na ofaim long Bikpela, em God bilong yumi. 11 Na yupela i mas prea na askim God long helpim King Nebukatnesar bilong Babilon na pikinini bilong em Belsasar, bai tupela i ken i stap longpela taim moa. 12 Olsem bai Bikpela i ken strongim mipela na stiaim wokabaut bilong mipela na lukautim mipela. Nebukatnesar na pikinini bilong em Belsasar, tupela bai i was long mipela na mipela bai givim biknem long tupela inap mipela i dai. Na tupela bai i belgut long mipela. 13 Mipela i askim yupela tu, bai yupela i prea long Bikpela na askim em long helpim mipela, long wanem, mipela i bin mekim rong long em na em i kros yet long mipela. 14 Yupela i mas ritim dispela buk mipela i salim i kam long yupela nau, na yupela i mas autim ol sin bilong yupela long tempel, long taim yupela i bung wantaim long bikpela de bilong lotu na long ol arapela de holi.”

15 Dispela pas i tok moa olsem, “Yupela i mas prea olsem, ‘God em i Bikpela bilong yumi. Em i stret olgeta. Tasol nau yumi sem moa yet long ai bilong en. Yumi olgeta manmeri bilong Judia na ol manmeri bilong Jerusalem, 16 yumi ol king na ol bikman na ol pris na ol profet na ol tumbuna bilong yumi, yes, yumi olgeta i mas sem nogut tru. 17 Long wanem, yumi bin mekim rong 18 na yumi bin sakim tok bilong Bikpela. Yumi no bin harim tok bilong em, na yumi no bin bihainim ol lo bilong em. 19 Long bipo yet na i kam inap long nau yumi save les long Bikpela na yumi save givim baksait long em. Dispela pasin i bin stat long taim God, Bikpela bilong yumi, i bin kisim ol tumbuna bilong yumi long Isip na bringim ol i kam. 20 Yes, Lo 28.15-68 bipo tru God i bin kisim ol tumbuna bilong yumi long kantri Isip na bringim ol i kam na em i givim long yumi wanpela kantri ol gutpela kaikai na susu na hani i pulap long en. Long dispela taim Bikpela bilong yumi i bin mekim strongpela tok long maus bilong Moses, wokman bilong em, long em bai i bagarapim yumi sapos yumi no stap tru aninit long en. Na nau yumi karim yet ol dispela hevi i kamap long dispela kros bilong Bikpela. 21 God, Bikpela bilong yumi, i bin salim ol profet i kam bilong autim tok bilong em long yumi, tasol yumi bin bikhet na yumi sakim tok. Yumi wan wan i bihainim laik bilong yumi yet na i wokabaut long rot nogut. Na yumi bin lotu long ol giaman god na yumi bin mekim ol pasin nogut long ai bilong God, Bikpela bilong yumi.

BARUK 2 ->