11
1 ʻOku fakafiemālieʻi ʻa Tevita ʻe ia ʻi he ʻOtua koeʻuhi ko hono ngaahi fili, 4 Ko e pule mo e angatonu ʻae ʻOtua.
Ki he Takimuʻa, ko e Saame ʻa Tevita.
1 ʻOku ou falala kia Sihova:
pea ʻoku fēfē hoʻomou pehē ki hoku laumālie, “Puna ʻo hangē ko e manu ki ho moʻunga?
2 He ʻoku teke ʻe he angahala ʻenau kaufana,
ʻoku nau ʻai ʻenau ngaahi ngahau ki he uka,
koeʻuhi ke nau fana fakafufū pē ki he angatonu ʻi loto.
3 Kapau ʻe ʻauha ʻae ngaahi tuʻunga,
ko e hā ʻe faʻa fai ʻe he kakai māʻoniʻoni?”
4 ʻOku ʻi hono fale māʻoniʻoni ʻa Sihova,
ko e ʻafioʻanga ʻa Sihova ʻoku ʻi he langi:
ʻoku ʻafioʻi ʻe hono fofonga,
ʻoku ʻahiʻahiʻi ʻe hono lauʻifofonga,
ʻae ngaahi fānau ʻae tangata.
5 ʻOku ʻahiʻahi ʻe Sihova ʻae māʻoniʻoni:
ka ko e angakovi mo ia ʻoku manako ki he fakamālohi ʻoku fehiʻa hono laumālie ki ai.
6 Te ne fakaʻauha ki he ngaahi angahala ʻae ngaahi tauhele,
ko e afi, mo e sulifa, mo e afā fakailifia ʻaupito: ko e ʻinasi ia ʻo ʻenau ipu.
7 He ʻoku ʻofa ʻa Sihova ko e māʻoniʻoni ki he māʻoniʻoni;