26
1 ʻOku valokiʻi ʻe Siope ki he anga taʻeʻofa ʻa Pilitati, 5 ʻO ne fakahā ʻoku taʻengata mo taʻefaʻaʻilo ʻae mālohi ʻae ʻOtua.
1 Ka naʻe tali ʻe Siope, ʻo ne pehē,
2 “ʻOku fēfē ʻa hoʻo tokoni ki he taʻemālohi?
ʻOku fakamoʻui fēfē ʻe koe ʻae nima vaivai?
3 ʻOku fēfē ʻa hoʻo fakapotoʻi ʻae taʻepoto?
Pea fēfē ʻa hoʻo fakahā lahi ʻae meʻa ʻoku totonu?
4 Ko hoʻo lea mai kia hai?
Pea ko e laumālie ʻo hai kuo haʻu meiate koe?
5 “Ko e kakai mālohi kuo mate,
mo kinautolu ʻoku nau nonofo, ʻoku nau feinga ki lalo ʻi he ngaahi vai.
6 ʻOku vavanga ʻae maama fufū ʻi hono ʻao,
pea ʻoku ʻikai ha ʻufiʻufi ʻoe potu fakaʻauha.
7 ʻOku ne folahi atu ʻe ia ʻae potu fakatokelau ʻi he atāloa,
pea ne tautau ʻa māmani ki he ʻatā noa pe.
8 ʻOku ne haʻihaʻi ʻae ngaahi vai ʻi hono ngaahi ʻao matolu;
pea ʻoku ʻikai mahaehae ai ʻae ʻao.
9 ʻOku ne taʻofi atu ʻa hono muʻa ʻafioʻanga,
ʻo ne folahi ʻene ʻao ki ai.
10 ʻOku ne takatakai ʻae moana ʻo ʻai hono ngataʻanga,
kaeʻoua ke ʻosi ʻae ʻaho mo e pō.
11 ʻOku ngalulu ʻae ngaahi pou ʻoe langi,
pea ofo ʻi heʻene valoki.
12 ʻOku ne fakalaolao ʻae tahi ʻaki hono mālohi,
pea ʻi heʻene poto ʻoku ne tā hifo ʻae laukau.
13 Ko hono laumālie kuo ne teuteu ʻaki ʻae ngaahi langi;
pea kuo ngaohi ʻe hono nima ʻae ngata pikopiko.
14 Vakai, ko e meʻa niʻihi pe eni ʻi hono ngaahi hala:
ka ʻikai ko e meʻa siʻi ʻaupito ʻiate ia ʻoku tau fanongo ai?