Link to home pageLanguagesLink to all Bible versions on this site
95
Agür Wórr
1 Yao, mi kya ⌊Lodónkü⌋ wórr atonóm bagürwómpükü!
Yao, mi kya taegwarr apónónóm bagürwómpükü oyankü, mibü zidbain ingülküp nótóke!
2 Mi kya oya obzek kwata togobón oya eso akyanóm,
mi kya taegwarr apónónóm bagürwómpükü wórri oya agürüm.
3 Zitülkus módóga, Lod wirri arüng Goda,
wa wirri arüng Kinga blaman godódógab.
4 Aumana tüp oya tangdóma,
akó wirri kwitüm podo ta oya tangdómako.
5 Malu oyane, zitülkus wató tónggapónórr;
akó oya tanga dorro tónggapónórr.
6 Yao, mi kya singül tüp alókóm togobón oya ⌊ótókóm⌋!
Mi kya wakósingül nümgününüm oya obzek kwata, Lod mibü Tómbapón Pam!
7 Zitülkus módóga, wa mibü Gode,
akó mi oya apapdó pamkolpamakla,
mi sipzanakla, wa ne ⌊sip⌋ ngabyónda.
Errkya, e wata ki barrkrrua God ne poko bóktanda!
8 “Wirri-singül bain-gu yabü abalbobatalazan Merribamzan kainóp,
akó i Masamzan kainóp,[a] ene ⌊ngüin-koke bwóbdü⌋,[b]
9 i kürü nóla apók kwarilürr,[c]
enana i kürü kósenóp, ka ne morroal kla tómbapón namülnürrü ibüka.[d]
10 40 Pailüm ka inkü ngürsil namülnürrü, ene Isrrael pamkolpam, ene tonarrdó nidi ngyaben kwarilürr.
Da ka we bóktarró kólbabóka kagó, ‘Ibü ubi wata metat tibiób ubi kwata tótókóma,
akó i bangóndako ka ne poko tómbapónóm byaldóla.’
11 Ka ngürsil namülnürrü, da ka igó ⌊arüng alkamül-koke bóktan⌋ ingrirrü kagó:
‘I sab kürü ngón bagón bwóbdü kokean barrbüne ngón bagónóm!’ ”[e]

<- Wórr Peba 94Wórr Peba 96 ->