110
⌊Lod⌋ akó Oya Alearrón King
Darrü ⌊Deibidün⌋ Wórr
1 Lod God igó bóktanórr kürü Lodódó[a] wagó,
“Ma ae mórra ini wirri pabodó, kürü tutul tangdó,
kókó ka sab marüka nidi bóka bamgündako,
2 Lod sab marü kingan arüng mókyene Zaeongab.[d]
Ma sab wirri pam namulo; marüka nidi bóka bamgündako, ma sab ibü aodógab balngomól namulo!
3 Marü gazirr pama sab wata ubi bain kwarile
marü gazirr ngürr nóma semrrale.
Amaka glesa aupda irrbi, sab marü küsil pama inzan togobe marüka, gyabi wi agótórrón mórrkenyórrpükü.
4 Lod ⌊arüng alkamül-koke bóktan⌋ kuri ingrinürr
ó wa sab koke alkamüle:
“Ma metat ⌊prristla⌋,
5 Lod marü tutul tangdó asine marü tangamtinüm.
Oya wirri ngürsila ne ngürrdü simige, sab ngibürr king memokan ekrrale.
6 Wa sab bwób-bwób pamkolpam zaz nirre, gazirr pokodü pamkolpamab büdül murua sab barüme.
Wa sab ini tüpan singüldü pam blaman memokan baem napórre.
7 Wa sab kwat-kwat aróbdó nae enóle,
da wa sab wapór igósidi karrkukus nürtümüle akó singül ugón kwit ine.
<- Wórr Peba 109Wórr Peba 111 ->
- a kürü Lod wa ⌊Mesayabóka⌋ apónda.
- b Ini bóktanan küp módóga: marüka nidi bóka bamgündako, ka sab blaman ⌊ut-ut ninünümo⌋ marünkü.
- c Metyu 22:44; Mak 12:36; Luk 20:42-43; Apostolab Tórrmen 2:34-35; 1 Korrint 15:25; Ibrru 1:13
- d Zaeon podoan ngie. Ene pododó Zerrusalem wirri basirr we kwitüm aelórróna.
- e Melkizedek Salem wirri basirran king yarilürr akó wa dakla Wirri Kwitüm Godka prrist yarilürr. Melkizedek Eibrra-amka okaka tübyónürr (Bwób Zitül 14:18-20).
- f Ibrru 5:6; 6:20; 7:17, 21