Izilayɛle nuɓusɛiti pɛtɛ, niiti ti ɠulani Ezipete yooi ʋa:

5 Izilayɛle nii daa ga Zakɔɓe, ná-doun zunu mɔungi é sɔlɔɔni, daaseigi ɠɛni ga Luɓɛn. Luɓɛn ná-doun zunuiti ti-mavofodaiti, ti ɠɛni ga: Enɔke mavofodaiti, Palu mavofodaiti, 6 Ɠɛsɛlon mavofodaiti, ta Kaalemi mavofodaiti. 7 Luɓɛn mavofodaiti tiegɔi ɠɛni ga zunu waaʋuunaani maazu saʋagɔ undɔfela puusaʋagɔ (43.730). 8 Palu ná-doun zunui ɠɛni ga Eliyaɓe. 9 Naa ɠa é ɠɛni ga Nemuwɛle kɛɛɠɛ, ta Datan, ta Aɓilame. Datan naa, ta Aɓilame ti ɠɛni ga kundiɠiiti bɛbɛi untuɠɔ, ti wuzeɠeni Moize ta Aalɔn laalɔɠɔma, ta Kolé ná-nu ɓulugiti, siɛgi zu ti wuzeɠeni la Ɠɔoɠɔ GALAGI laalɔɠɔma. 10 Zooi laaʋalini, é ti maalɔɔɠu, ta Kolé, siɛgi zu ná-nu ɓulugiti ti zaani la, ta siɛgi zu abui zunu unfelegɔ puulɔɔlugɔ (250) ɠalani la. Ti ɠɛni nuɓusɛiti bɛ ga kizɛsu vai. 11 Kɛlɛ Kolé ná-doun zunuiti ti la ɠɛni zaani.

12 Simiyɔn ná-doun zunuiti, eɠɛʋelei ti-mavofodaiti ti la, ti ɠɛni ga: Nemuwɛle mavofodaiti, Yamin mavofodaiti, Yakin mavofodaiti, 13 Zela mavofodaiti, ta Sayile mavofodaiti. 14 Simiyɔn mavofodaiti tiegɔi ɠɛni ga zunu waaʋuufele maazu fele unfelegɔ (22.200).

15 Gade ná-doun zunuiti, eɠɛʋelei ti-mavofodaiti ti la, ti ɠɛni ga: Sefon mavofodaiti, Ɠagi mavofodaiti, Suni mavofodaiti, 16 Wozeni mavofodaiti, Eli mavofodaiti, 17 Alode mavofodaiti, ta Aleli mavofodaiti. 18 Gade mavofodaiti tiegɔi ɠɛni ga zunu waaʋuunaanigɔ undɔɔlugɔ (40.500).

19 Zuda ná-doun zunuiti ti ɠɛni ga Ɛɛl ta Wonan. Ɛɛl ta Wonan ti zaani Kanaan yooi zu. 20 Zuda ná-doun zunuiti, eɠɛʋelei ti-mavofodaiti ti la, ti ɠɛni ga: Sela mavofodaiti, Pelɛze mavofodaiti, ta Zela mavofodaiti. 21 Pelɛze ná-doun zunuiti ti-mavofodaiti ti ɠɛni ga: Ɠɛsɛlon mavofodaiti ta Ɠamule mavofodaiti. 22 Zuda mavofodaiti tiegɔi ɠɛni ga zunu waaʋuulɔfela maazu lɔzita undɔɔlugɔ (76.500).

23 Isakaal ná-doun zunuiti, eɠɛʋelei ta-wolodamaiti ti la, ti ɠɛni ga: Tola mavofodaiti, Puva mavofodaiti, 24 Yasuɓe mavofodaiti, ta Similon mavofodaiti. 25 Isakaal mavofodaiti tiegɔi ɠɛni ga zunu waaʋuulɔzita maazu naani unsaʋagɔ (64.300).

26 Zaɓulɔn ná-doun zunuiti, eɠɛʋelei ti-mavofodaiti ti la, ti ɠɛni ga: Selɛde mavofodaiti, Elon mavofodaiti, ta Yaleyɛle mavofodaiti. 27 Zaɓulɔn mavofodaiti tiegɔi ɠɛni ga zunu waaʋuulɔzita undɔɔlugɔ (60.500).

28 Zozɛfe ná-doun zunuiti, eɠɛʋelei ti-mavofodaiti ti la, ti ɠɛni ga: Manasé ta Efelayime. 29 Manasé ná-doun zunuiti ti-mavofodaiti ti ɠɛni ga: Makiil mavofodaiti, Galaade mavofodaiti, nii é ɠɛni ga Makiil ná-doun zunui. 30 Galaade ná-doun zunuiti ti-mavofodaiti ti ɠɛni ga: Yezɛɛl mavofodaiti, Ɠelɛke mavofodaiti, 31 Asaliyɛle mavofodaiti, Sikɛme mavofodaiti, 32 Semida mavofodaiti, ta Ɠefɛɛl mavofodaiti. 33 Ɠefɛɛl ná-doun zunui Selofeɠade la ɠɛni doun zunua zɔlɔɔni, kɛlɛ é doun anzanuiti sɔlɔɔni, ti-laaseigiti kaa: Maala, Noa, Wogela, Milika ta Tiilesa. 34 Manasé mavofodaiti tiegɔi ɠɛni ga zunu waaʋuulɔɔlugɔ maazu felegɔ undɔfela (52.700).

35 Efelayime ná-doun zunuiti, eɠɛʋelei ti-mavofodaiti ti la, ti ɠɛni ga: Sutela mavofodaiti, Ɓekɛɛl mavofodaiti, ta Taɠan mavofodaiti. 36 Sutela ná-doun zunuiti ti-mavofodaiti ti ɠɛni ga: Elan mavofodaiti. 37 Efelayime mavofodaiti tiegɔi ɠɛni ga zunu waaʋuusaʋagɔ maazu felegɔ undɔɔlugɔ (32.500). Zozɛfe ná-doun zunuiti kana, eɠɛʋelei ti-mavofodaiti ti la.

38 Ɓɛnzamɛn ná-doun zunuiti, eɠɛʋelei ti-mavofodaiti ti la, ti ɠɛni ga: Ɓela mavofodaiti, Asaɓɛle mavofodaiti, Ayilame mavofodaiti, 39 Sufame mavofodaiti, ta Ɠufame mavofodaiti. 40 Ɓela ná-doun zunuiti ti-mavofodaiti ti ɠɛni ga: Aalede mavofodaiti ta Naaman mavofodaiti. 41 Ɓɛnzamɛn mavofodaiti tiegɔi ɠɛni ga zunu waaʋuunaani maazu lɔɔlugɔ undɔzita (45.600).

42 Dan ná-doun zunuiti, eɠɛʋelei ti-mavofodaiti ti la, ti ɠɛni ga: Suɠame mavofodaiti. 43 Suɠame mavofodaiti tiegɔi ɠɛni ga zunu waaʋuulɔzita maazu naanigɔ unnaanigɔ (64.400).

44 Asɛɛl ná-doun zunuiti, eɠɛʋelei ti-mavofodaiti ti la, ti ɠɛni ga: Yimina mavofodaiti, Yisivi mavofodaiti, ta Ɓelia mavofodaiti. 45 Ɓelia ná-doun zunuiti ti-mavofodaiti ti ɠɛni ga: Ɠeɓɛɛl mavofodaiti ta Malekiyɛle mavofodaiti. 46 Anzanu loun ɠɛni Asɛɛl ya, daaseigi ɠɛni ga Sela. 47 Asɛɛl mavofodaiti tiegɔi ɠɛni ga zunu waaʋuulɔɔlugɔ maazu saʋagɔ unnaanigɔ (53.400).

48 Nɛfɛtali ná-doun zunuiti, eɠɛʋelei ti-mavofodaiti ti la, ti ɠɛni ga: Yaseyɛle mavofodaiti, Guni mavofodaiti, 49 Yesɛɛl mavofodaiti, ta Sileme mavofodaiti. 50 Nɛfɛtali mavofodaiti tiegɔi ɠɛni ga zunu waaʋuunaanigɔ maazu lɔɔlugɔ unnaanigɔ (45.400).

51 Izilayɛle nuiti tiegɔi ɠɛni ga zunu waaundɔzita maazu ɠila undɔfela puusaʋagɔ (601.730).

52 Ɠɔoɠɔ GALAGI ɓɔɛni Moize ʋɔ, é ɠɛ ma: 53 «Zooi ɠaaɠwɛ bolodaiti ba, é zoloo nuiti tiegɔiti ma. 54 Bolodaiti ti mɔinɗai, ɗa zooi ve ti ya ga bɔɔlɔa, niiti ti lɔiɗai, è zooi tago ve ti ya. Ɛsɛ gilagilagi ná-zooi ɠa ve zea, é zoloo ti-liegɔi ma. 55 Kɛlɛ zooi ɠaa ɠa ɠwɛ ga kpakutoomai. Ta ti zɔlɔɔ ga tɔnɔ, eɠɛʋelei ti-ɠɛɛni ta-wolodaiti daaseigi la. 56 Zooi ɠaa ɠa ɠwɛ ga kpakutoomai, naati zɔɠɔzu, niiti ti wola mɔinɗai, ta niiti ti wola la mɔinni.»

57 Levi nuiti, ti ɠaaluni, eɠɛʋelei ti-mavofodaiti ti la, ti ɠɛni ga: Gɛɛlɛson mavofodaiti, Keɠate mavofodaiti, ta Melali mavofodaiti. 58 Levi mavofodaiti ti ɠɛni ga: Liɓini mavofodaiti, Eɓelɔn mavofodaiti, Maali mavofodaiti, Musi mavofodaiti, ta Kolé mavofodaiti. Keɠate Amalame zɔlɔɔni. 59 Amalame anzai laaseigi ɠɛni ga Yokeɓɛde, Levi ná-doun anzanui, nii é zɔlɔɔni Levi ʋɛ Ezipete yooi zu. É dounɠa zɔlɔɔni Amalame ʋɛ ga Aalɔn ta Moize, ta Miliyame, nii é ɠɛni ga ti-ʋaazeelai. 60 Niiti ti zɔlɔɔni Aalɔn ʋɛ ti ɠɛni ga Nadaɓe, Aɓiyu, naa ʋɛɛ Eleazaal ʋa, ta Itamaal. 61 Nadaɓe ta Aɓiyu ti zaani, naa ɠɛni siɛgi zu ti ʋaani la ga abu ɠiligi Ɠɔoɠɔ GALAGI ɠakala.

62 Niiti ti ɠaaluni, zunuiti kpein é zo alu gila ma, é lɛ zeemaazu, zunuiti ta zunu lointi, ti ɠɛni ga zunu waaʋuufele maazu saʋagɔ (23.000). Ti la ɠɛni ti ʋɛɛni Izilayɛle nuiti ba, ti ʋa ti ɠaalu, mazɔlɔɔ zou la ɠɛni veeni ti ya Izilayɛle nuiti saama.

63 Naati ka Moize ta Eleazaal ti ti ɠaaluni Moaɓe nɛmɛiti su, Zuludɛn ɠobaʋɛ, Zeliko letemaʋɛ. 64 Niiti kpein Moize ta zalaɠa ɠula nui Aalɔn ti ti ɠaaluni Sinayi teʋebai zu, naa tanɔpɛ ge la mɔ ɠɛni niiti saama. 65 Mazɔlɔɔ Ɠɔoɠɔ GALAGI ɠɛni ti ma: «Ta zaazu teʋebai zu.» Gila kpalaa ge la ɠɛni yɛni vulua, é ɠula Yefuné ná-doun zunui Kalɛɓe ʋolu, ta Nun ná-doun zunui Zozuwe.

<- Gaalu Sɛʋɛi 25Gaalu Sɛʋɛi 27 ->