1 Zooi nii kpakutoomai feeni Zuda ná-bolodai ma ʋɛlɛyeɠeiti zea, é zeelini Edɔme ɠwɛpelemaʋɛ Sin teʋebai zu, lɛkpɛmaʋɛ nu yeezazuʋɛ. 2 Pele ɠana, ta-ɠwɛpelemaʋɛ lɛkpɛmaʋɛ nu yeezazuʋɛ, naa liini la Kpoloɗɛ Wanai ɠaaɓelazuʋɛ, é zei lɛkpɛmaʋɛ nu yeezazuʋɛ yooi ʋa, 3 é li, é too ma lɛkpɛmaʋɛ nu yeezazuʋɛ, gize yɔɠɔzuʋɛ Akelaɓime, é leʋe ga Sin ʋele, é lɛ lɛkpɛmaʋɛ nu yeezazuʋɛ Kadɛse-Ɓaalenea, é leʋe miná ga Ɠɛselon ʋele, é lɛ Adaal, é lati Kaalekaa ʋele, 4 é leʋe naa ʋolu ga Asemon ʋele, é lo Ezipete ɠɔtuɗɛi ʋa, kwɛpelegi loni Kpoloɗɛ Wolai ʋa. Naa ɠa é ga wo-ɠwɛgi lɛkpɛmaʋɛ nu yeezazuʋɛ.

5 Folo ɠulazu ʋelei, kwɛpelemaʋɛ ɠɛni ga Kpoloɗɛ Wanai, eyɛsu é zei ti loolaʋɛ ʋa ta Zuludɛn.

Lɛkpɛmaʋɛ nu ɠɔʋɛzuʋɛ, kwɛmaʋɛ zoni kpoloɗɛi zuzeizuʋɛ, nii é ti loolaʋɛ ta Zuludɛn. 6 É lɛɛni ga Ɓɛte-Ɠɔgela ʋele, é leʋe Ɓɛte-Alaɓa, lɛkpɛmaʋɛ nu ɠɔʋɛzuʋɛ, é lo kɔtui ʋa, ti ɠɛɛzu ma Ɓɔɠan, Luɓɛn ná-doun zunui taɠila daasei kana, 7 kwɛpelemaʋɛ liini Deɓiil, é leʋe Akɔɔl nɛmɛi zu, é li lɛkpɛmaʋɛ nu ɠɔʋɛzu ʋelei Gilegale, é gize yɔɠɔzuʋɛ Adumime letemaʋɛ, kɔtuɗɛi ʋɔ bɛ, lɛkpɛmaʋɛ nu yeezazuʋɛ. Naa ʋolu é leʋe En-Seemɛse ziɛungiti pɔ bɛ, é too ma En-Lɔgɛle. 8 Kwɛpelegi lɛɛni, é leʋe ga Ɓɛne-Ɠinɔme ʋɛtugi zu ʋele, Yeeɓuse nuiti ta-ɠizei ɠɔɠɔaʋɛ, nii é ga Zeeluzalɛme, lɛkpɛmaʋɛ nu yeezazuʋɛ. Kwɛpelegi untɛɛni gizei ma, nii é ʋuuni folo liizu ʋelei, Ɠinɔme ʋɛtugi zu, Lefayime ʋɛtugi ɠaaɓelazuʋɛ, lɛkpɛmaʋɛ nu ɠɔʋɛzuʋɛ. 9 É zo gize unmaʋɛ, é yei, é zeeli Nɛfetoa ɗɛungiti ma, é li Efelon gizei ma laaiti pɔ pelei, aisa é ʋa li ga Ɓaala ʋele, nii é ga Kiliyate-Yeyalime. 10 É zo Ɓaala, kwɛpelemaʋɛ, é lati folo liizu ʋelei, Seyiil ɠizeiti pɔ pelei, é leʋe Dɔɓɔ ɠizei ɠɔɠɔaʋɛ, lɛkpɛmaʋɛ nu ɠɔʋɛzuʋɛ, naa ɠa é ga Kezalon, é yei Ɓɛte-Seemɛse, é leʋe Timena. 11 É zeɠe miná, é zeeli Ekelɔn ɠize ɠɔɠɔaʋɛ, lɛkpɛmaʋɛ nu ɠɔʋɛzuʋɛ, é ʋa Sikelon, é leʋe Ɓaala gizei ʋɔ bɛ, é li Yaɓeneyɛle, é lo Kpoloɗɛ Wolai ʋa.

12 Folo liizu ʋelei ma ɠwɛmaʋɛ ɠɛni ga Kpoloɗɛ Wolai laaʋɛ. Ʋele ɠana kwɛpelemaʋɛti ti ɠɛni la, é lo zooi ʋa, é veeni Zuda mavofodaiti zea, eɠɛʋelei ta-ʋɛlɛyeɠeiti ti la.

20 Zuda mavofodaiti ta-wolodai nɔnɔi ɠana, eɠɛʋelei ta-ʋɛlɛyeɠeiti ti la. 21 Zuda mavofodaiti ta-laaiti ti ɠɛni lɛkpɛmaʋɛ nu yeezazuʋɛ, Edɔme ɠwɛpelemaʋɛ letegi, naati ti ɠɛni ga: Kaɓeseyɛle, Edɛɛl, Yaguul, 22 Kina, Dimona, Adada, 23 Keedɛse, Ɠasɔɔl, Itan, 24 Zife, Teelɛme, Ɓealɔte, 25 Ɠasɔɔl-Ɠadata, Keliyɔte-Ɠɛselon, nii é ga Ɠasɔɔl, 26 Amame, Sema, Mɔlada, 27 Ɠasaal-Gada, Ɠɛsemon, Ɓɛte-Palɛte, 28 Ɠasaal-Suale, Ɓeel-Seeɓa, Ɓiziyɔtiya, 29 Ɓaala, Iyime, Asɛme, 30 Ɛletɔlade, Kezile, Ɠɔɔlema, 31 Sikelage, Mademana, Sansana, 32 Leɓayɔte, Sileɠime, Ayɛn, ta Limon. Taa wolai liegɔi ɠɛni ga taa ʋuufelegɔ maazu taaʋuugɔ (29), ta ma laa goiti.

33 Taai niiti ti ɠɛni ziɛlaʋɛ ma nɛmɛi zu, naati ti ɠɛni ga niiti: Esetawɔle, Sɔleya, Asena, 34 Zanoa, En-Ganime, Tapua, Ename, 35 Yaalemute, Adulame, Soko, Azeeka, 36 Saalayime, Aditayime, Gedeela, ta Gedeelɔtayime. Taa wolai liegɔi ɠɛni ga puugɔ maazu naanigɔ (14), ta ma laa goiti.

37 Senan, Ɠadasa, Migedale-Gade. 38 Dileyan, Misepee, Yɔketeyɛle, 39 Lakise, Ɓɔsekate, Egelon, 40 Kaɓon, Laamase, Kitelise, 41 Gedeelɔte, Ɓɛte-Dagon, Naama, ta Makeeda. Taa wolai liegɔi ɠɛni ga puugɔ maazu lɔzita (16), ta ma laa goiti.

42 Liɓena, Etɛɛl, Asan 43 Yifeta, Asena, Nesiɓe, 44 Keyila, Akeziɓe, ta Maleesa. Taa wolai liegɔi ɠɛni ga taaʋuugɔ, ta ma laa goiti.

45 Ekelɔn ta ma laa goiti, ta ma ɓalaɠaiti, 46 taa wolai nii kpein é Asedɔde ɠobaʋɛ, ta ma laa goiti, Ekelɔn ta Kpoloɗɛ Wolai ti yɔɠɔzuʋɛ.

47 Asedɔde ta ma laa goiti, ta ma ɓalaɠaiti, ta Gaza ta ma laa goiti, ta ma ɓalaɠaiti, eyɛsu é zeeli Ezipete ɠɔtuɗɛi ma, é li Kpoloɗɛ Wolai laaʋɛ.

48 Gize yooi ma ʋele geleiti ti ɠɛni ga: Samiil, Yatiil, Soko, 49 Dana, Kiliyate-Sana, nii é ga Deɓiil, 50 Anaɓe, Esetemo, Anime, 51 Gɔsɛn, Ɠɔlon, ta Gilo. Taa wolai liegɔi ɠɛni ga puugɔ maazu ɠila (11), ta ma laa goiti.

52 Alaɓe, Luma, Esɛyan, 53 Yanume, Ɓɛte-Tapua, Afeeka, 54 Ɠumeta, Kiliyate-Aaleɓa, nii é ga Ɠeeɓelɔn, ta Siyɔɔl. Taa wolai liegɔi ɠɛni ga taaʋuugɔ, ta ma laa goiti.

55 Maon, Kaalemɛle, Zife, Yuta, 56 Zizeleyɛle, Yɔkedeyame, Zanoa, 57 Kayɛn, Giɓea, ta Timena. Taa wolai liegɔi ɠɛni ga puugɔ, ta ma laa goiti.

58 Ɠaleɠule, Ɓɛte-Suul, Gedɔɔl, 59 Maalate, Ɓɛte-Anɔte, ta Ɛletekon. Taa wolai liegɔi ɠɛni ga dɔzita, ta ma laa goiti.

60 Kiliyate-Ɓaale nii é ga Kiliyate-Yeyalime, ta Laɓa. Taa wolai liegɔi ɠɛni ga felegɔ, ta ma laa goiti.

61 Teʋebai zu geleiti ti ɠɛni ga: Ɓɛte-Alaɓa, Midin, Sekaka, 62 Niɓesan, Iil-Meela, ta En-Geedi. Taa wolai liegɔi ɠɛni ga dɔzita, ta ma laa goiti.

63 Zuda mavofodaiti ti la ɠɛni zooni ti ʋa Yeeɓuse nuiti kpɛ, niiti ti ɠɛni zeini Zeeluzalɛme, naati ta dɛ zeini ná zaaɠaza ta Zuda nuiti.

<- Zozuwe 14Zozuwe 16 ->